skol
Kigali

Ikihishe inyuma y’izamuka ry’ibiciro ku isoko Muri Mutarama 2022

Amakuru   Yanditswe na: SHEMA EMMANUEL 10 February 2022

Mu Rwanda Raporo yashyizwe hanze n’ikigo kibifitiye ububasha Cya (NISR), igaragaza ko ibiciro byazamutse ku isoko ugereranyije n’umwaka ushize kigaragaza ko byatewe n’impamvu zitandukanye.


Ikigo cy’igihugu gishinzwe ibarurishamibare mu Rwanda (NISR) cyatangaje ko ibiciro ku isoko mu mijyi byiyongereyeho 4.3% muri Mutarama 2022, ugereranyije na Mutarama 2021. Ukuboza 2021 izamuka ryari ku kigereranyo cya 1.9%.

Ibiciro byo mu mijyi nibyo bigenderwaho mu kureba ishusho y’ibiciro mu gihugu.

Mu mibare yatangajwe kuri uyu wa Kane tariki 10 Gashyantare 2022, bimwe mu byatumye ibiciro byiyongeraho 4.3% muri Mutarama ni ibiciro by’ibijyanye n’ibiribwa n’ibinyobwa bidasembuye byiyongereyeho 4.5%.

Ni mu gihe ibiciro by’ibijyanye n’inzu, amazi, amashanyarazi, gazi n’ibindi bicanwa byiyongereyeho 2.6%, naho ibijyanye n’ubwikorezi byiyongereyeho 4.7%.

Raporo ikomeza iti “Iyo ugereranyije Mutarama 2022 na Mutarama 2021, usanga ibiciro by’ibintu bitarimo ibiribwa n’ibikomoka ku ngufu byariyongereyeho 4.6%. Wagereranya Mutarama 2022 n’Ukuboza 2021, ibiciro byiyongereyeho 2.1%.”

Iryo zamuka ryo ahanini ryatewe n’ibiciro by’ibiribwa n’ibinyobwa bidasembuye byiyongereyeho 5.1% n’ibiciro by’ibijyanye n’inzu, amazi, amashanyarazi, gazi n’ibindi bicanwa byiyongereyeho 0.8%.

Urebye imiterere y’ibiciro mu byaro, muri Mutarama 2022 byagabanutseho 0.8% ugereranyije na Mutarama 2021.

Ihinduka ry’ibiciro mu byaro mu Ukuboza 2021 ryo ryari ku kigereranyo kingana na -4.7%.

NISR yakomeje igira iti “Bimwe mu byatumye ibiciro bigabanukaho 0.8% mu kwezi kwa Mutarama ni ibiciro by’ibiribwa n’ibinyobwa bidasembuye byagabanutseho 5.8%.”

Ugereranyije Mutarama 2022 n’Ukuboza 2021, ibiciro byiyongereyeho 2.9%.

Iryo zamuka ryo ahanini ryatewe n’ibiciro by’ibiribwa n’ibinyobwa bidasembuye byiyongereyeho 4.8% n’ibiciro by’ibijyanye n’amazu, amazi, amashanyarazi, gazi n’ibindi bicanwa byiyongereyeho 1.6%.

Ibiciro bikomatanyirijwe hamwe mu mijyi no mu byaro, muri Mutarama 2022 ibiciro mu Rwanda byiyongereyeho 1.3% ugereranyije na Mutarama 2021.

Mu Ukuboza 2021 byari ku kigereranyo cya -2%.

TAARIFA

Author : SHEMA EMMANUEL

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Chia Seeds, igihingwa cyaturutse Amerika y’Amajyepfo cyerera amezi atatu...

Gahunda y’ibikorwa byo guteza imbere ubuhinzi n’ubworozi mu Rwanda ya...
18 May 2022 0

Hatangajwe akayabo kagiye gushyirwa mu Ikigega Nzahurabukungu mu cyiciro...

Kuri uyu wa Gatatu, Minisitiri w’Intebe Dr. Ngirente Edouard yatangije ku...
18 May 2022 0

Leta y’u Rwanda yijeje gushakira igisubizo izamuka rihanitse ry’ibiciro

Minisitiri w’Intebe Dr Edouard Ngirente yavuze ko Guverioma yiteguye gufata...
18 May 2022 0

Ukwezi kwagaragaye mu buryo budasanzwe, byitwa ubwirakabiri

Byatangiye kuboneka saa 05:29 ku isaha y’i Butansinda bwa Kigoma ya Ruhango...
16 May 2022 0

BNR yaburiye Abanyarwanda ko ibiciro bizakomeza kuzamuka

Banki nkuru y’igihugu iratangaza ko itumbagira ry’ibiciro rikomeje kugaragara...
12 May 2022 0

MININFRA yatangaje ko imihanda yose irikubakwa izuzura mbere ya...

Imihanda irimo uwa Sonatubes-Gahanga, irimo kubakwa mu buryo bwa huti huti,...
11 May 2022 0