skol
Kigali

Ubukerarugendo abantu bagenda mu kirere bwitezweho kongera ubukungu

Amakuru   Yanditswe na: Dusingizimana Remy 20 February 2022

Urwego rw’Igihugu rushinzwe Iterambere mu Rwanda (RDB) ruravuga ko serivisi nshya yo gutembereza ba mukerarugendo hakoreshejwe Hot air Ballon mu kirere cya Pariki y’Igihugu y’Akagera izazamura umubare w’abasura iyi pariki. Ibi bikazatuma amafaranga iyi pariki yinjiza na yo yiyongera.

Gutembera muri Pariki y’Ihihugu y’Akagera hakoreshejwe ubu buryo bwa Hot air Ballon n’indi serivisi yiyongereye mu zari zisanzwe. Izi hot air ballon ni uburyo abantu bicara mu kintu kimeze nk’igitebo umwuka uri mu kimeze nk’umupira munini wa basket ukazamura abantu bakagenda mu kirere ariko bitegereza ibyiza nyaburanga.

Ndahiriwe Ladislas umuyobozi w’iyi pariki avuga ko ubu buryo bwitezweho guteza imbere ubukerarugendo buhakorerwa.

Izi ballon zigiye kujya zifasha ba mukerarugendo ni 2 imwe ifite ibushobozi bwo kuzamura abantu mu kirere 6 indi ni 4. Ubu buryo bw’ubukerarugendo buzajya bukorwa mu masaha ya mu gitondo izuba rirasa aho ba mukerarugendo bazajya bamara isaha imwe abari mu kirere.

Ni uburyo bumenyerewe cyane mu gihugu cya Turikiya. Umuyobozi wa kompanyi ya Royal Ballon Rwanda ikomoka muri Turikiya yazanye hot air ballon mu Rwanda Atilla Turkmen avuga ko u Rwanda ari amahitamo meza mu gushoramo imari mu rwego rw’ubukerarugendo.

Umuyobozi ushinzwe ubukerarugendo muri RDB Kageruka Ariella avuga ko iyi serivisi nshya itangijwe izagira uruhare mu kuzanzamura urwego rw’ubukerarugendo rwazahajwe n’icyorezo cya Covid19.

Inyungu ziva mu bukerarugendo zigera no mu ngeri zitandukanye z’abaturage bakora ibikorwa bitandukanye by’umwihariko abaturiye Pariki y’Igihugu y’Akagera nk’uko Umuyobozi w’Akarere ka Kayonza Nyemazi John Bosco abivuga.

Kuri ngo bakoreshe ubu buryo bushya bwo gusura pariki, ba mukerarugendo b’abanyamahanga bishyura amadorari 400 ba mukerarugendo b’abanyamahanga baba mu Rwanda bazajya bishyura amadorari 350 mu gihe ba mukerarugendo b’Abanyarwanda bazajya bishyura amadorari 250 ku muntu umwe ni ukuvuga agera ku bihumbi 250 Frw.

RDB ivuga ko abasura Pariki y’Igihugu y’Akagera biyongereyeho 31% bituma inyungu na zo ziyongera ku kigero cya 51%. Ivuga kandi ko urwego rw’ubukerarugendo mu Rwanda ruzamuka ku kigero 10% buri mwaka aho nko mu mwaka wa 2019 rwinjije miriyoni 500 z’amadorari ni ukuvuga asaga miriyari 500 z’amafaranga y’u Rwanda.

RBA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ukwezi kwagaragaye mu buryo budasanzwe, byitwa ubwirakabiri

Byatangiye kuboneka saa 05:29 ku isaha y’i Butansinda bwa Kigoma ya Ruhango...
16 May 2022 0

BNR yaburiye Abanyarwanda ko ibiciro bizakomeza kuzamuka

Banki nkuru y’igihugu iratangaza ko itumbagira ry’ibiciro rikomeje kugaragara...
12 May 2022 0

MININFRA yatangaje ko imihanda yose irikubakwa izuzura mbere ya...

Imihanda irimo uwa Sonatubes-Gahanga, irimo kubakwa mu buryo bwa huti huti,...
11 May 2022 0

Abikorera bapfusha ubusa amasezerano u Rwanda rugirana n’ibindi bihugu...

Mu kiganiro n’abayobozi b’urugaga rw’abikorera 400 bari mu mwiherero mu karere...
10 May 2022 0

Abakoresha umupaka w’u Rwanda na RDC bazoroherezwa kwambuka nk’uko...

Ku mupaka munini uhuza imijyi ya Gisenyi na Goma, Umuyobozi w’Akarere ka...
8 May 2022 0

Ibiribwa n’ibinyobwa bitumizwa hanze bigiye kuzamurirwa igiciro...

Ibiribwa bitumizwa hanze biza mu bihugu bya Afurika y’iburasirazuba (EAC)...
6 May 2022 0