Perezida Kagame yagize ACP Lynder Nkuranga Umuyobozi Mukuru w’Urwego rw’Abinjira n’Abasohoka mu gihe Col Jean Paul Nyirubutama yagizwe Umunyamabanga Mukuru Wungirije akaba n’Umuyobozi Mukuru ushinzwe Iperereza n’Umutekano byo hanze y’Igihugu
Mu itangazo ryashyizwe hanze ku mugoroba wo kuri uyu wa Mbere, tariki ya 6 Nzeli 2021 na Primature,nuko ACP Lynder Nkuranga yagizwe Umuyobozi Mukuru w’Urwego rw’Abinjira n’Abasohoka asimbuye Lt Col François Regis Gatarayiha wagiye kuri uyu mwanya mu 2018.
Ni (...)

Sponsored Ad

Perezida Kagame yagize ACP Lynder Nkuranga Umuyobozi Mukuru w’Urwego rw’Abinjira n’Abasohoka mu gihe Col Jean Paul Nyirubutama yagizwe Umunyamabanga Mukuru Wungirije akaba n’Umuyobozi Mukuru ushinzwe Iperereza n’Umutekano byo hanze y’Igihugu

Mu itangazo ryashyizwe hanze ku mugoroba wo kuri uyu wa Mbere, tariki ya 6 Nzeli 2021 na Primature,nuko ACP Lynder Nkuranga yagizwe Umuyobozi Mukuru w’Urwego rw’Abinjira n’Abasohoka asimbuye Lt Col François Regis Gatarayiha wagiye kuri uyu mwanya mu 2018.

Ni mu gihe kandi Col Jean Paul Nyirubutama yagizwe Umunyamabanga Mukuru wungirije akaba n’Umuyobozi Mukuru ushinzwe Iperereza n’Umutekano byo hanze y’Igihugu mu Rwego rw’Igihugu rushinzwe Iperereza n’Umutekano [NISS].

ACP Lynder Nkuranga wigeze kuba Umuvugizi wungirije wa Polisi y’Igihugu mu 2018, yari asanzwe ari Umuyobozi Mukuru ushinzwe Iperereza ryo hanze y’Igihugu mu Rwego rw’Igihugu rushinzwe Umutekano n’Iperereza, NISS. Ni umwanya yagiyeho muri Kanama 2020.

Muri Kamena 2021 ni bwo kandi Perezida Kagame yafashe icyemezo cyo kuzamura mu ntera Lieutenant Colonel Jean Paul Nyirubutama ahabwa ipeti rya Colonel, agirwa Umunyamabanga Mukuru wungirije w’Urwego rushinzwe Iperereza n’Umutekano (NISS).