skol

Gasabo: Bane bagwiriwe n’ igikuta barashyingurwa k’ ubufasha bw’ Umurenge

Amakuru   Yanditswe na: Nsanzimana Ernest 6 May 2017


Umunyamabanga nshingwabikorwa w’ umurenge wa Gisozi Niragire Theophile

Abantu bane bo muryango wari utuye ku Gisozi mu karere ka Gasabo wagwiriwe n’ igikuta bose bagapfa urashyingurwa kuri uyu wa 7 Gicurasi 2017.

Mu ijoro ryo kuri uyu wa 5 rishyira ku wa 6 nibwo umugab, umugore n’ abana babiri b’ abahungu bagwiriwe n’ urukuta rw’ inzu babagamo bahita bitaba Imana.

Amakuru y’ iryo sanganya yamenyekanye mu gitondo cyo kuri uyu wa Gatandatu. Umunyamabanga nshingwabikorwa w’ umurenge wa Gisozi Niragire Theophile yabwiye Ikinyamakuru Umuryango ko kugwa kw’ iyo nzu bifitanye isano n’ uburyo yari yubatse.

Ati “…..Iyo nzu nta mureko yari ifite amazi yakomeje anyengerera mu gikuta kugeza igikuta gihirimye…. Bose bari baraye mu cyumba kimwe.…imvura yaguye guhera nimugoroba igeza mu gitondo”

Niragire yakomeje avuga ko bakimara kuhagera imirambo yakuwe munsi igikuta cyari cyabaguye hejuru, ikajyanwa mu buruhukiro bw’ ibitaro bya Kacyiru.

Yavuze ko umugabo yakomokaga mu karere ka Nyabihu, naho umugore akaba avuka mu murenge wa Nduba w’ akarere ka Gasabo.

Umuryango wa ba nyakwigendera wabwiye ubuyobozi bw’ Umurenge ko udafite ubushobozi bwo kwiyishyurira uburuhukiro bw’ ibitaro, umurenge wemera gutanga ubwo bufasha, nyuma umuryango wongeye gutakambira umurenge ko udafite ubushobozi bwo kugura amasanduku yo gushyinguramo ba nyakwigendera nabyo ubuyobozi bw’ umurenge bwemera kubiwufashamo.

Makuza Anastase w’ imyaka 52 y’ amavuko yari yarashakanye na Bankundiye Rosine babyarana Izabayo Theogene wari ufite imyaka 8 na Jean Luc wari ufite imyaka 5 y’ amavuko.

Niragire yabwiye Ikinyamakuru Umuryango ko iyi mirambo ishyingurwa kuri uyu wa 7 Gicurasi 2017.

Uyu muyobozi yavuze ko ibyabaye bikwiye kubera isomo abasigaye bakamenya ko bagomba gushyira ubuzima imbere ya byose. Ngo iyo Leta isaba abantu gutura ahantu hadashobora gushyira ubuzima bwabo mukaga ntabwo ariko yanze abaturage bayo. Inzu ba Nyakwigendera bari batuyemo yari ishaje.

Author : Nsanzimana Ernest

Nsanzimana Ernest ni Umwanditsi w’Ikinyamakuru Umuryango. Afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


  • chat_bubble yoyo

    yararanaga nabana babasore gutyo se umwana ufite 8 abarimikuru yateraga akabariro ryari,? yewe yaratuye mumanengeka koko kurarana nabana bakuru

    May 2017

Inzindi nkuru

U Rwanda rwavuze icyo rwiteguye gukora igihe intambara yo muri RDC yakomeza...

Umuvugizi wungirije wa Leta y’u Rwanda, Alain Mukurariranda yabwiye Ijwi...
27 May 2022 0

Nsabimana Callixte "Sankara"yahaye ubutumwa abo bakoranaga muri FLN...

Nsabimana Callixte uzwi nka Sankara wakatiwe igifungo cy’imyaka 15 kubera...
26 May 2022 0

Kigali: Hatawe muriyombi abasore 12 bigize abajura b’amatelefone mu buryo...

Polisi y’u Rwanda ikorera mu mujyi wa Kigali , yatangaje ko kuri uyu wa...
26 May 2022 0

Musanze: Abaturage bakutse umutima kubera ibisasu byabaguyeho biturutse RDC...

Minisitiri w’Umutekano mu Gihugu, Alfred Gasana yahumurije abaturage bo mu...
25 May 2022 0

RDF yasabye iperereza ryihuse ku bisasu byageze mu Rwanda biturutse muri...

U Rwanda rwasohoye itangazo risaba urwego rw’ingabo z’Akarere zishinzwe...
23 May 2022 0

Nyanza: Wa mugabo uheruka kwica umugore we amuziza imitugo yarasiwe muri...

Umugabo witwa Ndahayo Jean w’imyaka 43 watawe muri yombi tariki 18 Gicurasi,...
23 May 2022 1