skol
Kigali

U Rwanda rwashyize rugaragaza "inyungu"ruzakura mu kwakira abimukira bo muri UK

Amakuru   Yanditswe na: Dusingizimana Remy 14 June 2022

Umuvugizi wa Guverinoma y’u Rwanda, Yolande Makolo,yagiranye ikiganiro n’abanyamakuru cyagarutse ku bimukira bazaturuka mu Bwongereza ndetse bazatangira kugera ku Rwanda ku munsi w’ejo.

Muri iki kiganiro Madamu Makolo yavuze ko igihugu cy’u Rwanda cyiteguye kubafasha mu bishoboka byose nibamara kugera mu Rwanda.

Yavuze ko inyungu u Rwanda ruzakura mu kwakira aba bimukira atari amafaranga ahubwo ari ukuba igisubizo cya Afurika mu gukemura ikibazo cy’aba bimukira bahura n’ibibazo byinshi birimo urupfu no gucuragizwa mu ngendo bakora I Burayi.

Madamu Makolo yavuze ko u Rwanda rushaka"kuba igisubizo" kuri aba bimukira benshi bakora ingendo zishyira ubuzima bwabo mu kaga berekeza i Burayi.

Yagize ati "Afurika ntabwo ari umugabane w’ibibazo nkuko bikunze kuvugwa mu binyamakuru,ni n’ahantu hari ibisubizo.Twishimiye kuba igisubizo muri iyi gahunda ...Aya n’ayo n’amahirwe kuri twe."

Ku bijyanye n’abakomeje kurwanya iyi gahunda, Makolo yavuze ko Leta y’u Rwanda ibizi ariko icyo yifuza ari uguhabwa umwanya kugira ngo itange ibisubizo ku kibazo cy’abimukira.

Kuwa 14 Mata 2022, nibwo Leta y’u Bwongereza yasinyanye n’iy’u Rwanda amasezerano y’imyaka itanu agena ko u Rwanda ruzajya rwakira abo bimukira bashaka kwinjira muri icyo gihugu.

Aya masezerano agena ko aba bimukira bazajya bafatwa bakazanwa mu Rwanda, ababishaka bagahitamo gusubira mu bihugu byabo mu gihe n’abagaragaza ubushake bwo kuguma mu Rwanda bazafashwa kuhakomereza ubuzima.

Byitezwe ko abimukira bakoresha ubwato buto binjira mu Bwongereza nibatangira koherezwa mu Rwanda, bizakora nk’intwaro ikomeye yo kuzitira abashaka gukora ingendo nk’izo, ndetse bikanakumira abakora ubucuruzi butemewe mu bimukira.

Ubu ni bumwe mu buryo bwiza bwo guca ubucuruzi bw’abimukira kuko hazaba hazitiwe ibicuruzwa.

Uwo mwanzuro werekeye cyane cyane abimukira bakiri bato kandi bakiri ingaragu (celibataires) bagera muri UK mu buryo leta ivuga ko ‘’bunyuranye n’amategeko, bubangamye cyangwa budakenewe,” nko mu bwato cyangwa mu kwihisha mu ma kamyo.

Abagomba kuza mu Rwanda ni uwo ariwe wese winjiye mu Bwongereza nyuma y’itariki ya 1 Mutarama 2022, kandi nta mubare wari wavuzwe nuko abanyamategeko babigiyemo bakagabanuka.

Minisiteri y’Ubutegetsi bw’igihugu y’Ubwongereza yari yavuze ko abantu umunani aribo bazazanwa bwa mbere mu Rwanda mu ndege, ariko Ishyirahamwe ry’abagiraneza Care4Calais rivuga ko abo bantu ari barindwi gusa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sena y’u Rwanda yashimiye Perezida Kagame kubera uruhare rwe mu gutuma...

Inyeko ishinga amategeko umutwe wa Sena yashyize hanze Ubutumwa bw’ishimwe...
28 June 2022 1

Perezida Kagame yagiranye ibiganiro na Minisitiri w’Intebe wa Singapore...

Perezida Paul Kagame yakiriye muri Village Urugwiro Minisitiri w’Intebe wa...
27 June 2022 0

Perezida Kagame yashimiye abitabiriye #CHOGM2022 n’inzego z’umutekano zatumye...

Perezida Paul Kagame yashimye abitabiriye inama ya CHOGM baturutse hirya no...
26 June 2022 0

"U Rwanda nta somo rukeneye ry’indangagaciro"-Perezida Kagame

Asubiza ikibazo cy’umunyamakuru wa BBC, Perezida Paul Kagame yavuze ko nta...
26 June 2022 0

Perezida Kagame yahishuye impamvu yatumiye Emir wa Qatar mu nama ya CHOGM...

Perezida Paul Kagame yashimiye Tamim bin Hamad Al Thani, Emir wa Leta ya...
25 June 2022 1

Perezida Kagame yahawe umwanya ukomeye muri CHOGM

Nyuma y’aho u Rwanda rwakiriye inama ya CHOGM2022, Perezida Paul Kagame ni...
24 June 2022 0