skol

Dr.Kayumba Christopher yongeye guhamagazwa na RIB

Amakuru   Yanditswe na: Dusingizimana Remy 8 September 2021

Urwego rw’Igihugu rw’Ubugenzacyaha, RIB, rwahamagaje Dr Christopher Kayumba wahoze ari Umwarimu mu Ishuri ry’Itangazamakuru muri Kaminuza y’u Rwanda.

Urwandiko rwo ku wa 7 Nzeli 2021 rwakwirakwiye ku mbuga nkoranyambaga,rugaragaza ko RIB isaba Dr Kayumba kwitaba kuri uyu wa Gatatu.

Iti “Utumiwe ku Biro Bikuru by’Urwego rw’Igihugu rushinzwe Ubugenzacyaha biherereye ku Kimihurura mu Karere ka Gasabo ku itariki ya 8 Nzeli 2021 ku isaha ya saa tanu (11h00) za mu gitondo.”

Icyakora,RIB ntiyigeze itangaza icyo yahamagariye Dr.Kayumba Christopher umaze igihe atanga ibiganiro kuri You Tube asaba Leta kugira ibyo ihindura mu nzego zitandukanye.

Si ubwa mbere Dr Kayumba ahamagajwe na RIB kuko no muri Werurwe 2021 yasabwe kwitaba kugira ngo atange ibisobanuro ku kirego cy’umukobwa wahoze ari umunyeshuri we umushinja gushaka kumufata ku ngufu.

Muri Werurwe 2021,Christopher Kayumba,wahoze ari umwalimu muri Kaminuza y’u Rwanda mu ishami ry’itangazamakuru, yatangaje iby’ishyaka rishya rya politiki yashinze ryitwa ’Rwandese Platform for Democracy’ (RPD).

Mu kiganiro yatanze ku mbuga nkoranyambaga akirishinga, Dr Kayumba yavuze ko ishyaka RPD - yitaga kenshi umuryango - rishingiye ku bitekerezo by’uko u Rwanda "rwava mu bukene bwabaye karande, rwagira demokarasi n’iterambere birambye, n’akarengane kagacika".

Uyu mwalimu muri kaminuza, yarangije igihano cy’igifungo mu kwezi kwa 12/2020, yari amaze umwaka afunze aregwa guteza akaduruvayo ku kibuga cy’indege cya Kigali.

Akimara gushinga ishyaka tariki 16 z’uku kwezi kwa gatatu,bucyeye tariki 17 kuri Twitter hatangajwe inkuru y’uko Kayumba yagerageje gufata ku ngufu umukobwa yari abereye umwalimu mu ishuri ry’itangazamakuru wamusanze mu rugo rwe.

Hashize iminsi 10 uwo bivugwa ko yahohoteye atazwi, umunyamakuru Fiona Muthoni Ntarindwa yanditse kuri Twitter ko ari we Kayumba yashatse gufata ku ngufu mu 2017.

Fiona M. Ntarindwa yemeje ko ari we uvugwa mu ruhererekane rw’inyandiko yanditswe kuri Twitter na Kamaraba Salva, ivuga ko yagiye kureba Kayumba ngo bavugane ibireba ishuri, ’asanga ameze nk’uwasinze’ ashaka kumusambanya ku ngufu, ariko abasha kumucika arahunga.

Christopher Kayumba, nawe akoresheje Twitter, yahakanye ibyo birego, avuga ko bigamije "gupfobya igitekerezo cyacu twashyize mu bikorwa" cy’ishyaka riharanira demokarasi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ingabire Victoire yongeye guhamagazwa na RIB

Umuyobozi w’Ishyaka DALFA Umurinzi ritaremerwa gukorera mu gihugu,...
18 October 2021 0

Polisi yaburiye abakomeje gukora amanyanga mu ikorwa ry’ibizamini byo kubona...

Ku gicamunsi cyo kuri uyu wa Gatanu tariki ya 15 Ukwakira ku cyicaro cya...
16 October 2021 0

Kirehe: Yafatanwe metero 40 z’insinga z’amashanyarazi bikekwa ko yibye ubwo...

Kuri uyu wa Kabiri tariki ya 12 Ukwakira Polisi ikorera mu Karere ka Kirehe...
14 October 2021 0

Musanze: Ikamyo yagonganye n’ivatiri igwa igushije urubavu [AMAFOTO]

Imbere y’Ibiro by’Akarere ka Musanze, mu gitondo cyo kuri uyu wa Kabiri...
12 October 2021 0

Huye: Umukobwa yafatanwe ibikoresho bya polisi ashaka gutuburira...

Mu gitondo cyo kuri iki Cyumweru tariki ya 10 Ukwakira ahagana saa yine...
11 October 2021 0

Rulindo: Imvura n’umuyaga byasenye inzu zirenga 200 zirimo inyubako z’ikigo...

Ubuyobozi bw’Akarere ka Rulindo bwatangaje ko bwatangiye kubarura ibyangijwe...
11 October 2021 0