skol
Kigali

Rwandair yatangiye ingendo zerekeza i Lubumbashi muri RDC

Amakuru   Yanditswe na: Dusingizimana Remy 29 September 2021

Ku nshuro ya mbere,RwandAir, iratangira ingendo zijya i Lubumbashi muri Repubulika Iharanira Demukarasi ya Kongo kuri uyu wa Gatatu tariki ya 29 Nzeri 2021. Ni ingendo izajya ikora inshuro 2 mu cyumweru.

Biteganyijwe kandi ko tariki ya 15 Ukwakira izatangira ingendo zereka i Goma.

Indege ya Rwandair yahagurutse ku Kibuga cy’Indege Mpuzamahanga cya Kigali saa yine zirengaho aho yatangiye ku mugaragaro ingendo zerekeza i Lubumbashi muri Repubulika Iharanira Demukarasi ya Kongo.

Minisitiri wungirije ushinzwe ubwikorezi muri RDC, Marc Ekila Likombo, yabwiye RBA ko kwagura ingendo kwa Rwandair muri RDC bishimangira umuhate w’abakuru b’ibihugu byombi wo kurushaho guteza imbere umubano hagati y’ibihugu byombi.

RwandAir ikomeje ubudasa kuko yashyizwe ku mwanya wa mbere muri Afurika muri Sosiyete zikora ubwikorezi bwo mu kirere zifite abakozi batanga serivisi nziza.

Ni umwanya RwandAir yashyizweho binyuze mu bihembo bitangwa na Skytrax, Ikigo gikora ubushakashatsi ku birebana n’indege n’ibibuga byazo.

Mu gutanga iki gihembo hagenzurwa serivisi abakozi b’ikigo runaka gikora ubwikorezi mu kirere batanga, haba ku kibuga cy’indege n’imbere mu ndege.

Nyuma yo gukora ubu bugenzuzi iki kigo cyasanze RwandAir aricyo kigo gitanga serivisi nziza aha hantu hombi muri Afurika.

RwandAir ikurikirwa na Ethiopian Airlines, South African Airways, Royal Air Maroc, Kenya Airways, Fastjet, FlySafair, Air Mauritius, Air Seychelles na Mango.

Uretse uyu mwanya wa mbere RwandAir yegukanye, yanabaye ikigo cy’indege cya kabiri cyiza mu karere nyuma ya Kenya Airways.

Mu kugena uwegukana uyu mwanya hasesenguwe amakuru yatanzwe n’abagenzi b’ibigo by’indege bitandukanye kuko babitayeho mu ngendo haba mbere y’icyorezo cya COVID-19 no mu gihe cyacyo.

RwandAir ibinyujije kuri Twitter yagaragaje ko yishimiye kwegukana iyi myanya yombi.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kigali: Abamotari bigaragambije kubera ibibazo uruhuri bafite

Abamotari bo mu Mujyi wa Kigali baramukiye mu myigaragambyo kuri uyu wa 12...
13 January 2022 0

U Rwanda ruri mu bihugu bya mbere muri Afurika bifite imihanda myiza...

Mu bushakashatsi buheruka gushyirwa hanze ku bihugu bifite imihanda myiza...
10 January 2022 1

Intara y’Amajyepfo yafashe umwanzuro ukomeye ku bwikorezi bukorerwa mu...

Kuvugurura ubwikorezi mu mazi ya Nyabarongo ni wo mwanzuro mugari wafatiwe...
5 January 2022 0

Madamu Jeannette Kagame yashyize ibuye ry’ifatizo ahazubakwa ikigo kizavura...

Nyakubahwa Madamu Jeannette Kagame yashyize ibuye ry’ifatizo ahagiye kubakwa...
29 December 2021 0

Polisi y’u Rwanda yubakiye Abanyarwanda ibikorwa bifite agaciro k’arenga...

Polisi y’u Rwanda yashyikirije abaturage ibikorwa yabageneye byatwaye...
28 December 2021 1

Rwandair igiye gusubukura ingendo zo mu majyepfo ya Afurika

Sosiyete y’u Rwanda y’ubwikorezi bwo mu kirere, RwandAir, yatangaje ko tariki...
20 December 2021 0