Mu gihe bamwe mu bahoze ari abazunguzayi bataka igihombo ndetse hakaba hari nabava mu masoko bashyiriweho bagasubira mu muhanda, hari bagenzi babo bo bahisemo kwihugura mu myuga n’ubukorikori.
Itsinda ry’abahoze ari abazunguzayi bagera kuri 30 twabasanze mu murenge wa Gisozi, bamwe barimo kwiga gufuma, abandi barimo kwiga kubaza abandi barasudira.
Umubare w’abiga iyi myuga wiyongereye igihe umujyi wa Kigali wakazaga ingamba zo kurwanya abazunguzayi ku buryo bacika burundu.
Bamwe mu (…)

Mu gihe bamwe mu bahoze ari abazunguzayi bataka igihombo ndetse hakaba hari nabava mu masoko bashyiriweho bagasubira mu muhanda, hari bagenzi babo bo bahisemo kwihugura mu myuga n’ubukorikori.

Itsinda ry’abahoze ari abazunguzayi bagera kuri 30 twabasanze mu murenge wa Gisozi, bamwe barimo kwiga gufuma, abandi barimo kwiga kubaza abandi barasudira.

Umubare w’abiga iyi myuga wiyongereye igihe umujyi wa Kigali wakazaga ingamba zo kurwanya abazunguzayi ku buryo bacika burundu.

Bamwe mu bahoze ari abazunguzayi biga imyuga batangiye kubona amafaranga aturuka mu byo biga n’abataratangira kuyabona icyizere cy’ubuzima bw’imbere budashingiye ku kuzunguza ni cyose.

Aba bahoze ari abazunguzayi bahoraga basimbukana n’inzego z’umutekano mu mihanda bakaba mu minsi mike bazaba bitwa abanyamyuga hari inama bagira bagenzi babo bakiri mu mihanda n’abumva ko igisubizo cy’ubuzima ari ugucuruza gusa, Barabasaba kwitabira umwuga kuko ntawakennye kandi azi umwuga runaka.

NSABIMANA Jean Marie Vianney Washinze ikigo aba bazunguzayi bahugurirwamo nta kiguzi, avuga ko kuri ubu ikigo cyamubanye gito kuko kuva igihe Leta yakazaga ingamba zo guhangana n’ubucuruzi bw’akajagali n’abamugana bariyongereye bityo agasaba ubufasha inzego za leta.

Hari abasanga kubaka ubushobozi bw’abahoze ari abazunguzayi bitagashingiye ku bucuruzi gusa.

Abavuga ibi, babihera ku bushobozi buke bwabo bwo gucunga imari yigiye imbere.
Ubucuruzi bafashwamo ngo bwakajyanye no gushaka ibindi byabafasha birimo no guhugurwa mu myuga n’ubukorikori Kuko bimwe muri ibi ngo bishobora kubafasha gutera imbere bitabasabye igishoro kinini dore ko ari bashyira imbere mu bituma bataramba mu bucuruzi bwemewe.

Inkuru ya Royal Tv