skol
Kigali
Fortebet

Rwandair igiye gusubukura ingendo zo mu majyepfo ya Afurika

Amakuru   Yanditswe na: Dusingizimana Remy 20 December 2021

Sosiyete y’u Rwanda y’ubwikorezi bwo mu kirere, RwandAir, yatangaje ko tariki 23 Ukuboza 2021 izasubukura ingendo zerekeza mu bihugu byo mu majyepfo ya Afurika.


Ni nyuma y’aho izi ngendo zari zasubitswe tariki 28 Ugushyingo kubera ubwandu bushya bwa COVID-19 bwiswe Omicron.

RwandAir yari yafashe icyemezo cyo gusubika ziriya ngendo ishingiye ku kuba Leta Zunze Ubumwe z’Abarabu (UAE) zakumiriye ingendo z’indege ziva muri ibyo bihugu byo muri Afurika y’Amajyepfo guhera taliki 29 Ugushyingo 2021, ariko yizeza abagenzi bari bamaze kugura amatike ko izabajyana mu gihe ingendo zizaba zisubukuwe, nta kiguzi kindi cyangwa icyiyongeraho basabwe.

Minisiteri y’Ubuzima ibinyujije, mu Kigo cy’Igihugu cy’Ubuzima (RBC), iheruka gutangaz a ko guhera taliki ya 16 Ukuboza ingendo zerekeza muri ibyo bihugu zongeye gusubukurwa, ariko hashyirwaho amabwiriza agomba kugenga izo ngendo.

Abagenzi bose bagera cyangwa banyura mu Rwanda bagomba kuba bafite icyemezo cy’ikizamini cy’uko bipimishije mu buryo bwa PCR cyarafashwe mu masaha 72 mbere y’uko bahaguruka. Minisiteri y’Ubuzima yavuze ko ibizamini byihuse bitemewe, ndetse ko abana baherekejwe bari munsi y’imyaka itanu bitabasaba kwipimisha.

Guverinoma y’u Rwanda irasaba ko abagenzi bose, abahageze ndetse n’abagenzi banyura cyangwa bahagurukira i Kigali, bagomba kuzuza urupapuro rw’abagenzi no kohereza icyemezo cya PCR mbere yo kugera ku Kibuga Mpuzamahanga cya Kigali bifashishije ikoranabuhanga.

Biteganyijwe ko abagenzi bahageze bagomba kujya mu kato k’iminsi itatu, bakiyishyurira muri hoteli yabigenewe.

Abagenzi bazajya bapimwa bageze ku Kibuga cy’indege no ku munsi wa 3 kuri hoteli yabigenewe bacumbitsemo, kandi basabwa kongera kwipimisha ku munsi wa 7.

Abagenzi bagomba kwishyura amadolari y’Amerika 60 (R960) yo kwipimisha nk’uko bigaragara ku ifishi y’abagenzi, ariko Guverinoma y’u Rwanda ivuga ko yaganiriye ku biciro byihariye byo kwishyura ku bari mu kato k’iminsi itatu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibiciro bya lisansi na Mazutu byongeye kuzamuka mu Rwanda

Guverinoma y’u Rwanda yatangaje ibiciro bishya by’Ibikomoka kuri peteroli,...
7 August 2022 1

RURA yongeye guhamagarira abafite imodoka kuzizana gutwara abagenzi I...

RURA yasabye abafite imodoka zagenewe gutwara abantu mu buryo bwa rusange...
3 August 2022 1

Akarere ka Gakenke kahize utundi mu kwesa umuhigo wa Ejo Heza muri...

Akarere ka Gakenke niko kahize utundi twose mu Rwanda mu kwesa umuhigo wa...
2 August 2022 0

Kigali:Hakenewe imodoka 500 ngo ikibazo cyo gutwara abagenzi...

Umujyi wa Kigali watangaje ko hakenewe bisi zirenga 500 mu gufasha gukemura...
1 August 2022 0

Afurika ikeneye uruhare rw’umugore ngo yizere kugera ku iterambere. Kubera...

Umuryango wa Pan Africa Movement Rwanda-Chapter ku bufatanye na Minisiteri...
29 July 2022 0

Bisate Lodge iyoboye izindi Hoteli muri Afurika mu kugira ubwiza buhebuje...

Ubushakashatsi bwakozwe na Travel + Leisure bwemeje ko abafana bayo batoye...
14 July 2022 1