skol

Kayonza: Yatewe icyuma n’umugore ubwo yari agiye gukiza abashwanaga

Amakuru   Yanditswe na: Dusingizimana Remy 18 September 2021

Umusore uri mu kigero cy’imyaka 37 wari utuye mu Kagari ka Musumba, mu Murenge wa Nyamirama mu Karere ka Kayonza, yishwe atewe icyuma n’umugore witwa Uwase bivugwa ko yicuruza, Ubuyobozi buvuga ko ukekwaho iki cyaha yahise ajyanwa kuri RIB.

Ibi byabaye ku wa Kane tariki 16 Nzeri 2021 mu masaha ya saa moya z’umugoroba, mu isantere bita mu Gipadiri igabanya Umurenge wa Kabarondo n’uwa Nyamirama.

Amakuru UMUSEKE dukesha iyi nkuru wamenye nuko intandaro y’urupfu rw’uyu musore yaturutse ku ntonganya zari hagati ya mugenzi w’uriya musore wapfuye babanaga mu gipangu, n’umugabo wari wasuye Uwase.
Intonganya zabyaye imirwano, nyakwigendera Habyarimana Aliace uri mu kigero cy’imyaka 37 agenda agiye gukiza mugenzi we, ari bwo uwo mugore yinjiye mu nzu asohokana icyuma akimutera ku ijosi amuca umutsi.

Umunyamabanga Nshingwabikorwa w’Umurenge wa Nyamirama, Mukunzi Athanase yabwiye UMUSEKE ko bariya bantu barwanye biza kuvamo urupfu.

Ati “Byabereye ahantu tugabanira n’Umurenge wa Kabarondo, Umunyambanga Nshingwabikorwa w’Umurenge wa Kabarondo ni we wahise utabara.”

Ibyo bikiba nyakwigendera yabanje kujyanwa ku Kigo Nderabuzima cya Kabarondo kugira ngo akorererwe ubutabazi bwihuse ariko ahita apfa.

Urubuga realrwanda.com ruvuga ko uriya mugore ubwo yari atabaye uwo mugabo wari wamusuye, yakubiswe inkoni yo mu mutwe, ari na yo yazamuye umujinya yinjira mu nzu asohokana icyuma agitera nyakwigendera mu ijosi.

Umunyambanga Nshingwabikorwa w’Umurenge wa Kabarondo ari na we wabanje gutabara, yabwiye UMUSEKE ko kugeza ubu ukekwaho gukora kiriya cyaha afungiye kuri RIB Sitasiyo ya Kabarondo.

Umurambo wa nyakwigendera wahise ujyanwa ku bitaro bya Rwinkwavu kugira ngo ukorerwe isuzuma. Umugabo wari wasuye uriya mugore ndetse bikekwa ko yabaye intandaro y’imirwano, bikiba yahise aburirwa irengero.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rwamagana: Inzego z’umutekano zarashe umusore wazirwanyije

Ahagana saa Cyenda z’ijoro rishyira kuri iki Cyumweru, tariki 16 Mutarama...
16 January 2022 0

Nyanza: Umuyobozi ushinzwe umutekano mu mudugudu yatwikiwe mu nzu Imana...

Ushinzwe umutekano mu Mudugudu wa Kamuvunyi B ho mu Kagari ka Nyarusange mu...
15 January 2022 0

Abakozi 8 bo kwa muganga bakurikiranyweho kunyereza inkingo n’udukoresho...

Urwego rw’Igihugu rw’Ubugenzacyaha, RIB, rwataye muri yombi abakozi umunani...
15 January 2022 0

Umu DASSO yatawe muri yombi ashinjwa gusambanya umwana w’umukobwa amubeshye...

Umugabo ukorera urwego rwunganira inzego z’ibanze mu gucunga umutekano...
14 January 2022 0

Ruhango: Umugabo yaguye mu nzira ari kugenda ahita apfa

Umugabo witwaga Rugara na Kazunguwo mu kagari ka Gataka mu murenge wa...
14 January 2022 0

RURA yemeye kugirana ibiganiro n’abamotari bigaragambije kubera...

Mu masaha y’umugoroba, RURA, Polisi y’u Rwanda n’abahagarariye amakoperative...
13 January 2022 0