Nyamugabo Eric, Umuyobozi ushinzwe abakozi mu kigo cyigisha imyuga n’ ubumenyi ngiro mu ntara y’ amajyepfo IPRC South ari mu maboko ya polisi nyuma y’ uko muri iki kigo habonetse umurambo w’ umuntu utaramyekana umwirondoro.
Mu ijoro ryo kuri uyu wa Mbere rishyira kuwa Kabiri tariki 27 Ukuboza 2016, nibwo uyu muntu yishwe. Ababonye umurambo we bavuga ko nta gikomere bamusanganye, bigakekwa ko yaba yarishwe arashwe.
Umuvugizi wa Polisi mu Ntara y’Amajyepfo, CIP André Hakizimana yavuze ko (…)

Nyamugabo Eric, Umuyobozi ushinzwe abakozi mu kigo cyigisha imyuga n’ ubumenyi ngiro mu ntara y’ amajyepfo IPRC South ari mu maboko ya polisi nyuma y’ uko muri iki kigo habonetse umurambo w’ umuntu utaramyekana umwirondoro.

Mu ijoro ryo kuri uyu wa Mbere rishyira kuwa Kabiri tariki 27 Ukuboza 2016, nibwo uyu muntu yishwe. Ababonye umurambo we bavuga ko nta gikomere bamusanganye, bigakekwa ko yaba yarishwe arashwe.

Umuvugizi wa Polisi mu Ntara y’Amajyepfo, CIP André Hakizimana yavuze ko uwo murambo basanze nta gikomere ufite bagahita bihutira kuwujyana kwa muganga ngo ukorerwe isuzuma.

CIP Hakizimana akomeza avuga ko impamvu bataye muri yombi uwo muyobozi ari uko ari we wari uri mu kigo ubwo uyu murambo wabonekaga. Umuyobozi w’ishuri ntabwo yari ahari.

Polisi ivuga ko iri kumuhata ibibazo ngo hakomeze hakorwe iperereza ku cyaba cyarateye urwo rupfu.

Hari n’andi makuru avugwa ko uwo muntu wishwe ashobora kuba yari yaje kwiba ibiti muri IPRC hafi y’ahantu hitwa muri EPLM, higishirizwaga indimi mu yahoze ari Kaminuza Nkuru y’u Rwanda, akaba ngo yarakubiswe n’abasekirite kugeza apfuye.

Umuntu utashatse kwivuga izina avuga ko amwe mu makuru ahwihwiswa muri iki kigo ari uko hari n’abashinzwe umutekano muri iri shuri bashobora kuba barahise baburirwa irengero nyuma y’uko urwo rupfu rubaye.

Aho ikigo cya IPRC SOUTH gikorera ahahoze ari ishuri rya gisirikare ryitwaga Ecole des Sous Officiers (ESO).