skol

Nyagatare: Umuturage wagaragaye ari kuniga Umu DASSO hafi no kumwica yatawe muri yombi

Amakuru   Yanditswe na: Dusingizimana Remy 25 August 2021

Umugabo witwa Safari George wo mu Kagari ka Musenyi mu Murenge wa Karangazi mu Karere ka Nyagatare yatawe muri yombi nyuma yo kugaragara mu mashusho ari kuniga umukozi ushinzwe gucunga umutekano mu rwego rwa DASSO akenda kumuheza umwuka.


Mu mashusho yakwirakwijwe ku mbuga nkoranyambaga,umukozi wo mu rwego rwa DASSO yagaragaye ari gukurura umupira umushumba nabi cyane kugeza ubwo awuciye.

Mu kanya gato, Bwana Safari yagaragaye ari hejuru y’uyu mukozi wa DASSO wambaye impuzankano yamunize undi ari kuvuza induru ati "Aranyishe we,aranyishe."

Umwe mu batabaye yumvikanye ari kuvuga ati "Nyubaha Safa",hanyuma aramurekura uyu mu Dasso ahita agenda.

Amakuru aravuga ko uyu Safari George yamaze gutabwa muri yombi akaba afungiye kuri station y’Urwego rw’Igihugu rw’Ubugenzacyaha RIB ya Karangazi.

Ubuyobozi bw’Akarere ka Nyagatare bukimara kubona aya mashusho bwatangaje ko yaba uyu muturage ndetse na Dasso bose bagomba gukurikiranwa.

Bubinyujije kuri Twitter,bwagize buti "Nubwo Akarere kari mu bikorwa byo gufata amatungo azerera hanze y’inzuri, uburyo ibi byakozwemo binyuranyijwe n’imyitwarire ikwiye. Abagaragaweho imikorere mibi ku mpande zombi (haba abayobozi na ba nyir’inka) bakurikiranywe n’inzego z’ubutabera.

Ubuyobozi bw’Akarere bwafashe ingamba ko imikorere mibi nk’iyi itazongera mu nzego zose ndetse no mu baturage."

Bivugwa ko aya mashusho yafashwe mu byumweru bibiri bishize ubwo ubuyobozi bw’inzego zibanze bwari mu bukangurambaga bwo gusaba abaturage kutaragira inka mu gasozi.

Kuri iki kibazo,Minisitiri w’Ubutegetsi bw’Igihugu, Gatabazi Jean Marie Vianney yabwiye TV1 ko bidakwiye ko umuyobozi cyangwa umukozi w’urwego runaka agera aho arwana n’umuturage ko ahubwo hashakishwa ubundi buryo.

Gatabazi yagize ati “Niba umuturage aragira ahantu hatemewe, aho kugira ngo ugere aho urwana na we, washoboraga kumureka kandi hari uburyo mwakora operation, mufatanyije n’izindi nzego, noneho umuturage warenze ku mategeko akaba yabihanirwa aho kugira ngo murinde mwajya kurwana.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Batangiye guterwa n’abajura kubera umuriro umaze amezi 3...

Abaturage bo mu karere ka Rubavu mu murenge wa Nyamyumba bahangayikishijwe...
2 December 2021 0

Ngororero:Yafashwe amaze guca insinga z’amashanyarazi agiye kuzigurisha

Polisi ikorera mu Karere ka Ngororero kuri uyu wa Kabiri tariki ya 30...
2 December 2021 0

Nyagatare: Inkuba yakubise inka 12 n’intama 2 z’umuturage birapfa

Kuri uyu wa Kabiri,tariki ya 30 Ugushyingo 2021,mu masaha ya mbere ya saa...
30 November 2021 0

Kicukiro: Imodoka yari itwaye abanyeshuri yafashwe n’inkongi y’umuriro

Imodoka yari itwaye abanyeshuri yafashwe n’inkongi y’umuriro ubwo yari mu...
30 November 2021 0

Rubavu: Akarere kiyemeje guhangana n’abiyise abuzukuru ba shitani bazwiho...

Abasore n’abana bazwi ku izina ry’abuzukuru ba shitani bamaze imyaka myinshi...
29 November 2021 0

Abanyeshuri 3 barohamye mu kiyaga cya Burera bagiye koga

Abanyeshuri batatu bigaga mu kigo cy’Ishuri cy’imyuga cya Centre pour la...
29 November 2021 0