skol
Kigali
Fortebet

Komisiyo y’Abakozi ba Leta yatahuye uburiganya mu mitangire y’akazi muri Minisante

Amakuru   Yanditswe na: Joseph Hakuzwumuremyi 30 April 2018

Diane Gashumba, Minisitiri w’Ubuzima
Muri raporo y’ubugenzi yakozwe na Komisiyo y’Igihugu y’Abakozi ba Leta mu kwezi kwa 10 2017 yagaragaje bumwe mu buriganya bwakozwe bigaragara ko busa n’ubwagambiriwe mu bizamini by’akazi ku bakozi bashinzwe Imari n’Ubutegetsi (DAF) mu bitaro binyuranye bya Leta.


Amwe mu makosa, nk’uko bigaragara muri raporo y’igenzura y’agateganyo Umuryango ufitiye kopi, harimo abakozi batanze impapuro zisaba akazi italiki yo gusaba akazi yararenze, kongerera amanota abatsinzwe, kwima amanota abatsinze, guha akazi abatujuje ibyasabwaga n’ibindi.

Muri iyi raporo, bigaragara ko Mukankiko Peace wahawe akazi mu bitaro bya Ruhango, Furaha Frank wahawe akazi mu bitaro bya Shyira na Kabanda Albert impapuro zabo zisaba akazi Minisante yazakiriye hafi amezi abiri nyuma y’aho italiki ntarengwa yo gutanga impapuro zisaba akazi yari yararenze.

Aba bose basabye akazi taliki 17/4/2017 italiki ntarengwa yari taliki 24/2/2017. Mu gitabo cy’abatanze dosiye zisaba akazi aba bahawe nomero umwe umwe ifite iy’undi muntu bisa ariko we watangiye igihe dosiye ye, ibi byasaga no kujijisha. Aba bose uko ari 3 bahawe akazi.

Muri iri genzura kandi, byagaragaye ko hari abakandida bahawe akazi nyamara dosiye batanze zitari zujujue ibisabwa.

Twagirimana Albert, wahawe akazi mu bitaro bya Mibilizi, Komisiyo yasanze muri dosiye ye diplome y’ikiciro cya gatatu cya Kaminuza (Masters) ari iyo ku italiki ya 25/8/2017 mu gihe italiki ntarengwa yo kwakira dosiye zisaba akazi yari 24/2/2017.

Ndamage Theophile wahawe akazi mu bitaro bya Nyanza we muri dosiye ye harimo icyangombwa cyo ku italiki ya 21/10/2017 cy’uko ari kwiga ikiciro cya gatatu cya Kaminuza kandi hari amasomo 6 ashigaje!

Mu igenzura kandi, raporo igaragaza ko hari abakandida bari batsinzwe ikizamini cyanditse bakongererwa amanota, ndetse n’uwatsinze iki kizamini amanota ye bakayagabanya bityo akimwa uburenganzira bwe bwo gukora ikizamini cy’ikiganiro.

Musoni Sylvestre yahawe akazi mu bitaro bya Munini yatsinzwe ikizamini cyanditse aho yari yabonye amanota 15/50 atamwemerera gukomeza ikindi kizamini ariko yongererwa amanita 20 ahita yemererwa kujya mu kizamini cy’ikiganiro ndetse asohoka mu batsinze.

Ndamage Theophile wahawe akazi mu bitaro bya Nyanza yari yabonye amanota 11/50 mu kizamini cyanditse yongererwa amanota 20 ngo abashe gukora ikizamini cy’ikiganiro .

Sinayitutse Desire wahawe akazi mu bitaro bya Gihundwe yari yatsinzwe n’amanota 22 yongererwa amanota 5.5 ngo abashe gukora ikizamini cy’ikiganiro.

Ibyimana Consolatrice wahawe akazi mu bitaro bya Kirehe yari yatsinze ikizamini cyanditse yemerewe gukora ikizamini cy’ikiganiro ariko n’amanota ye arongerwa. Yari yabonye amanota 27.5/50 yongererwa amanota 14.5.

Uwitwa Habiyaremye Valens yari yatsinze ikizamni cyanditse n’amanota 42/50 ariko yimwa uburenganzira bwo gukora ikizamini cy’ikiganiro kuko mu gutangaza amanota yasanze afite 15/50. Amanota ye yagabanyijweho amanota 27!

Muri iri genzura kandi, raporo igaragaza ko Sylvestre Musoni wahawe akazi mu bitaro bya Munini atigeze yerekana dipolome y’u Rwanda inganya agaciro n’inyamahanga iri muri dosiye ye nabyo bikaba binyuranye n’amategeko.

Umuyobozi w’Imirimo Rusange (Corporate Services Division Manager) muri Minisante Valens Ndonkeye arashyirwa mu majwi ku makosa yose ari muri iyi raporo.

Amakuru Umuryango wamenye ni uko Valens Ndonkeye, Umuyobozi w’Imirimo Rusange muri Minisante yaba yarabanje kwima abakozi ba komisiyo dosiye zakosoreweho ikizamini cyanditse ariko akaza kuzitanga hakoreshejwe izindi mbaraga.

Andi makuru ni uko aya amakosa ngo ashobora kuba atarakozwe mu buryo bwo gucikwa nk’uko Minisante yabibwiye abakozi ba Komisiyo ahubwo bishoboka ko hari icyagiye gitangwa ngo bamwe bahabwe akazi hirengagijwe ibyasabwaga.

Abavuga ibi bakabihera ko hari amazina agaruka muri buri kibazo Komisiyo yagaragaje mu muri iyi raporo kandi bose barabonye akazi.

Valens Ndonkeye yatangarije Umuryango ko iri genzura ryakozwe ndetse raporo y’agateganyo igasoka, bakagira icyo bayivugaho ariko bakirindiriye raporo ya nyuma ndetse n’ibyo basabwa gukora ngo bayishyire mu bikorwa.

Yagize ati:” ntabwo harasohoka raporo ya nyuma, raporo iracyari muri komisiyo, mu gihe izaba yasohotse igira n’ibyo isaba nibwo tuzabishyira mu bikorwa”.

Habiyaremye Valens, afite ikiciro cya gatatu cya Kaminuza mi Ibaruramali, yari yatsinze ikizamini cyanditse n’amanota 42 ariko amanota ye bayagabanyaho 27 asigarana 15. Avuga ko icyamubabaza atari uko yakwimwa amanota ahubwo azababazwa n’uko bizanamenyekana ariko ababikoze ntibahanwe.

Yagize ati:” Nk’umuntu wabaye mu bwarimu ndabyumva, birashoboka ko wakwibeshya, ariko kwibeshya amanota umuntu yayabonye ukayagabanya simbyumba, ariko nanone icyambabaza cyane ni igihe igenzura ryarangira ababigizemo uruhare ntibabibazwe, hari ikizere ko amategeko yazandenganura”.

“Kundendanya simbifatamo nk’ikibazo cyane, ikibazo ni uko byagaragara bikarangirira aho gusa ntawe ubibajijwe”.

Olivier Kanamugire, Umuyobozi w’Ishami ry’Imicungire y’Abakozi mu bigo muri Komisiyo y’Abakozi ba Leta yatangarije Umuryango ko iyo bakoze igenzura bagasanga hari amakosa yakozwe mu gutanga akazi abo bakozi bahawe akazi birukanwa.

Yagize ati: “Ubusanzwe amategeko ateganya ko iyo bigaragaye ko umukozi yagiye mu kazi mu buryo bunyuranyije n’amategeko ahita yirukanwa hagatangwa ibizamini ku bamusimbura”.

Nta gisubizo twabonye cya Komisiyo y’Abakozi ba Leta ku cyakorwa mu gihe byagaragara ko hari abakandida bibwe amanota bari babonye mu kizamini iki n’iki bikabagiraho ingaruka zo gutsindwa.

Author : Joseph Hakuzwumuremyi

Hakuzwumuremyi Joseph ni umunyamakuru utarabigize umwuga. Afite impamyabushobozi y’ikiciro cya kabili cya Kaminuza mu ikoranabuhanga n’icungamutungo. Yashinze ikinyamakuru cy’Akarere ka Gisagara, Amabengeza (ubu cyabaye Imbanzabigwi), yashinze ikinyamakuru cy’Akarere ka Bugesera, Bugesera Magazine. Yabaye umukorerabushake igihe kinini kuri Radio Salus. Ubu ni umunyamakuru usesengura inkuru za Politiki n’Umutekano ku kinyamakuru Umuryango.

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Kagabo Paul

    Erega, njye mbona biriya atari inkuru!!! None se ko aribyo byeze; si ubwa mbere,biba muri Minisante, sinaho biba gusa!!!
    Ahubwi inkuru: ni kuki noneho bitangajwe? Har impamvu.

    May 2018
  • chat_bubble Umuti urambye

    Ni ikibazo gikomeye byo hagomba gufatwa ingamba kuko hanze ntibyoroshye . Ibyinshi ubona harimo akarengane,None se wasobanura gute ukuntu Minisante yafashe abari abayobozi mu bitaro no mu zindi nzego z’ubuzima nka administrators n’abandi ikabarihira icyiciro cya gatatu cya kaminuza(Master) mu miyoborere y’ibitaro(hospital administration ) muri University of Rwanda hagamijwe kunoza imiyoborere y’ibigo by’ubuzima ariko uko barangije amashuli bose kuva mu mwaka wa 2013 kugeza uyu munsi nta numwe yahaye akazi muri structure nshya abenshi bakaba nta kazi bafite abandi bakora utuzi duciriritse cyane aho batagaragaza n’ibyo bize.Ese ayo mafaranga aba yabagendeyeho ntibanakoreshe ubumenyi bafite mu kunoza imiyoborere y’ibigo by’ubuzima kandi ari experts muri iyo domaine urumva atari igihombo ku gihugu.Minisante ikeneye no kujya irebera ku bindi bihugu abayobora ibigo by’ubuzima si abaganga rwose.

    May 2018
  • chat_bubble r

    Wowe uvuga ibyo urabizi? jya ureka gusebya bantu urabizi? Ndahakora reka umuyobozi wacu mwiza twifitiye yashyize ibintu mu buryo ubwo nawe wasanga uri muri bamwe birirwa mu manama kwa Bizimana bacura imigambi yo kunaniza ubuyobozi bw’ibitaro bya Nyanza no kujyana amafuti ku karere agamije guteranya ubuyobozi bw’akarere n’ubuyobozi bw’ibitaro. dore nkuyu mu mama mwahereye ku bwa Mayor Abdalah muvuga ngo ntimushaka ko akorera Nyanza ngo si uwinyanza si komisiyo y’abakozi ba leta yamurenganuye. nkubu c ko ari chef comptable ahurirahe n’abakozi. ahubwo ubwo si ababatumye ngo mukomeza musebanye koko mwirengagije ko kuba akarere karanze guhemba abo bakozi 6 baherutse kujyamo ko aruko kashakaga gushyiramo ababo batanze amaturo dore ko ntawe ukahabona atatanze millioni. hanyuma uyu mumama kubera ko mutamushaka mugashaka kubimushyiraho? ubu c ni we prezida wo komite yo gushaka abakozi muyobewe mwese ko ari DAF ubishinzwe koko ahubwo akarere kajye kitondera ibyo mubashyira kuko ntago ari ibyubaka ahubwo muba mushaka gukingira ikibaba amafuti yanyu ngo batayabona. dore nkubu clinic akarere kananiwe kurangiza ikibazo cyayo kandi abo igomba kuryozwa barahari kandi biri no guteza igihombo ibitaro ahubwo birirwa bakurikirana urujijo muba mwabatejemo. nkubu c hari uyobewe ko mwacuze imigambi ngo yo kuzazanira uyu mu mama ruswa mwitwaje na polisi ngo muhite mumufungisha byitwa ruswa nkuko mwirirwa mu biririmba. Imana iba ibabona gusa izajya ibatamaza nigaramiye.

    May 2018
  • chat_bubble Alpha Delta

    Bombori Bombori muri CHUK...! Minisitiri Diane ntabwo azi ibirikubera muri CHUK..! Ese Auditor General we yababizi !!!!...Wenda umuvunyi mukuri yaba abizi se ! Nta wamenya....! RGB nimutabare CHUK igeze aharindimuka. Komisiyo yabakozi ba leta izajye muri CHUK Irebe ibiri kuhabera, nizi nzego mvuze hejuru.!

    Izi nzego zose bireba nimutabare CHUK. Nyuma yuko New Structure isohotse muriki kigo cy’ubuzima cya CHUK, abantu bahahwe Acting zidakwiye kuko batari bujuje ibisabwa kuriyo myanya! Barangije bajya kwiga, ubu hategerejwe KO barangiza kwiga imyanya ikajya yashyirwa kw’isoko ryumurimu igapiganirwa...! Kandi birumvikana KO iyi myanya bayibikiye abobantu, ahubwo itareba abanyarwanda Bose murine rusange kwisoko ryumurimu. Ubuse ibintu nkibi byaba mukigo cya leta nta CHUK....!

    Hari ikindi kitazwi cg se kizwi muri CHUK gikeneye igisubizo cg umuti...! Abitwa abagogwe baturutse muri DR Congo...barica bagakiza muri CHUK. Nta muyobozi bubaha, apfa kuba ataraturutse muri Congo. Ironda karere ryaciwe murwanda, risigaye muri CHUK.

    Hubatswe agatsiko kabantu runaka gashingiye kukarere runaka, kagizwe nabantu runaka badindiza gahunda zaleta! Serivisi zarapfuye muri CHUK kubera ironda karere nokutagira ubushobozi buhagije mukazi. CHUK inanirwa gufata ibyemezo bifitiye leta nabaturage akamaro kubera kunanizwa nagatsiko kabantu runaka katurutse imasisi biyita abagogwe...!

    May 2018
  • chat_bubble Alpha Delta

    Bombori Bombori muri CHUK...! Minisitiri Diane ntabwo azi ibirikubera muri CHUK..! Ese Auditor General we yababizi !!!!...Wenda umuvunyi mukuri yaba abizi se ! Nta wamenya....! RGB nimutabare CHUK igeze aharindimuka. Komisiyo yabakozi ba leta izajye muri CHUK Irebe ibiri kuhabera, nizi nzego mvuze hejuru.!

    Izi nzego zose bireba nimutabare CHUK. Nyuma yuko New Structure isohotse muriki kigo cy’ubuzima cya CHUK, abantu bahahwe Acting zidakwiye kuko batari bujuje ibisabwa kuriyo myanya! Barangije bajya kwiga, ubu hategerejwe KO barangiza kwiga imyanya ikajya yashyirwa kw’isoko ryumurimu igapiganirwa...! Kandi birumvikana KO iyi myanya bayibikiye abobantu, ahubwo itareba abanyarwanda Bose murine rusange kwisoko ryumurimu. Ubuse ibintu nkibi byaba mukigo cya leta nta CHUK....!

    Hari ikindi kitazwi cg se kizwi muri CHUK gikeneye igisubizo cg umuti...! Abitwa abagogwe baturutse muri DR Congo...barica bagakiza muri CHUK. Nta muyobozi bubaha, apfa kuba ataraturutse muri Congo. Ironda karere ryaciwe murwanda, risigaye muri CHUK.

    Hubatswe agatsiko kabantu runaka gashingiye kukarere runaka, kagizwe nabantu runaka badindiza gahunda zaleta! Serivisi zarapfuye muri CHUK kubera ironda karere nokutagira ubushobozi buhagije mukazi. CHUK inanirwa gufata ibyemezo bifitiye leta nabaturage akamaro kubera kunanizwa nagatsiko kabantu runaka katurutse imasisi biyita abagogwe...!

    May 2018
  • chat_bubble bongwa

    Ngaho da! Mujye mwima akazi abagakwiriye bagatsindiye mugahe abatagatsindiye ngo nuko mubazi ngo bemejwe muri vetting. Muzerure tubimenye ko ntawe ugomba gukora exam kumwanya wa DAF mujye mukora izo ngirwa vetting mutiriwe mutesha abantu igihe ngo barakora exam z’akazi.

    May 2018
  • chat_bubble bongwa

    Ngaho da! Mujye mwima akazi abagakwiriye bagatsindiye mugahe abatagatsindiye ngo nuko mubazi ngo bemejwe muri vetting. Muzerure tubimenye ko ntawe ugomba gukora exam kumwanya wa DAF mujye mukora izo ngirwa vetting mutiriwe mutesha abantu igihe ngo barakora exam z’akazi.

    May 2018
  • chat_bubble jo

    Muzaze murebe uko bikorwa ngororero muzumirwa.

    May 2018
  • chat_bubble iyaje

    Yewe ibi birababaje cyane ariko ntawamenya ikigengerwaho gusa abakoze ibi bakwiye kubibazwa rwose niho byarushaho kuba byiza.

    May 2018
  • chat_bubble iyaje

    Yewe ibi birababaje cyane ariko ntawamenya ikigengerwaho gusa abakoze ibi bakwiye kubibazwa rwose niho byarushaho kuba byiza.

    May 2018
  • chat_bubble Mberakurora

    Iyo nitegereje umuvuduko ruswa igezeho mubitaro by’ uturere mbona imyanya y’akazi ipiganirwa ishize bazajya bahindukira bakirukana bamwe mubakozi bafite bagashaka abo babasimbuza kugirango bibonere amafaranga, ingero ni nyinshi aho bamwe mubaganga biyenzwaho bagasezera akazi bagasimburwa abakozi badashoboye. Abandi bakozi bajyanywe mubyaro kumaherere ngo bananizwe baziyirukane, ntushobora gushyira DAF, DG,HR mu kazi wamuciye ruswa ya Miliyoni ngo azareke kurya ruswa amafaranga yaguhaye atangira akazi ayita igishoro agomba kugaruza akanunguka niyo mpamvu. Bazacibwa ruswa bagera mubitaro bagaca ruswa kugera no mubigo nderabuzima umwera uraturuka ibukuru ngo wirukana umugore uguguna igufwa ukazana urimira bunguri.

    May 2018
  • chat_bubble Agahomamunwa

    Njyewe sindagura ndatamba iyo witegereje ukareba umuvuduko ruswa ikimenyane n’icyenewabo bigezeho muri iki gihugu wibaza aho bizagarukira hakakuyobera hari imyanya imwe y’ubuyobozi twahariye abo mu mbyeyi.Ariko bikomeje gutya akarengane ikimenyane itonesha icyenewabo byavuzwe ko RPF yarwanyije byatugarukana. Nonese kwigisha umuntu w’umuhanga waba wamwishyuriye cyangwa yiyishyiriye akaminuza ariko ukazamwima akazi muburyo nkubu ukeka ko icyazamubaba za ari iki byakaruswe no kumuzitira ntiyige akigira mubindi hakiri kare guhinga korora imyuga.

    May 2018
  • chat_bubble mamy

    Nibyiza commission ndayishimiye.ryose iyi commission ige iba iyabakozi Bose Naba prive kuko abakozi .bararengankwa cyanee.birukana uko bashatse ngo ni privet .akarengane karababaza pee

    May 2018
  • chat_bubble mamy

    Birabaje .ariko birashimishije kuba commission yabonye ayo makosa ryose akarengane karababaza cyanee.gusa nasabaga niba bishoboka iyo commission ntikabe iyabakozi ba leta gusa ibe iyabakozi Bose niyomubigo byigenga kuko .abakozi bararengankwa cyanee.bica amategeko nkana birukan abakozi ukobishakiye barangiza bati iyi nikigocyigenga.kdi twese turi abanyatwanda tubadukorera urwatubyaye.

    April 2018
  • chat_bubble Ba M&E Officers

    Ibi komisiyo yakoze ni byiza pe! Ariko biteye agahinda.Bazarebe na ba Monitoring and Evaluation(M&E Officers). Icyo bazize kuko inyanya yabo bayishyizemo abandi ba batakoze n’ibizamini kandi batarize ibijyanye n’iyi post ngo hakurikijwe structure utamenya uko yakozwe. Umuntu wize finance ni gute ahabwa monitoring ya health indicators ababyize nubu ukaba utamenya iyo bari! Ibi hari aho bifitanye isano na ba DAF ndetse n’abari ba administrateurs bakuwe mu myanya bagashyirwa muri monitoring ya health indicateurs ba (M&E Officers) babyize ntumenye aho bashyizwe. Link irahari komisiyo yabarenganura bgafashwa kuko nabo ni abanyarwanda pe!

    April 2018
  • 1 | 2 | 3 | 4

Inzindi nkuru

Inzobere za ONU zavuze ko zifite “ibimenyetso bikomeye” bishinja u Rwanda...

Itsinda ry’inzobere za ONU rivuga ko rifite “ibimenyetso bikomeye” ko ingabo...
4 August 2022 0

Umujyi wa Kigali wahishuye aho imirimo yo kubaka ikiraro cya Nyabugogo...

Abayobozi b’Umujyi wa Kigali n’Uturere tuwugize bagiranye ikiganiro...
3 August 2022 0

"Hari ibigo bya Leta bigomba kwegurirwa abikorera vuba na bwangu"-Perezida...

Kuri uyu wa Kabiri tariki ya 02 Kanama 2022,Perezida Kagame yari mu cyumba...
2 August 2022 0

Perezida Kagame yashyizeho Abaminisitiri bashya muri MINICOM na...

Perezida wa Repubulika yashyizeho Abaminisitiri bashya, aho Dr. Jean...
30 July 2022 0

Minisitiri w’ububanyi n’amahanga wa Amerika agiye kuza i Kigali kubaza ibya...

‘Minisitiri’ w’ububanyi n’amahanga wa Amerika ugiye kugirira uruzinduko mu...
30 July 2022 2

Ibyemezo byafatiwe mu nama y’abaminisitiri yo kuwa 29 Nyakanga...

Perezida Paul Kagame, kuri uyu wa Gatanu tariki 29 Nyakanga 2022 yayoboye...
30 July 2022 0