skol

Rubavu:Polisi yafashe abakekwaho kwiba akayabo Umutaliyani

Amakuru   Yanditswe na: Dusingizimana Remy 14 March 2022

Polisi ikorera mu Karere ka Rubavu, kuri uyu wa gatandatu tariki ya 12 Werurwe, yafashe abagabo batatu bakekwaho kwiba ibintu bitandukanye, n’amafaranga ibihumbi 350.000 y’u Rwanda by’uwitwa Masimiliano Caldato ukomoka mu gihugu cy’Ubutariyani.

Abafatiwe aho ubu bujura bwakorewe mu Kagali ka Kivumu, Umurenge wa Gisenyi, Akarere ka Rubavu, ni Kadafi Manisure, Justin Nkusi, na Jean Paul Mugabo.

Umuvugizi wa Polisi mu Ntara y’Uburasirazuba Superintendent of Police (SP) Bonaventure Twizere Karekezi, yavuze ko aba bagabo bafashwe biturutse ku makuru yatanzwe n’uwibwe.

Yagize Ari "kuwa Gatandatu Masimiliano yahamagaye Polisi ayibwira ko yibwe ubwo yari mu kabari kitwa El Classic kari mu Murenge wa Nyamyumba, ariko ko hari abantu bari kumuhamagara bamwaka amafaranga ngo bamusubize ibintu bye yibwe."

Akomeza avuga ko mbere babanje kumuhamagara bamwaka amafaranga ibihumbi 200 ngo bamuhe ibyangombwa bye byari byibanwe n’amafaranga ibihumbi 150, yahise ayaboherereza ariko banga kumuzanira ibyo byangombwa, ahubwo bongera kumuhamagara bamwaka andi mafaranga ibihumbi 50, nawe aho kuyabohereza nayo, ahita yitabaza Polisi ngo imufashe.

Abapolisi babwiye Masimiliano ngo yumvikane nabo bantu aho bahurira abahe ayo mafaranga, maze bemeranya ko bahurira mu Kagali ka Mbugangari.

SP Karekezi ati" Abapolisi baherekeje uwibwe kugira ngo bahite bafata abo bantu, ni nako byagenze bahita bisanga bakikijwe n’abapolisi ntaho guhungira".

Yagomeje agira ati" Abapolisi bahise babasaka, babasangana amafaranga y’u Rwanda ibihumbi 113,000 gusa ayandi bayariye dore ko bafashwe bavuye mu kabari."

SP Karekezi yihanangirije abantu bose bafite ingeso yo kwiba ko babireka, ko nta cyiza kibivamo uretse gufatwa ugafungwa gusa. Abagira inama yo gushaka indi mirimo bakora aho kwishora mu byaha.

Abafashwe bashyirikirijwe urwego rw’Igihugu rushinzwe ubugenzacyaha (RIB) ngo bahakorwe iperereza Ku byo bakekwaho.

Itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 166 ivuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Ingingo ya 167 ivuga ko ibihano ku cyaha cyo kwiba byikuba kabiri iyo uwibye yakoresheje guca icyuho, kurira cyangwa yakoresheje igikoresho icyo aricyo cyose gifungura aho utemerewe kwinjira, kwiba byakozwe mu nzu ituwemo cyangwa isanzwe ibamo abantu cyangwa mu nyubako ziyikikije, kwiba byakozwe nijoro, kwiba byakozwe n’abantu barenze umwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Gasabo: Inzego zishinzwe umutekano zarashe abacyekwaho ubujura bari bitwaje...

Inzego zishinzwe umutekano mu Rwanda zarashe abasore bakekwaho ubujura...
17 May 2022 0

Sergeant Robert uherutse gutoroka u Rwanda yafatiwe muri Uganda

Ikinyamakuru Chimpreports cyatangaje ko uwahoze ari umusirikare w’u Rwanda...
16 May 2022 0

Kigali: Abamotari bahishuye impamvu bitwikira ijoro bagahenda...

Abakora umwuga wo gutwara abagenzi kuri moto mu Mujyi wa Kigali, bavuga ko...
13 May 2022 0

U Rwanda na Uganda bateye indi ntambwe ishimangira ubwiyunge

Nyuma y’uruzinduko rw’umukuru w’igihugu cy’u Rwanda Paulo Kagame muri Uganda...
13 May 2022 0

Wa mukobwa waburiwe irengero yenda kuba umubikira yabonetse

Urwego rw’Igihugu rw’Ubugenzacyaha rwatangaje ko umukobwa witeguraga kuba...
12 May 2022 1

Rwamagana:Bafashwe bagerageza guha ruswa umupolisi

Polisi y’u Rwanda, Ishami rishinzwe gutanga ibizamini by’impushya zo gutwara...
12 May 2022 0