Karangwa Johnston wari umunyamabanga nshingwabikorwa w’ Umurenge wa Gitega mu karere ka Nyarugenge mu mugi wa Kigali yeguye kuri uyu mwanya.
Mu gitondo cyo kuri uyu wa Mbere tariki 11 Nzeri 2017 nibwo ubuyobozi bw’ akarere ka Nyarugenge bwakiriye ibarurwa y’ ubwegure bw’ uyu muyobozi uvuga ko yeguye ku mpamvu ze bwite.
Umuyobozi w’ akarere ka Nyarugenge Madamu Kayisime Nzaramba yemeje aya makuru avuga ko akarere katangiye gushaka uwo kumusimbura bw’ agateganyo kugira ngo haboneke umuyobozi (...)

Sponsored Ad

Karangwa Johnston wari umunyamabanga nshingwabikorwa w’ Umurenge wa Gitega mu karere ka Nyarugenge mu mugi wa Kigali yeguye kuri uyu mwanya.

Mu gitondo cyo kuri uyu wa Mbere tariki 11 Nzeri 2017 nibwo ubuyobozi bw’ akarere ka Nyarugenge bwakiriye ibarurwa y’ ubwegure bw’ uyu muyobozi uvuga ko yeguye ku mpamvu ze bwite.

Umuyobozi w’ akarere ka Nyarugenge Madamu Kayisime Nzaramba yemeje aya makuru avuga ko akarere katangiye gushaka uwo kumusimbura bw’ agateganyo kugira ngo haboneke umuyobozi uziba icyuho Karangwa asize.

Yagize ati “Yego ni ukuri. Yeguye ku mpamvu ze bwite. Ubwegure bwe yabutanze uyu munsi mu gitondo, yari amaze igihe kiri mu mezi icumi cyangwa umwaka.”

Meya Nzaramba yatangaje ko mu gihe uyu mwanya ugiye gushyirwa ku isoko ngo upinganirwe ubuyobozi bw’ akarere bugiye gushaka Umunyamabanga nshingwabikorwa wa Gitega w’ agateganyo ngo hadasigara icyuho.

Karangwa Johnston yabanje kuba umunyamabanga nshingwabikorwa w’ umurenge wa Nyakabanda nawo wo mu karere ka Nyarugenge ariho yavuye ajya kuyobora Umurenge wa Gitega.