skol
Kigali

U Rwanda rwavuze ku biganiro Uganda yagiranye na Gen Kayumba n’aho umubano n’Abaturanyi ugeze

Amakuru   Yanditswe na: Dusingizimana Remy 16 March 2022

Nyuma y’aho Inama y’Abaminisitiri iheruka guterana yemeje ko imipaka yose yo ku butaka ifunguye,u Rwanda rurakataje mu kunoza ubuhahirane n’ibihugu bya Uganda n’Uburundi.

Mu kiganiro abagize Guverinoma bagiranye n’Abanyamakuru uyu munsi,bagarutse ku mubano w’u Rwanda n’ibihugu bitumvikanaga birimo Uganda n’u Burundi.

Minisitiri w’Intebe, Dr Ngirente agaruka ku rugendo Lt. Gen Muhoozi aherutse kugirira mu Rwanda n’urwa Minisitiri w’Ingabo, Maj Gen Albert Murasira mu Burundi, yagize ati"Ndagira ngo twumve ko ububanyi n’amahanga ari intambwe.N’ibintu bitinda kuko bigira intambwe nyinshi.Iyo havutse ibibazo mugenda mubiganira,mukagira bimwe mukura mu nzira mukagira nibyo mukora mu minsi ikurikiyeho.Ntabwo ari ibintu birangira umunsi umwe.

Iyo habayeho gufunga umupaka kubera impamvu iyi n’iyi,iyo uwufunguye hari ibyo mugenda muganira.....Ntabwo ari ubwa mbere aje [Gen Muhoozi],yaraje ubushize hari ibyahise bikorwa,binakomeza kugenda bikorwa kuko ibihugu byacu bikomeza kuganira n’abaturanyi,ubu yagarutse natwe intumwa zacu zishobora kujyayo igihe runaka.”

Yongeyeho ati "Izo ngendo z’ibanze ku biganiro bisanzwe kandi bihoraho hamwe n’ibihugu bituranyi no gushimangira imibanire myiza."

Ku makuru avuga ko Intumwa za Uganda zaba zaragiye kugirana ibiganiro na Gen.Kayumba Nyamwasa wabaye izingiro ryo gutuma u Rwanda rucana umubano na Uganda kuko rwavugaga ko Uganda yamuteraga inkunga mu guhungabanya umutekano w’u Rwanda, Minisitiri wa Leta muri Minisiteri y’Ububanyi n’Amahanga Prof Nshuti Manassey yemeje ko koko Intumwa za Uganda zagiye guhura na Kayumba ariko u Rwanda ntaho rwari ruhuriye nabyo.

Prof Nshuti Manassey yavuze ko ibyo biganiro bitabayeho ndetse ko Leta y’u Rwanda igifata Kayumba Nyamwasa nk’ushaka guhungabanya umutekano w’u Rwanda, ngo ibyo kumvikana nabo ntibishoboka.

Prof Nshuti Manassey yagize ati "Uko dufata ba Kayumba Nyamwasa nk’abashaka guhungabanya umutekano w’igihugu cyacu birazwi.Nta mpamvu zo kumvikana nabo, ntibishoboka."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

"Ndagira ngo mbabwire ko bazaza vuba"-Minisitiri w’Intebe avuga ku bimukira...

Minisitiri w’Intebe,Dr Ngirente Edouard yatangaje ko vuba ahaabimukira...
19 May 2022 0

Minisitiri w’intebe yavuze kuri Dosiye ya Bamporiki n’icyo Leta yiteguye...

Mu kiganiro n’itangazamakuru ku buzima bw’igihugu, Minisitiri w’Intebe yavuze...
18 May 2022 0

"Uganda ntikiri indiri iboneye ku batoroka Leta y’u Rwanda": Mugabe...

Umubano w’u Rwanda na Uganda ukomeje gutera intambwe uzahuka umunsi ku wundi...
18 May 2022 0

Mgr Papias Musengamana yaramburiweho ibiganza mu umuhango wo kumuha...

Kuri uyu wa Gatandatu kuri Stade ya Gicumbi muri Diyosezi ya Byumba,...
14 May 2022 0

Perezida ndayishimiye yatangaje ikizatuma umubano w’Uburundi n’u Rwanda uba...

Perezida Ndayishimiye yavuze ko Gitega na Kigali bari gukora uko bashoboye...
14 May 2022 1

Hasohotse andi makuru y’umusore wigeze kurega Bamporiki kumwambura

Hasohotse andi makuru kuri Bamporiki Edouard uherutse guhagarikwa ku...
10 May 2022 1