skol
fortebet

Ingabire Victoire yongeye guhamagazwa na RIB

Yanditswe: Monday 18, Oct 2021

featured-image

Sponsored Ad

Umuyobozi w’Ishyaka DALFA Umurinzi ritaremerwa gukorera mu gihugu, w’sihyaka Ingabire Victoire Umuhoza, yatangaje ko yahamagajwe n’Urwego rw’Ubugenzacyaha, RIB.
Mu butumwa yanyujije ku rubuga rwe rwa Twitter kuri uyu wa 18 Ukwakira,yagize ati “Ejo ku wa 19 Ukwakira 2021 saa tatu n’igice nasabwe kwitaba kuri RIB.”
RIB biciye ku muvugizi wayo Murangira Thierry,yabwiye Umuseke ko Madamu Ingabire "yahamagajwe bishingiye ku iperereza riri gukorwa kuri nyiri Umubavu TV n’abandi bantu umunani (8) (...)

Sponsored Ad

Umuyobozi w’Ishyaka DALFA Umurinzi ritaremerwa gukorera mu gihugu, w’sihyaka Ingabire Victoire Umuhoza, yatangaje ko yahamagajwe n’Urwego rw’Ubugenzacyaha, RIB.

Mu butumwa yanyujije ku rubuga rwe rwa Twitter kuri uyu wa 18 Ukwakira,yagize ati “Ejo ku wa 19 Ukwakira 2021 saa tatu n’igice nasabwe kwitaba kuri RIB.”

RIB biciye ku muvugizi wayo Murangira Thierry,yabwiye Umuseke ko Madamu Ingabire "yahamagajwe bishingiye ku iperereza riri gukorwa kuri nyiri Umubavu TV n’abandi bantu umunani (8) bafashwe mu Cyumweru gishize.”

Uyu Ingabire,yabwiye BBC ko kugeza kuri iki cyumweru abayoboke ba DALFA Umurinzi barindwi ari bo bamaze gutabwa muri yombi n’urwego rw’ubugenzacyaha (RIB).

Muri aba harimo Sibomana Sylvain wahoze ari Umunyamabanga Mukuru w’Ishyaka FDU-Inkingi rya Ingabire Victoire mbere y’uko ashinga DALFA Umurinzi.

Ku wa gatatu nijoro, nibwo RIB yatangaje kuri Twitter ko yafunze abantu batandatu barimo na nyir’isheni Umubavu TV yo kuri YouTube Théoneste Nsengimana, bakurikiranyweho "gutangaza amakuru y’ibihuha agamije guteza imvururu n’imidugararo muri rubanda".

Madamu Ingabire ku wa kane yabwiye BBC ko muri abo batandatu, abandi ari abo mu ishyaka rye barimo n’abari barihagarariye ku rwego rw’intara.

Ingabire Victoire yafunguwe ku wa 15 Nzeri 2018 ku bw’imbabazi z’Umukuru w’Igihugu nyuma y’aho akatiwe n’inkiko mu Ukuboza 2013 amaze guhamwa n’ibyaha byo kugambanira igihugu agamije kukibuza umudendezo no kurema umutwe w’abagizi ba nabi. Yarekuwe asigaje imyaka irindwi ku gifungo cy’imyaka 15 yakatiwe.

Akimara gufungurwa, Ingabire yumvikanye kenshi avuga ko nta mbabazi yigeze asaba ndetse ko uko yagiye muri gereza ari ko yasohotse.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa