skol
Kigali
Fortebet

Abasenateri basabye Leta y’u Rwanda gukemura ibibazo birimo icya serivisi mbi mu mavuriro n’ibura ry’imiti

Amakuru   Yanditswe na: Dusingizimana Remy 12 July 2022

Inteko Rusange ya Sena yasabye Guverinoma y’u Rwanda gukemura ibibazo bikigaragara mu mitangire ya serivisi mu Nzego z’ubuzima no gukemura ikibazo cy’ibura ry’imiti mu mavuriro ya Leta bituma abivuza bagendwa n’imiti bagura muri farumasi zigenga.


Abasenateri bafashe uwo mwanzuro nyuma yo kugezwaho raporo ya Komisiyo y’Imibereho y’Abaturage n’Uburenganzira bwa Muntu ku gikorwa cyo kumenya no kugenzura ibikorwa bya Guverinoma mu birebana n’imitangire ya serivisi mu bigo by’ubuvuzi n’imivurire y’indwara zitandura mu bigo nderabuzima.

Basabye Guverinoma guhugura byimbitse kandi bihoraho abaforomo bakurikirana indwara zitandura no gukomeza kubaka ubushobozi bw’abajyanama b’ubuzima mu rwego rwo kuzamura ubumenyi bwabo ku ndwara zitandura.

Guverinoma yasabwe kunoza imikorere n’imikoranire y’Ikigo gishinzwe gucuruza no gukwirakwiza imiti (RMS) n’ibigo by’ubuvuzi mu gukemura ikibazo cy’ibura ry’imiti no gufasha abaturage kubona imiti bataboneye kuri Larumasi za Leta, bagahabwa uburenganzira bwo kuyibona mu bikorera.

Raporo ya Komisiyo yagaragaje ko hari ikibazo cyo gutinda kubona serivisi ku barwayi, aho basuzumira, aho kwishyurira n’aho gufatira imiti, inzira ndende yo guhabwa serivisi, imbangukiragutabara nke, n’ibindi

Mu mitangire ya Serivisi mu bitaro, hagaragaraye ikibazo cy’ibura ry’imiti, na hamwe na hamwe abarwayi biyishyurira ikiguzi cy’imiti, kandi basanganywe ubwisungane mu kwivuza.

Ku bigo nderabuzima, hagaragaye ibibibazo birimo abakozi bake ugereranyije n’abari ku mbonerahamwe y’imyanya y’imirimo, umubare munini w’abagana ibigo nderabuzima barenze ubushobozi bwabyo, ibura ry’imiti mu bigo nderabuzima, abakoresha ubwisungane mu kwivuza batabona imiti.

Imitangire ya serivisi mu mavuriro yigenga, hari abakozi bahagije bakurikirana ibijyanye n’imitangire ya serivisi, hanakoreshwa ikorabuhanga mu kwakira ababigana, ariko hari ikibazo cy’ibigo by’ubwishingizi bitishyura uko bikwiye serivisi z’ubuvuzi zihabwa abanyamuryango babyo.

Imbogamizi zigaragara mu mivurire y’indwara zitandura mu bigo nderabuzima, harimo abaforomo badahagije bazihuguriwe, ikibazo cy’imiti itaboneka, bituma abarwayi batavurwa uko bikwiye, abagorwa n’ingendo bitewe n’aho ikigo nderabuzima giherereye n’ibindi.

Komisiyo y’Uburenganzira bwa Muntu n’Imibereho y’Abaturage yasuye Sena yasuye ibigo by’ubuvuzi birmo ibigo nderabuzima 46, ibitaro 15 n’amavuriro yigenga 2, inagirana ibiganiro n’inzego bireba zirimo Minisiteri y’Ubuzima, Ikigo cy’Ubwiteganyurize mu Rwanda (RSSB) n’Ubuyobozi bw’ibigo nderabuzima n’ibitaro.

IVOMO: IMVAHO NSHYA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble komezusenge claude

    Ikibazo cy’imiti akenshi gituruka mu mikorere mibi ya RMS idashakira igihugu imiti ikenewe ndetse ababishinzwe bazabikurikirane byimbitse .
    RMS igora abayiha imiti ( suppliers) yishyura bigoranye
    Bazanarebe abakozi ikoresha niba bashoboye...

    3 weeks ago
  • chat_bubble jeniffere

    nibyiza ariko mbona hari nikibazo cy,umushara muto kubaganga bituma na servis idatandgwa neza niwasiga umwa murugo atabashije kubona minerval guvure utanjye service uko bigomba

    1 month ago

Inzindi nkuru

U Rwanda rwabwije ukuri Amerika ku kibazo cya Paul Rusesabagina

Minisitiri w’Ububanyi n’amahanga n’ubutwererane w’u Rwanda, Dr Vincent hamwe...
11 August 2022 0

Minisitiri Biruta yahishuye ibyo Perezida Kagame yaganiriye na...

Perezida wa Repubulika y’u Rwanda, Paul Kagame yakiriye Umunyamabanga wa...
11 August 2022 0

"Nta mpungenge …’-Perezida Kagame avuga ku gitutu cya US kuri...

Perezida Kagame yavuze ko nta mpungenge u Rwanda rutewe n’igitutu Amerika...
11 August 2022 0

Umunyamabanga wa leta y’Amerika yageze I Kigali kuganira n’abayobozi b’u...

Umunyamabanga ushinzwe ububanyi n’amahanga bwa Amerika yageze i Kigali mu...
11 August 2022 0

Rubavu: Ba Gitifu 2 barimo uwarangaye akarere kagahagararirwa n’Umutetsi mu...

Abanyamabanga Nshingwabikorwa b’imirenge ibiri barimo uwa Rugerero aho...
10 August 2022 0

Perezida Museveni yakuye urujijo ku bivugwa ko ari gutegurira umuhungu we...

Perezida wa Uganda, Yoweri Kaguta Museveni yamaganye amakuru avuga ko...
10 August 2022 0