skol

Rubavu: Batangiye guterwa n’abajura kubera umuriro umaze amezi 3 warabuze

Amakuru   Yanditswe na: 2 December 2021

Abaturage bo mu karere ka Rubavu mu murenge wa Nyamyumba bahangayikishijwe n’abajura babatera nijoro bakabiba ndetse n’ abana babo batabona uko basubira mu masomo nijoro kubera ko badafite umuriro w’amashanyarazi.


Aba baturage bo mu kagari ka Rubona,mu mudugudu wa Kabiza bari mu bwigunge kubera ko bamaze amezi 3 nta muriro bafite kandi barahoze bawufite.

Aba baturage babwiye Umuryango ko bamaze amezi atatu babona umuriro ku baturanyi bo ntawo bafite kandi barawuhoranye ukaza gupfa bagategereza ubufasha bw’ababishizwe (REG) bagaheba.

Uwitwa Mpozembizi Paul yagize ati "Kuva mu kwezi kwa 9 inkuba yakubise kashipawa zaho dutuye,kuva ubwo umuriro turawubura.

Twagiye kenshi kuri REG ariko ntacyo batumariye ahubwo batubwira ko nta Kashi pawa zihari none ubu amaso yaheze mu kirere.Abajura bitwikira ijoro bakatwiba. Umuhungu wange abajura baraje bakura amadirishya y’inzu ye baramwiba ntibagira icyo bamusigira.

Ababyeyi bo muri ako gace bavuze ko bababazwa n’uko abana babo batagisubira mu masomo kubera iri bura ry’umuriro.Bati "abana bacu ntibakiga kuko akabuje ka buri munsi kukabona ntibyoroshye.

Kubera umwijima,iyo uvuye gucaginga telefone ahari umuriro, uhura n’abajura akayikwambura, abana bacu rwose ntibagisubiramo amasomo.

Umuyobozi wa REG ishami rya Rubavu Butera Laurent,yavuze ko nta kibazo cya Kashi Pawa gihari.Ati"abo baturage bafite icyo kibazo bampamagare tubafashe kuko kashipawa zirahari Kandi Iyo umuntu agize ikibazo cyayo aratubwira tukajya kumuguranira."

Gusa abaturage bahuje icyo kibazo Bose barasaba gufashwa kuko bamaze kujya kuri REG inshuro nyinshi ariko amezi abaye atatu bari mu kizima

Alfred NTAKIRUTIMANA/Umuryango

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Igikuta cy’inzu cyagwiriye umuntu ahasiga ubuzima

Mu ijoro ryacyeye imvura nyinshi yaguye muri aka karere isenya inzu zigera...
23 January 2022 0

Rwamagana: Yatemye umuturanyi we nyuma yo gukeka ko amusambanyiriza...

Umugabo wo mu Murenge wa Gahengeri mu Karere ka Rwamagana, yashatse gutema...
23 January 2022 0

U Rwanda rwaje ku mwanya wa 6 ku isi mu bihugu bitekanye ku bagenzi bagenda...

Ubushakashatsi bwakozwe n’ikigo Bounce (usebounce.com) bwashyize u Rwanda ku...
21 January 2022 0

Uganda: Abagore bahagaritswe kwicarana imbere n’abashoferi b’amakamyo mu...

Abacuruzi b’abagore muri Uganda ntibazongera kwemererwa kwicara hamwe...
21 January 2022 0

Kayonza: Abakobwa 2 bari inshuti bapfuye umusore umwe atera mugenzi we...

Abakobwa babiri bari mu kigero cy’imyaka 28 bo mu Karere ka Kayonza mu...
21 January 2022 0

Musanze: Abagabo babiri batawe muri yombi bakekwaho gutema inka...

Abagabo babiri bo mu Karere ka Musanze, Umurenge wa Kinigi, batawe muri...
20 January 2022 0