skol
Kigali

Minisante: Abayobozi b’imali n’ubutegetsi mu bitaro (DAF) byagaragaye ko bahawe akazi mu buriganya birukanwe

Amakuru   Yanditswe na: Ubwanditsi 15 May 2018

Dr. Diane GASHUMBA: Minisitiri w’Ubuzima

Mu mpera z’icyumweru gishize Minisiteri y’ Ubuzima yirukanye abayobozi b’Imali n’Ubutegetsi (DAF) bo mu bitaro icumi nyuma y’aho Komisiyo y’Abakozi ba Leta n’Umurimo ikoreye igenzura ku itangwa ry’ibizamini ku myanya aba bakozi barimo igasanga harabayemo ibinyuranye n’amategeko.


Abirukanwe bakaba banagaragara muri raporo y’agateganyo ya Komisiyo y’Umurimo n’Abakozi ba Leta ku itangwa ry’akazi muri Minisante ku myanya y’abayobozi b’imali n’ubutegetsi mu bitaro.

Iyi raporo yagaragaje ko bamwe mu bahawe akazi batanze dosiye zabo zisaba akazi nyuma y’uko igihe cyo kuzitanga kirangiye, hakaba harimo abongerewe amanota bari batsinzwe ikizamini cyanditse bikabahesha gukomereza ku kizamini cyo kuvuga, abari bafite ibyangombwa bituzuye batanze basaba akazi n’ibindi.

Bamwe muri aba bakozi bashinzwe imali n’ubutegetsi mu bitaro birukanwe Umuryango wamenye harimo uwo mu bitaro bya Gihundwe, Mibilizi, Munini, Kibungo, Nyanza, Shyira, Rwinkwavu, Ruhango na Gisenyi.

Amakuru Umuryango wamenye kandi ni uko raporo ya nyuma kuri iri genzura ishobora kuba itarasohoka ariko Komisiyo y’Umurimo n’Abakozi ba Leta ikaba yarandikiye Minisante ibaruwa iyisaba guhita yirukana vuba na bwangu bariya bakozi bavuzwe hejuru.

Twagerageje kuvugana n’ Umuvugizi wa Minisante Malick KAYUMBA ku kumenya niba hari abandi barebwa n’ibi bihano ariko ntibyadukundira kuko inshuro twamuhamagaye atitabye telefoni ye igendanwa ndetse n’ubutumwa bugufi twamwandikiye akaba atarabushubije.

Umuryango wagerageje kandi kumenya icyo Komisiyo y’Abakozi ba Leta n’Umurimo iteganya ku bihano byahabwa abagize uruhare mu makosa yagaragaye muri iri piganwa ariko Angelina Muganza uyobora iyi Komisiyo atubwira ko azabikurikirana nyuma ubu ari mu nama.

Aba bakozi 10 birukanwe bari barabonye akazi mu ipiganwa ryitabiriwe n’abakandida 178 mu bizami byo kwandika no kuvuga byakozwe . Abakandida 38 akaba aribo bagejeje ku manota 70% yabahesheje akazi.

Ubusanzwe amategeko n’amabwiriza agenga imitangire y’akazi mu Rwanda avuga ko iyo hagaragaye amakosa mu gutanga akazi ibyakozwe byose biseswa haba hari n’abamaze kugera mu kazi bakirukanwa bose ipiganwa rigasubirwamo.

Aya mategeko n’amabwiriza kandi anavuga ko abatanze akazi mu buryo bunyuranyije n’amategeko nkana nabo baba bagomba gukurikiranwa bakabihanirwa.

Ibaruwa Minisante yandikiye abo yirukanye ntigaragaramo icyo buri umwe umwe yirukaniwe uretse kubabwira ko ari nyuma y’igenzura iyi Minisiteri yakoze! Gusa ntibigaragara mu ibaruwa igihe iri genzura ryabereye, icyo ryari rigamije n’ibyo abirukanwe batujuje ryasabaga!

Kanda hano usome inkuru twanditse mbere kuri iki kibazo

http://umuryango.rw/amakuru/mu-rwanda/politiki/article/komisiyo-y-abakozi-ba-leta-yatahuye-uburiganya-mu-mitangire-y-akazi-muri

Author : Ubwanditsi

Ibitecyerezo

  • Who are you?

    Amategeko n'amabwiriza birkurikizwa


  • chat_bubble richard

    Eeeeeh Musoni wa nyaruguru ko yari yarishyiriweho na Habitegeko amuhaye menshi akamubwirako yamugereye hose hashoboka nawe baramwirukanye kweli!!! Ko atamutsimbarayeho nkuko atsimbaraye kuri Semwema umufasha guhimbira abo batavuga rumwe ibyaha nabandi badiregiteri yagereye larga ngo akomeje gutsimbararaho??? Yewe amaf bamuha ngo ashyira abo hejuru buri kwezi nimenshi nakomeze abatsimbarareho abagerereyo, ndumva atagenda

    May 2018
  • chat_bubble aime

    Yoo! Iyo Commission ize ikore n’igenzura muri Wasac. Abantu bakoze ibizamini bashaka akazi k’aba RELEVEURS(Commercial field Officers), iyo urebye imitangire y’ibizame n’amanota ni AGAHOMAMUNWA.PSC mudutabare!

    May 2018
  • chat_bubble SHAMBA

    UWO DIVISION MANAGER WITWA NDONKEYE VALENS YIGIZE AKAMANA MURI MINISANTE NAHANWE BYINTANGARUGERO BIBERE NABANDI URUGERO IYO MIKORERE MIBI NTIZONGERE NABANDI BOSE BABIFITEMO URUHARE BAHANWE

    May 2018
  • chat_bubble ndibaza

    Aba ba DAF bose batirukanwe ntacyo byaba bikemuye kuko ntakuri kugaragara muburyo exams zakozwemo.Ubuse umuntu wavukijwe amahirwe yo gukora interview kandi yarashoboraga gutsinda kandi hari abasigaye mukazi bataramirishije amanota muri written exam murumva atari amatiku mushaka kuzana mubantu. Aba ba DAF bose bakoze exam birukanwe hatangwe exam muburyo bunyuze mumucyo

    May 2018
  • chat_bubble ndibaza

    Aba ba DAF bose batirukanwe ntacyo byaba bikemuye kuko ntakuri kugaragara muburyo exams zakozwemo.Ubuse umuntu wavukijwe amahirwe yo gukora interview kandi yarashoboraga gutsinda kandi hari abasigaye mukazi bataramirishije amanota muri written exam murumva atari amatiku mushaka kuzana mubantu. Aba ba DAF bose bakoze exam birukanwe hatangwe exam muburyo bunyuze mumucyo

    May 2018
  • chat_bubble ndibaza

    Aba ba DAF bose batirukanwe ntacyo byaba bikemuye kuko ntakuri kugaragara muburyo exams zakozwemo.Ubuse umuntu wavukijwe amahirwe yo gukora interview kandi yarashoboraga gutsinda kandi hari abasigaye mukazi bataramirishije amanota muri written exam murumva atari amatiku mushaka kuzana mubantu. Aba ba DAF bose bakoze exam birukanwe hatangwe exam muburyo bunyuze mumucyo

    May 2018
  • chat_bubble magorwa pascal

    oya rwose ibi birakabije, niba abantu 10 babirukanye, biragaragara ko mukizamini habayemo amanyanga, kandi birazwi ko hayemo kata nyinshi na ruswa nyinshi so, ikizamini cyakozwe nigisubirwemo abantu bajye mumyanya biciye mumucyo kandi amategeko akurikizwe ababigizemo uruhare babihanirwe.

    May 2018
  • chat_bubble Gatabazi

    Bazagere no mu bitaro bya kaminiza ibutare barebe kata ziri gukoreshwa mu kwinjiza abakozi mu kazi, admin na HR bahagize akarima kabo bakoreramo ibitemewe.

    May 2018
  • chat_bubble

    Birakwiye gusesa byose bagatangira bundi busa kuko ibyo bizamini ntabwo byari ama lots aho lot yabuze uyifata isubizwa ku isoko
    wa mugani nibasubiremo byose. kandi abagize uruhare muri aya makosa babibazwe

    May 2018
  • chat_bubble kuki

    Iki gikorwa cyakozwe n’iyi komisiyo ni cyiza.Nikomereze aho,kandi munzego dose,kuko ibi bitari muri Minisante gusa.Ntabwo igihugu gishibora gutera imbere uko byifuzwa mugihe itangwa ryakazi, ryashingiye ku kimenyane,ruswa cg icyene wabo,kuko gahabwa abatagashoye bagasiga ababishoboye.Ibi kandi bijyane no guhana muburyo bw’amategeko ahana ababigizemo uruhare Bose.Ingaruka kwitangwa ry’akazi kuri Ubu buryo ni mikorere mibi kubagawe,nihahandi usanga umugenzuzi w’imali y’a Leta agaragaza buri mwaka imikoreshereze mini y’imali y’a Leta, bamwe mubayobozi bagasubizako ari ubumenyi buke bw’abakozi,biba bibabaje.Ibi bintu bifitanye isano n’ireme ry’uburezi rivugwa buri munsi.Harabatigira kumenya,bakiga bashaka diplôme uko yaba imeze kose kuko bazabona akazi batsinda batatsinda ibizamini by’akazi.Biragayitse kongerera amanota uwatsinzwe ukayaka uwatsinze.Iyi penal case

    May 2018
  • chat_bubble Neila

    Ababyihishe inyuma bakurikiranwe kuko ibi birakabije bireze mu bigo byinshi. Mu myaka yashize abakozi benshi barirukanywe basimbuzwa abavuye muri Uganda kubera ikimenyane, icyo gihe abashyizwe mu mirimo bari bazi icyongereza ariko badafite ubumenyi akazi karabananira bajya kwiga bakora ariko ntibashobora gutanga umusaruro ungana n’ uwo basimbuye. Ruswa n’ icyenewabo bimunga ubukungu bw’ igihugu dukwiye kubyirinda niba dushaka ko dutera imbere.

    May 2018
  • chat_bubble Ntivuguruzwa

    Bikwiye guseswa byose

    May 2018
  • chat_bubble ahhh

    Kubera iki amategeko atubahirizwa ngo biseswe imyanya yose ipiganirwe binyuze mumucyo?Ikigaragara nuko ibyo bizamini byakozwe nta kuri kurimo kuko n’abitwa ko batsinze ushobora gusanga barakopejwe ibizamini. Rero ntacyo byaba bikemuye kwirukana bamwe ugasiga abandi kandi bose barakoze ibizamini byuzuyemo amanyanga nubundi ubwo hari abo murimo guhishira bahawe akazi muburyo butemewe

    May 2018
  • chat_bubble ahhhh

    Kubera iki amategeko atubahirizwa ngo biseswe imyanya yose ipiganirwe binyuze mumucyo?Ikigaragara nuko ibyo bizamini byakozwe nta kuri kurimo kuko n’abitwa ko batsinze ushobora gusanga barakopejwe ibizamini. Rero ntacyo byaba bikemuye kwirukana bamwe ugasiga abandi kandi bose barakoze ibizamini byuzuyemo amanyanga nubundi ubwo hari abo murimo guhishira bahawe akazi muburyo butemewe

    May 2018
  • chat_bubble kuki

    Kuki birukanye 10 gusa kandi bigaragara ko mu bizamini byatanzwe habayemo amanyanga ni ukubera iki?Byose bagomba kubisesa hagakorwa exam abatsinze bagashyirwa mumyanya binyuze mumucyo.

    May 2018
  • 1 | 2 | 3

Inzindi nkuru

Urupfu rw’umwarimukazi w’umunyabigwi wigishije Jeanette Kagame, rwasheguye...

“Umwarimu mwiza ameze nka buji (bougie)-irashonga kugira ngo imurikire...
20 May 2022 0

Rusizi: Umugore yanze ko bashyingura umugabo we wiyahuye kubera...

Umugore wo mu Murenge wa Kamembe mu Karere ka Rusizi uherutse gupfusha...
20 May 2022 0

Abimukira bazava UK bateguriwe amazu meza cyane yo kubamo [AMAFOTO]

Guverinoma y’u Rwanda yatangaje ko hamwe mu hagomba gucumbikirwa abimukira...
20 May 2022 0

"Gutitiriza usaba igitsina niba ari icyaha nta mugabo uzasigara"-Karegeya

Nta gihe gishize ,Urukiko rutegetse ko Prince Kid wateguraga irushanwa rya...
19 May 2022 0

Gasabo: Umusore yambuwe n’indaya ata umutwe ajya kuryama mu irimbi

Ahagana saa yine za mu gitondo kuri uyu wa Mbere tariki ya 16 Gicurasi 2022...
17 May 2022 0

Umunyamakuru Jado Castar ukundwa na benshi mu busesenguzi bw’Imikino...

Umunyamakuru wa B&B FM,Jado Castar wahoze ari Visi Perezida wa Kabiri...
14 May 2022 1