skol
Kigali

MINEDUC yashyize hanze amanota y’abakoze ibizamini bya Leta,isubizaho gusibira ku batsinzwe

Amakuru   Yanditswe na: Dusingizimana Remy 4 October 2021

Ministeri y’uburezi yatangaje amanota y’abanyeshuri bakoze ibizamini bya Leta bisoza umwaka wa 6 w’amashuri abanza (P6) n’uwa 3 w’icyiciro rusange cy’amashuri yisumbuye (O’Level).

Abanyeshuri bashoje icyiciro cy’amashuri abanza batangiye ibizamini bya leta ku wa mbere tariki ya 12 Nyakanga 2021, ni 251,906, barimo abakobwa 136,830 n’abahungu 115,076.

Muri rusange, abanyeshuri bagombaga gukora ibizamini bya Leta mu cyiciro rusange ni 121,626, harimo abakobwa 66, 240 n’abahungu 55, 386.

Uko abasoje amashuri abanza batsinze:

Abari mu cyiciro cya mbere ni 14,373 (5,7%)
Abari mu cyiciro cya kabiri ni 54,214 (21,5%)
Abari mu cyiciro cya gatatu ni 75,817 (30,10%)
Mu cyiciro cya kane ni 63,326 (25,1%)
Icyiciro cya gatanu ni 44,176 (17,5%)

Mu basoje icyiciro rusange:

Abari mu cyiciro cya mbere ni 19,238 (15,8%)
Icyiciro cya kabiri ni 22,576 (18,6%)
Icyiciro cya gatatu ni 17,349 (14,3%)
Icyiciro cya kane ni 45,842 (37,7%)
Icyiciro cya gatanu (abatarabonye amanota ahagije) ni 16,466 (13,6%).

Minisitiri w’Uburezi, Dr Uwamariya Valentine yavuze ko urugero rwo gutsinda mu basoje amashuri abanza ari 82,5%.

Yavuze kandi ko kugira ngo ababyeyi babone umwanya wo kwitegura neza, abana bazajya muri S1 na S4 bazatangira tariki 18/10/2021.

Rutaganira Yanis Ntwali wiga muri Kigali Parent School niwe wabaye uwa mbere mu bizamini bya Leta bisoza amashuri abanza.

Tumukunde Francoise wiga muri Instutsut Sainte Famille Nyamasheke ni we wahize abandi bose mu bizamini bisoza icyiciro rusange cy’amashuri yisumbuye (O’Level).

Bitandukanye no mu yindi myaka, abanyeshuri batatsinze ntabwo bazimuka ngo bajye mu kindi cyiciro.

Abatsinzwe mu mashuri abanza 44,176 ndetse n’abanyeshuri 16,466 batsinzwe mu mu cyiciro rusange ntabwo bahabwa ibigo ahubwo bazasubiramo amasomo.

Uburyo bworoshye bwo kureba amanota y’umwana, ni ukohereza message yanditsemo Numero umwana yakoresheje yiyandikisha (Registration Number) kuri 4891. Ako kanya ukabona message irimo amanota y’umwana.

Minisiteri ivuga ko gusibiza yabishingiye ku mwanzuro w’umwiherero w’abayobozi uherutse, aho hemejwe ko nta munyeshuri uzajya yimunwa atatsinze.



Ababaye aba mbere mu bizamini bya leta mu cyiciro rusange no mu mashuri abanza

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

MINEDUC yavuze igihe izatangariza amanota y’abanyeshuri baheruka kurangiza...

MINEDUC yatangaje ko ku wa Mbere tariki 15 Ugushyingo izatangaza amanota...
12 November 2021 0

Hashyizwe hanze amabwiriza agenga gusibiza abanyeshuri mu mashuri abanza...

Minisiteri y’Uburezi yatangaje ibizajya bigenderwaho mu kwimura, gusibiza no...
22 October 2021 0

MINEDUC yashyize hanze amanota y’abakoze ibizamini bya Leta,isubizaho...

Ministeri y’uburezi yatangaje amanota y’abanyeshuri bakoze ibizamini bya Leta...
4 October 2021 0

MINEDUC igiye gutangaza amanota y’abakoze ibizamini bya leta mu mashuri...

Minisiteri y’Uburezi (Mineduc), yatangaje ko igiye gushyira ahagaragara...
1 October 2021 0

MIFOTRA yabaye ihagaritse gutanga akazi mu bigo bya Leta kugira ngo ishake...

Minisiteri y’Abakozi ba Leta n’Umurimo (MIFOTRA) yabaye isubitse gahunda yo...
19 September 2021 1

REB yananiwe gusobanura uko yishyuye miliyoni 700 Frw mbere y’uko ihabwa...

Ikigo k’igihugu gishinzwe Uburezi (REB) cyananiwe gusobanura impamvu...
15 September 2021 0