“Turavuga tuti: ‘Ibisubizo by’Abanyafurika ku bibazo by’Afurika?’ Ibyo ntibikora kuri Madamu Wagner [wa RDC]! Kuri we Ibisubizo ku bibazo bya RDC ni ibihano u Budage, u Bubiligi n’u Bwongereza bigomba gufatira u Rwanda…”

Sponsored Ad

Ibyo bikubiye mu butumwa butumwa bwa Minisitiri w’Ububanyi n’Amahanga n’Ubutwererane Olivier Jean Patrick Ndhuhungirehe, wahishuye impamvu Minisitiri w’Ububanyi n’Amahanga wa Repubulika Iharanira Demokarasi ya Congo (RDC) Madamu Therese Kayikwamba Wagner yasibye Inama yateranye mu Cyumweru gishize.

Ku wa 8 Gashyantare, habaye Inama y’Abakuru b’Ibihugu ihuriweho n’Umuryango wa Afurika y’Iburasirazuba (EAC) n’Umuryango w’Ubukungu bw’Ibihugu byo muri Afurika y’Amajyepfo (SADC) yabimbiriwe n’iy’Abaminisitiri b’ibyo bihugu.

Iyo nama yigaga ku Mutekano muke mu Burasirazuba bwa RDC yabereye i Dar Es Salaam muri Tanzania, ikaba yari yatumiwemo ibihugu 14 birimo bitandatu bibarizwa muri EAC n’ibindi bitandatu biri muri SADC, na ho

RDC na Tanzania byo bikaba bibarizwa mu Miryango yombi.

Minisitiri Nduhungirehe yavuze ko ba Minisitiri 12 bose bafashe ingendo bitabira iyo na ariko uwa RDC nk’igihugu cyari ku murongo w’ibyigwa, uwacyo ntiyitabiriye, ahubwo ahagararirwa n’Ambasaderi w’icyo gihugu muri Botswana Madamu Emilie Ayaza Mushobekwa.

Ambasaderi Mushobekwa yahaye abandi Baminisitiri inzitwazo ebyiri, aho inama igitangira yavuze ko Minisitiri Wagner ari mu nzira aza, ariko nyuma y’isaha bamutegereje agahindura imvugo ko indege yari kumugeza muri Tanzania yagize ikibazo cya tekiniki.

Minisitiri Nduhungirehe ati: “Gusa ubu twe twamenye ko Minisitiri w’Ububanyi n’Amahanga wa RDC icyo gihe cyose yari yibereye i Burayi, yingingira amahanga gufatira ibihano u Rwanda.”

Izo si zo nzitwazo zonyine zatanzwe na Minisitiri Wagner kuko no ku wa 29 Mutarama 2025, na bwo Inama ya EAC yo ku rwego rwa Minisitiri yarateranye yiga gusa ku kibazo cy’Uburasirazuba bwa RDC.

Minisitiri umwe rukumbi utarabonetse ni Madamu Wagner wa RDC, impamvu yahawe ba Minisitiri bitabiriye ikaba ari uko Madamu Wagner wari wamaze kwemeza ko yitabira ngo yafunguye link (umuyoboro yari gukurikiraniraho inama) itari yo.

Abaturage b’i Bukavu barasaba kubohorwa, M23 yumvise amarira yabo

Ihuriro AFC/M23 ryatangaje ko ryumvise ugutakamba kw’abaturage b’i Bukavu mu Ntara ya Kivu y’Amajyepfo, aho Ingabo za Leta FARDC n’abambari bazo barimo Wazalendo ma FDLR bakomeje ubwicanyi n’ubwambuzi.

Ibyo bitangajwe nyuma y’uko Sosiyete Sivile ikorera i Bukavu itangaje ko mu cyumweru gishize abasivili barenga 10 bishwe n’ingabo za FARDC na Wazalendo mu Mujyi wa Kavumu uherereye mu Majyaruguru ya Bukavu.

Mu bishwe harimo abasivili barindwi bari biyicariye mu kabare mu masaha y’umugoroba, bikavugwa ko abasirikare ba FARDC banasize basahuye igiturage cy’aho hantu.

Umuvugizi w’Igisirikare cy Congo mu Ntara ya Kivu y’Amajyepfo Nestor Mavudisa, yahakanye ibyatangajwe mu gihe hanabaye imyigaragambyo y’abaturage ku Biro bya Guverineri w’iyo Ntara bagaha abo basirikare ba FARDC amasaha 48 yo kubahambiriza kuko babamereye nabi.

Hagati aho, biravugwa ko abarwanyi ba AFC/M23 batangiye urugendo rwo kubohora abaturage b’i Bukavu haherewe mu Mujyi wa Nyabibwe uherereye mu Bilometero 70 uturutse i Bukavu.