skol
Kigali
Fortebet

Minisitiri w’ububanyi n’amahanga wa Amerika agiye kuza i Kigali kubaza ibya Rusesabagina

Amakuru   Yanditswe na: Dusingizimana Remy 30 July 2022

‘Minisitiri’ w’ububanyi n’amahanga wa Amerika ugiye kugirira uruzinduko mu Rwanda azabaza abategetsi ku ifungwa rya Paul Rusesabagina, uburenganzira bwa muntu, no gufunga urubuga rwa politiki ku batavuga rumwe n’ubutegetsi.

Antony Blinken azagera mu Rwanda tariki 10 Kanama(8), arimo asoza ingendo ze muri Cambodia, Philippines, Africa y’Epfo, na DR Congo, nk’uko itangazo rya minisiteri akuriye ribivuga.

Muri DR Congo, mu byo Blinken azaganira n’abategetsi baho harimo ubucuruzi n’ishoramari, “n’umuhate wo kugeza ku mahoro uburasirazuba” bw’iki gihugu “n’akarere k’ibiyaga bigari muri rusange”.

Hashize icyumweru muri ako gace ka DRC hari imyigaragambyo yamagana ingabo za ONU zihamaze imyaka irenga 20.

Abahatuye bazinenga kunanirwa kuhabungabunga amahoro, muri aka gace karimo imitwe irenga 100 yitwaje intwaro, irimo n’ikomoka mu Rwanda, Burundi na Uganda.

Abarenga 25 bamaze gupfira muri iyi myigaragambyo nk’uko bivugwa na sosiyete sivile mu ntara ya Kivu ya ruguru.

Ibiro bya Blinken bivuga ko mu Rwanda, “azibanda ku ruhare leta y’u Rwanda yagira mu guhosha amakimbirane n’ubugizi bwa nabi ubu biri mu burasirazuba bwa DRC”, nk’uko itangazo ry’ibiro bye ribivuga.

Rusesabagina, n’abatavugarumwe n’ubutegetsi

Mu Rwanda, Antony Blinken azavuga ku bibazo by’uburenganzira bwa muntu, gufunga urubuga rwa politiki ku batavuga rumwe n’ubutegetsi, n’ibyo Amerika yise “gufunga mu buryo butari bwo uwemerewe kuba muri Amerika Paul Rusesabagina”.

Minisiteri y’ububanyi n’amahanga, n’inteko ishingamategeko ya Amerika byemeza ko Rusesabagina “yafunzwe mu buryo butari bwo” n’u Rwanda.

Leta y’u Rwanda ivuga ko uyu yari ku isonga ry’ibitero by’inyeshyamba za MRCD-FLN mu 2019 byishe abantu mu majyepfo ashyira uburengarazuba bw’u Rwanda.

Antony Blinken yaherukaga muri Africa mu Ugushyingo(11) 2021 aho yasuye Kenya, Nigeria, na Senegal.

Blinken agarutse muri Africa, nyuma y’uko Perezida Joe Biden wa US yemeje ko azakira inama ya mbere nini izamuhuza n’abategetsi ba Africa mu Ukuboza(12) uyu mwaka.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble janvier lion

    Muri DRC azaganira n’abayegetsi baho ku ishoramari n’ubucuruzi, mu Rwanda azaganira n’abayobozi b’u Rwanda uko rwagira uruhare mu makimbirane ari mu burasirazuba bwa DRC! Ese twe mu Rwanda ntiyaganira ku ishoramari n’ubucuruzi ngo byemere ? Noneho iyo mu burasirazuba bwa DRC haba hari amahoro yari kuzabura icyo aganiriza abayobozi b’urwanda cg ntiyari no kuzahagera ? Yewe ndumiwe ! Ibi biranyereka ko america ibona itacuruzanya n’u rwanda; gusa banyarwanda dukomeze duteze imbere igihugu cyacu n’aho ubundi abazungu bikundira aho babona inyungu gusa.

    2 weeks ago
  • chat_bubble What?

    Arabaza Bini Radeni se ? Kobamwishe bihuta, Azaburana ate? Ariko twe nti twihuta. Demokarasi irihe?

    2 weeks ago

Inzindi nkuru

U Rwanda rwabwije ukuri Amerika ku kibazo cya Paul Rusesabagina

Minisitiri w’Ububanyi n’amahanga n’ubutwererane w’u Rwanda, Dr Vincent hamwe...
11 August 2022 0

Minisitiri Biruta yahishuye ibyo Perezida Kagame yaganiriye na...

Perezida wa Repubulika y’u Rwanda, Paul Kagame yakiriye Umunyamabanga wa...
11 August 2022 0

"Nta mpungenge …’-Perezida Kagame avuga ku gitutu cya US kuri...

Perezida Kagame yavuze ko nta mpungenge u Rwanda rutewe n’igitutu Amerika...
11 August 2022 0

Umunyamabanga wa leta y’Amerika yageze I Kigali kuganira n’abayobozi b’u...

Umunyamabanga ushinzwe ububanyi n’amahanga bwa Amerika yageze i Kigali mu...
11 August 2022 0

Rubavu: Ba Gitifu 2 barimo uwarangaye akarere kagahagararirwa n’Umutetsi mu...

Abanyamabanga Nshingwabikorwa b’imirenge ibiri barimo uwa Rugerero aho...
10 August 2022 0

Perezida Museveni yakuye urujijo ku bivugwa ko ari gutegurira umuhungu we...

Perezida wa Uganda, Yoweri Kaguta Museveni yamaganye amakuru avuga ko...
10 August 2022 0