skol

Karongi: Imodoka itwara abagenzi yagonganye na FUSO abantu 6 barakomereka

Amakuru   Yanditswe na: Dusingizimana Remy 31 December 2021

Mu masaha ya mu gitondo kuri uyu wa Gatanu, imodoka ya Coaster ya kompanyi Kivu Belt Express yari ivuye i Rusizi ijya i Gisenyi yakoze impanuka igeze hafi y’umurenge wa Bwishyura.

Hagati ya saa yine n’igice na saa tanu z’igitondo, kuri uyu wa Gatanu, tariki 31 Ukuboza 2021, muri metero 100m uvuye ku biro by’umurenge wa Bwishyura nibwo iyi mpanuka yabaye, ibera mu Kagari ka Kiniha mu Mudugudu wa Ruganda.

Umunyamabanga Nshingwabikorwa w’Umurenge wa Bwishyura, Ayabagabo Faustin, yemereye UMUSEKE dukesha iyi nkuru iby’iyi mpanuka, avuga ko imodoka izwi nk’ibeni (ni Fuso) yari itwaye amatafari yagonganye na Coaster ya Kivu Belt Express.

Ayabagabo Faustin yakomeje avuga ko uyu muhanda ukunze kubamo impanuka bigendanye n’imiterere yawo kuko hamanuka cyane.

Uyu muyobozi yakomeje asaba abatwara ibinyabiziga kurushaho kwitwararika bakazirikana ko amagara aseseka ntayorwe.

Ati “Ubutumwa twatanga ni ugusaba abashoferi bakoresha uyu muhanda kujya bagabanya umuvuduko kuko ukunze kubamo impanuka, bakajya bitwararika kandi bakazirikana ko amagara aseseka ntayorwe. Bitwararike twirinde impanuka za hato na hato zaba intandaro yo gutwara ubuzima bw’abantu.”

Abakomerekeye muri iyi mpanuka bose bahise bajyanwa ku Bitaro bya Kibuye kugira ngo bahabwe ubutabazi bwihuse.

Umwe mu babonye amafoto y’imodoka zagonganye by’umwihariko Coaster yabwiye Umuseke ati “Imana igira amaboko, nta muntu wahise ahasiga ubuzima ureba ukuntu imodoka yabaye.”

Coster yangiritse bikomeye gusa abari muri Fuso yari itwaye amatafari bo ntacyo babaye ndetse n’imodoka ntiyangiritse bikabije.

Ayabagabo avuga ko urebye Coaster yari yasatiriye cyane iriya kamyo, gusa ngo Polisi y’u Rwanda ishami rishinzwe umutekano wo mu muhanda ikomeje iperereza ngo harebwe icyateye iyi mpanuka.

Imodoka RAE 708E ya Kivu Belt Express yari itwawe na UWANYIRIGIRA Nathanael yahagurutse i Rusizi saa moya n’igice mu gitondo (07h30 a.m).



Inkuru y’UMUSEKE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umusore yiyahuriye muri Nyabarongo nyuma yo kwibwa umushahara...

Umusore uzwi ku izina rya Alphonse ufite imyaka 28 yiyahuriye muri...
27 January 2022 0

Karongi: Gitifu w’Akagari akurikiranyweho kugira umugore umwana utaruzuza...

Urwego rw’Igihugu rw’Ubugenzacyaha, RIB, rwashyikirije Ubushinjacyaha dosiye...
26 January 2022 0

Karongi: Abana 13 bari baburiwe irengero bari ku ishuri babonetse nyuma...

Abanyeshuri bo mu Karere ka Karongi bari baburiwe irengero bongeye kuboneka...
26 January 2022 0

Bugesera:Yemeye ko yibye moto ya mugenzi we kubera ko yagiye kunywa inzoga...

Mu ijoro rya tariki ya 21 Mutarama Polisi ku bufatanye n’izindi nzego...
24 January 2022 0

Rubavu: Igikuta cy’inzu cyagwiriye umuntu ahasiga ubuzima

Mu ijoro ryacyeye imvura nyinshi yaguye muri aka karere isenya inzu zigera...
23 January 2022 0

Rwamagana: Yatemye umuturanyi we nyuma yo gukeka ko amusambanyiriza...

Umugabo wo mu Murenge wa Gahengeri mu Karere ka Rwamagana, yashatse gutema...
23 January 2022 0