Umugabo witwa Simacye Jean Claude yateye icyuma mu mara mugenzi we bivugwa ko banafitanye amasano.
Byabereye mu mudugudu wa Kigusa, Akagari ka Kagina mu murenge wa Runda, ahagana saa kumi n’ imwe zishyira saa kumi n’ebyiri z’uyu mugoroba wa tariki 28 Ukwakira 2017.
Umugabo Simacye Jean Claude upima inzoga zirimo urwaga muri uyu mudugudu yateye icyuma Mushimiyimana François bafitanye isano.
Nk’ uko Umuryango ubikesha intyoza uwateye icyuma afungiye kuri sitasiyo ya polisi ya Runda, (…)

Umugabo witwa Simacye Jean Claude yateye icyuma mu mara mugenzi we bivugwa ko banafitanye amasano.

Byabereye mu mudugudu wa Kigusa, Akagari ka Kagina mu murenge wa Runda, ahagana saa kumi n’ imwe zishyira saa kumi n’ebyiri z’uyu mugoroba wa tariki 28 Ukwakira 2017.

Umugabo Simacye Jean Claude upima inzoga zirimo urwaga muri uyu mudugudu yateye icyuma Mushimiyimana François bafitanye isano.

Nk’ uko Umuryango ubikesha intyoza uwateye icyuma afungiye kuri sitasiyo ya polisi ya Runda, mu gihe uwatewe icyuma arimo kuvurirwa ku kigo nderabuzima cya Gihara.

Abatangabuhamya bavuga ko byatangiye Mushimiyimana watewe icyuma abwira Simacye ngo afunge batahe. Mushimiyimana yabwiraga Simacye ngo yasinze ntabwo afite ubushobozi bwo gukomeza gucuruza.

Mushimiyimana Jean Claude watewe icyuma akora ku kigo cy’urwunge rw’amashuri kitiriwe mutagatifu Yohani.

Afite akamenyero ko iyo avuye ku ishuri mu kazi ajya aho nyirarume acururiza bagatahana.

Umuyobozi w’aka kagari ka Kagina, Nzaramba yemeje aya makuru avuga ko bikiba yatabajwe agahita ahagera agafatanya n’abaturage gutabara ari nako batabaza Polisi nayo yahise ibatabara.