skol
Kigali

"Igihugu iyo gitewe kiritabara"-Minisitiri Biruta avuga ku bushotoranyi bwa RDC ku Rwanda

Amakuru   Yanditswe na: Dusingizimana Remy 31 May 2022

Minisitiri w’Ububanyi n’Amahanga, Dr Vincent Biruta yagiranye ikiganiro n’abanyamakuru, cyibanze ku mibanire y’u Rwanda n’amahanga. by’umwihariko Repubulika iharanira Demokarasi ya Kongo.

Iki kiganiro cyabaye mu gihe umubano w’u Rwanda na RDC utameze neza bitewe n’ibirego bishingiye ku bitero bya M23 no kuba ingabo za Congo zifatanya n’umutwe wa FDLR.

Minisitiri Dr Biruta yavuze ko ubushotoranyi bwa RDC nibudahagarara u Rwanda rutazicara ngo rutuze ahubwo ruzatabara abaturage barwo.

Ati “Dufite inshingano zo kurinda abaturage bacu no kurinda imipaka y’igihugu cyacu. Igihugu iyo gitewe kiritabara.

Bikomeje ntabwo twakomeza ngo twicare dutegereze ko abaturage bacu bahora baraswa buri munsi, ushatse aze ashimute abo ashatse bose, kandi mu byo navuze mu nama y’Umuryango w’Ubumwe bwa Afurika i Malabo, navuze ko dufite uburenganzira bwo gusubiza byo kwirwanaho igihe dutewe.

Icyo twifuza ni uko ibyo bikorwa byahagarara, turifuza ko bariya basirikare barekurwa, ariko ubwo ibitero bikomeje, umutekano w’igihugu cyacu ugakomeza kubangamirwa, twaba dufite uburenganzira bwo kwirwanaho kandi muzi neza ko ubushobozi tubufite.”

Minisitiri Biruta yashimangiye ko u Rwanda ruzakomeza gushakira umuti iki kibazo binyuze mu nzira y’amahoro n’ibiganiro kuko rusanga nta gisubizo cyava mu ntambara.

Minisitiri w’Ububanyi n’amahanga w’u Rwanda, Dr. Vincent Biruta, yavuze ko Ingabo za Congo zarashe bwa mbere mu Rwanda ku wa 19 Werurwe 2022, icyo gihe ibisasu bigwa mu mirima ntibyagira uwo bikomeretsa.

Ariko ejobundi ku wa 23 Gicurasi noneho hagwa amabombe menshi muri Burera no muri Musanze, noneho asenya inzu anakomeretsa n’abantu.”

Minisitiri Biruta yavuze ko yahamagaye mugenzi we RDC amubaza ibyabaye, ariko ngo ntabwo u Rwanda rwigeze rusabwa imbabazi cyangwa ngo ruhabwe icyizere ko bitazongera.

Minisiteri Biruta yongeye gushimangira ko abasirikare 2 ba RDF bari ku irondo ku mupaka w’u Rwanda na RDC bashimuswe n’umutwe wa FDLR ariko ubu bafunzwe n’ubuyobozi bwa RDC.

Yagize ati "U Rwanda rwasabye ko barindwa ariko bakarekurwa bidatinze."

Minisitiri w’Ububanyi n’Amahanga n’Ubutwererane yateye utwatsi ibirego bya DRC bishinja u Rwanda gutera inkunga umutwe wa M23 wubuye imirwano n’ingabo za DRC, FARDC, ashimangira ko ntaho u Rwanda ruhuriye n’iyo ntambara.

Dr Vincent Biruta yavuze ko kuba leta ya Kongo yarananiwe kugira icyo ikora ku mitwe y’Iterabwoba nka FDLR ariyo mpamvu abaturage batuye mu Burasirazuba bwa RDC bahora mu bibazo.

Ati "Kubaho kwa FDLR byateje imibabaro itavugwa abaturage bo mu burasirazuba bwa RDC kandi bitera umutekano muke mu karere kacu mu myaka igera kuri 30."

Yemeje ko FDLR ariyo iyoboye imitwe iteza umutekano muke muri RDC mu myaka 28 kandi ko kuva 1998 MONUSCO ibizi neza ko iyo mitwe iba mu Burasirazuba bwa RDC.

Minisitiri Biruta yavuze ko u Rwanda rusaba amahanga kwirinda kurebera intambara zo muri Kongo kuko Isi ishobora gushiduka amateka ya jenoside yongeye kwisubiramo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sena y’u Rwanda yashimiye Perezida Kagame kubera uruhare rwe mu gutuma...

Inyeko ishinga amategeko umutwe wa Sena yashyize hanze Ubutumwa bw’ishimwe...
28 June 2022 1

Perezida Kagame yagiranye ibiganiro na Minisitiri w’Intebe wa Singapore...

Perezida Paul Kagame yakiriye muri Village Urugwiro Minisitiri w’Intebe wa...
27 June 2022 0

Perezida Kagame yashimiye abitabiriye #CHOGM2022 n’inzego z’umutekano zatumye...

Perezida Paul Kagame yashimye abitabiriye inama ya CHOGM baturutse hirya no...
26 June 2022 0

"U Rwanda nta somo rukeneye ry’indangagaciro"-Perezida Kagame

Asubiza ikibazo cy’umunyamakuru wa BBC, Perezida Paul Kagame yavuze ko nta...
26 June 2022 0

Perezida Kagame yahishuye impamvu yatumiye Emir wa Qatar mu nama ya CHOGM...

Perezida Paul Kagame yashimiye Tamim bin Hamad Al Thani, Emir wa Leta ya...
25 June 2022 1

Perezida Kagame yahawe umwanya ukomeye muri CHOGM

Nyuma y’aho u Rwanda rwakiriye inama ya CHOGM2022, Perezida Paul Kagame ni...
24 June 2022 0