skol

Rulindo:Urukiko rwategetse ko Padiri ukekwaho gusambanya umwana afungwa iminsi 30 y’agateganyo

Amakuru   Yanditswe na: Dusingizimana Remy 1 December 2021

Urukiko rwafashe icyemezo cyo gufunga by’agatagenyo iminsi 30 Umupadiri wo muri Paruwasi Gatulika yo mu Murenge wa Cyungo mu Karere ka Rulindo nyuma yo gusanga hari impamvu zikomeye zituma akekwaho gukora icyaha cyo gusambanya umwana w’umukobwa.

Icyemezo cy’Urukiko rw’Ibanze rwa Byumba rwasomye icyemezo cyarwo kuri uyu wa Kabiri tariki 30 Ugushyingo 2021.

Uyu mupadiri w’imyaka 36 yafashwe ku wa Kabiri, tariki ya 26 Ukwakira 2021, ahita atangira gukorwaho iperereza.

Icyaha akurikiranweho bikekwa ko yagikoreye mu Mudugudu wa Kibogora, Akagari ka Burehe, Umurenge wa Cyungo mu Karere ka Rulindo, ku wa 23 Ukwakira 2021.

Itabwa muri yombi rye ryemejwe n’umuvugizi wa RIB, Dr Murangira Thierry wavuze ko uyu mupadiri wo muri Paruwasi ya Burehe akurikiranyweho gusambanya umwana w’umukobwa w’imyaka 17 wiga mu Rwunge rw’Amashuri rwa Burehe mu Karere ka Rulindo mu mwaka wa gatatu.

Iperereza ry’ibanze ryerekanye ko uyu mupadiri yahamagaye uyu mwana, akamusaba kumusura iwe ngo amuhembe kuko yitwaye neza mu kizamini, hanyuma agahita amusambanya.

Padiri yahise ajya gufungirwa kuri Sitasiyo ya RIB ya Kinihira kugira ngo iperereza rikorwe neza ndetse anakorerwe dosiye ishyikirizwe Ubushinjacyaha.

Icyo gihe,Dr. Murangira yibukije Abaturarwanda ko RIB itazihanganira umuntu usambanya umwana, uwo ariwe wese n’icyo yaba akora cyose.

Uyu mupadiri yatawe muri yombi mu gihe Kiliziya Gatolika y’u Rwanda iheruka gutangaza ko itazigera yihanganira abapadiri bagaragaweho ibyaha byo gusambanya abana b’abahungu n’ab’abakobwa.

Icyaha akurikiranweho gihanishwa ingingo ya 4 y’itegeko Nº69/2019 ryo ku wa 08/11/2019 rihindura Itegeko N068/2018 ryo ku wa 30/08/2018 riteganya ibyaha n’ibihano muri rusange iteganya igihano cy’igifungo kitari munsi y’imyaka 20 ariko kitarenze 25.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umuryango wa Rusesabagina wemeje ko atazitabira urubanza rw’ubujurire

Umuryango wa Paul Rusesabagina n’abanyamategeko bawunganiye mu rubanza rwa...
15 January 2022 0

RIB yasobanuye impamvu zifatika yafunze Igabe washinjwe gukoresha PhD...

Urwego rw’Igihugu rw’Ubugenzacyaha (RIB) rwatangaje ko rufite impamvu...
10 January 2022 0

Ngororero: Ba banyeshuri biciriyeho imyenda basoje amasomo bakatiwe...

Abanyeshuri batandatu bigaga mu ishuri rya ESECOM Rusano riherereye mu...
31 December 2021 1

Muhanga: Padiri washinjwaga gusambanya umwana w’umuhungu yagizwe...

Urukiko Rwisumbuye rwa Muhanga rwagize umwere Padiri Habimfura Jean...
29 December 2021 0

Urubanza rw’ubujurire rwa Jado Castar rwongeye gusubikwa

Kuri uyu wa Gatanu, tariki ya 24 Ukuboza 2021, nibwo ku Rukiko Rukuru hari...
24 December 2021 0

Urubanza rw’ubujurire rwa Hakizimana Rashid rwasubitswe

Urukiko rwisumbuye rwa Nyarugenge rwasubitse ikirego cy’ubujurire cya Bwana...
23 December 2021 0