Taliki ya 27 Mata 2021, Ambasaderi w’u Rwanda mu Bihugu bya Senegal, Guinea Bissau, Mali, Gambie na Cabo Verde, Nyakubahwa Jean Pierre KARABARANGA yashyikirije Nyakubahwa General Umaro Sissoco Embalo, Perezida w’Igihugu cya Guinea Bissau impapuro zimuhesha uburenganzira bwo guhagararira Igihugu cy’u Rwanda muri Guinea Bissau.
Yamugejejeho indamukanyo ya kivandimwe ya mugenzi we w’u Rwanda Nyakubahwa Perezida Paul KAGAME.
Perezida Umaro Sissoco Embalo yasabye ko Ambasaderi KARABARANGA (...)

Sponsored Ad

Taliki ya 27 Mata 2021, Ambasaderi w’u Rwanda mu Bihugu bya Senegal, Guinea Bissau, Mali, Gambie na Cabo Verde, Nyakubahwa Jean Pierre KARABARANGA yashyikirije Nyakubahwa General Umaro Sissoco Embalo, Perezida w’Igihugu cya Guinea Bissau impapuro zimuhesha uburenganzira bwo guhagararira Igihugu cy’u Rwanda muri Guinea Bissau.

Yamugejejeho indamukanyo ya kivandimwe ya mugenzi we w’u Rwanda Nyakubahwa Perezida Paul KAGAME.

Perezida Umaro Sissoco Embalo yasabye ko Ambasaderi KARABARANGA yamugereza indamukanyo ye kuri Nyakubahwa Perezida Paul KAGAME. Yagaragaje ko ashima ubuyobozi bwa Nyakubahwa Perezida Paul KAGAME bwagejeje Abanyarwanda ku bumwe n’ubwiyunge, imibereho myiza n’iterambere rirambye.

Nyakubahwa Perezida Umaro Sissoco Embalo yongeyeho ko asangiye na Nyakubahwa Perezida Paul KAGAME icyerekezo cy’iterambere ry’Umugabane wa Afurika.

Nyakubahwa Perezida Umaro Sissoco Embalo yavuze ko Guinea Bissau yiyemeje gukomeza gushimangira umubano mwiza hagati y’Ibihugu byombi.

Ambasaderi Jean Pierre KARABARANGA ku ruhande rwe yavuze ko amahirwe n’icyizere cyo guhagararira u Rwanda na Nyakubahwa Perezida Paul KAGAME muri Guinea Bissau azabikoresha mu guteza imbere ubutwererane no gushimangira umubano hagati y’ibihugu byombi.

Ambasaderi Jean Pierre KARABARANGA yaraherekejwe na Madamu we Viviane UWICYEZA n’Umujyanama wa Kabiri muri Ambasade y’u Rwanda muri Senegal, Madame Anitha KAMARIZA.

Iri ni itangazo rigenewe abanyamakuru ryasohowe na Ambasade y’u Rwanda mu Bihugu bya Senegal, Guinea Bissau, Mali, Gambie na Cabo Verde