Perezida w’ u Rwanda Paul Kagame yakiriye Perezida w’ igihugu cya Afurika y’ Epfo wamaze kugera I Kigali ahateganyijwe inama idasanzwe y’ abakuru b’ ibihugu.
Kuri uyu wa Kabiri tariki 20 Werurwe 2018 nibwo Perezida Ramaphosa yageze I Kigali.
Biteganyijwe ko kuri uyu wa Gatatu tariki 21 Werurwe Ramaphosa na bagenzi be bagera kuri 26 bazashyira umukono mu masezerano ashyiraho isoko rimwe rya Afurika.
Uretse Cyril Ramaphosa abandi bakuru b’ ibihugu bamaze kugera I Kigali ni Perezida Brahim Ghali (...)

Sponsored Ad

Perezida w’ u Rwanda Paul Kagame yakiriye Perezida w’ igihugu cya Afurika y’ Epfo wamaze kugera I Kigali ahateganyijwe inama idasanzwe y’ abakuru b’ ibihugu.

Kuri uyu wa Kabiri tariki 20 Werurwe 2018 nibwo Perezida Ramaphosa yageze I Kigali.

Biteganyijwe ko kuri uyu wa Gatatu tariki 21 Werurwe Ramaphosa na bagenzi be bagera kuri 26 bazashyira umukono mu masezerano ashyiraho isoko rimwe rya Afurika.

Uretse Cyril Ramaphosa abandi bakuru b’ ibihugu bamaze kugera I Kigali ni Perezida Brahim Ghali wa Sahrawi Republic (Sahara Occidental), igihugu kitavugwaho rumwe muri Africa kubera amakimbirane yayo na Maroc na Perezida Mahamadou Issoufou wa Niger.

Iyi nama idasanzwe y’umuryango wa Afurika yunze ubumwe izasinyirwamo amasezerano ashyiraho isoko rimwe rya Africa “African Continental Free Trade Area” hari abakuru b’ ibihugu batazayitabira barimo na Perezida wa Uganda Yoweri Kaguta Museveni.

Mu kwezi gushyize kwa Gashyantare nibwo Perezida Ramaphosa yageze ku butegetsi bwa Repubulika ya Afurika y’ Epfo asimbuye Jacob Zuma. U Rwanda rufite icyizere ko umubano w’ u Rwanda na Afurika y’ Epfo uzarushaho kuba mwiza kurusha uko wari umeze ku butegetsi bwa Jacob Zuma.

Mu kiganiro Perezida Kagame yatanze mu nama yiga ku ishoramari muri Afurika kuri uyu wa kabiri yavuze ko aya masezerano namara gusinywa hatazubura imbogamizi gusa Perezida Kagame yasabye ibihugu kuzajya bikemura ibyo bibazo mu buryo buboneye.

President #Kagame receives President @CyrilRamaphosa of South Africa to Rwanda ahead of the 10th Extraordinary Summit of the African Union @PresidencyZA @MYANC #AfCFTA #AfCFTA2018 pic.twitter.com/Za4Hljf0Xy

— Richard Kwizera (@Muzungu4) March 20, 2018