Impuguke mu bukungu zigaragaza ko guhemba umukozi amafaranga adatuma yiteza imbere, bigira ingaruka ku musaruro atanga, bikaba n’umutwaro ku gihugu.
Ibi ni mu gihe hari abakozi barimo n’abo mu nganda bavuga ko bahembwa amafaranga make atajyanye n’imvune bakuramo.
Bamwe mu bakora imirimo itandukanye mu nganda bavuga ko amafaranga bahembwa adahuye n’imvune bakuramo, akaba kandi atabatunga, ngo banishyure ubwisungane mu kwivuza cyangwa kwishyurira abana amashuri.
Minisitiri w’Intebe, Dr. (…)

Impuguke mu bukungu zigaragaza ko guhemba umukozi amafaranga adatuma yiteza imbere, bigira ingaruka ku musaruro atanga, bikaba n’umutwaro ku gihugu.

Ibi ni mu gihe hari abakozi barimo n’abo mu nganda bavuga ko bahembwa amafaranga make atajyanye n’imvune bakuramo.

Bamwe mu bakora imirimo itandukanye mu nganda bavuga ko amafaranga bahembwa adahuye n’imvune bakuramo, akaba kandi atabatunga, ngo banishyure ubwisungane mu kwivuza cyangwa kwishyurira abana amashuri.

Minisitiri w’Intebe, Dr. Edouard Ngirente, ubwo aheruka kugeza ku Nteko Ishinga Amategeko, imitwe yombi, ikiganiro ku byakozwe na Guverinoma mu guteza imbere imibereho y’Abanyarwanda, yasabye abafite inganda guhemba abakozi amafaranga yagira icyo afasha mu kubazamurira imibereho.

Impuguke mu bukungu, Straton Habyarimana, avuga ko guhemba umukozi amafaranga make bituma atagira ubushobozi bwo kwiteza imbere, bityo akaguma kuba umutwaro ku gihugu.

Imibare y’Ikigo cy’Igihugu cy’Ibarurishamibare (NISR) igaragaza ko mu 2014 amafaranga yafashaga umuntu ufite akazi kudafatwa nk’umukene yari 159,000 Frw ku mwaka, ariko mu 2024 yariyongereye agera ku bihumbi 560,000 Frw ku mwaka.