Kuri uyu wa Mbere, mu Ishuri Rikuru rya Gisirikare riri mu Karere ka Musanze, hakorewe igikorwa cyo gusoza imyitozo y’Ingabo z’Ibihugu biri mu Muryango wa Afurika y’i Burasirazuba.

Ni imyitozo yitwa Ushirikiano Imara ibaye ku nshuro ya 13, igamije gushyigikira ubufatanye bw’ibihugu bigize uyu muryango mu kugarura no kubungabunga amahoro mu karere biherereyemo.

Iyi myitozo y’ibyumweru bibiri yitabiriwe n’abasirikare, abapolisi n’abasisivile baturutse mu Rwanda, Uganda,u Burundi,Tanzania na Kenya.

Minisitiri w’Ingabo z’U Rwanda Juvenal Marizamunda ari kumwe n’abandi bayobozi bo muri ibyo bihugu basuye ibyumba byakorewemo iyo myitozo yo ku rwego rw’ingamba mu buryo bwa technique (planning), haganijwe kugarura amahoro mu gihugu bari bahaye izina rya Kangoma.

Abayobozi b’iyi misiyo barimo kubasobanurira uburyo icyo gihugu cyari cyugarijwe n’ibitero by’iterabwoba, ibiza n’ibindi byari bibangamiye umutekano w’abagituye, cyongeye kugarurwamo amahoro, bakoresheje iyo myitozo