skol

U Burundi nabwo bwashyikirije u Rwanda abarwanyi 11 bo muri FLN

Amakuru   Yanditswe na: Dusingizimana Remy 19 October 2021

Kuri uyu wa Kabiri tariki ya 19 Ukwakira 2021, ku mupaka wa Nemba mu Karere ka Bugesera, igihugu cy’u Burundi cyashyikirije u Rwanda abarwanyi 11 bo mu mutwe w’iterabwoba wa FLN.


Aba barwanyi bashyikirijwe u Rwanda nyuma y’uko u Rwanda na rwo rushyikirije u Burundi abarwanyi 19 b’umutwe wa RED Tabara bafatiwe ku mupaka w’u Rwanda.Icyo gikorwa cyabaye kuwa 30 Nyakanga 2021 nabwo ku Mupaka wa Nemba mu Karere ka Bugesera, uhuza u Rwanda n’u Burundi.

Bariya barwanyi 19 b’Umutwe wa RED Tabara urwanya ubutegetsi bw’u Burundi, bafatiwe ku butaka bw’u Rwanda muri Nzeri umwaka ushize wa 2020.

Umuyobozi ushinzwe Ubutasi bwa Gisirikare mu Ngabo z’u Rwanda,Brig Gen Vincent Nyakarundi,icyo gihe yatangaje ko yashimiye EJVM yafashije kugira ngo abo barwanyi bashyikirizwe u Burundi, yizeza ko u Rwanda ruzakomeza gukorana n’abandi mu guharanira umutekano mu Karere k’Ibiyaga Bigari.

Ati “Uyu munsi , guhererekanya abarwanyi 19 b’Abarundi bijyanye n’umuhate w’ubuyobozi bw’u Rwanda mu guharanira amahoro arambye mu karere, umutekano ndetse no guharanira kubana neza n’abaturanyi.”

Umuyobozi ushinzwe Ubutasi mu Ngabo z’u Burundi, Col Ernest Musaba, nawe yavuze ko kuva yagirana ibiganiro na mugenzi we w’u Rwanda umwaka ushize byatanze umusaruro w’ubufatanye mu guharanira umutekano hagati y’ibihugu byombi.

Yakomeje agira ati “Iki gikorwa cyo gushyikiriza u Burundi aba barwanyi b’Abanyabyaha, bije nyuma y’uko natwe hari abanyabyaha twashyikirije u Rwanda. Ibikorwa by’ubufatanye bizakomeza mu gucunga umutekano hagati y’ibihugu byombi.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nta Camera zigenzura umuvuduko, zizongera gushyirwa ku byapa biri munsi ya...

Polisi y’u Rwanda yavuze ko nta Camera zigenzura umuvuduko, zizongera...
3 December 2021 0

Rubavu: Batangiye guterwa n’abajura kubera umuriro umaze amezi 3...

Abaturage bo mu karere ka Rubavu mu murenge wa Nyamyumba bahangayikishijwe...
2 December 2021 0

Ngororero:Yafashwe amaze guca insinga z’amashanyarazi agiye kuzigurisha

Polisi ikorera mu Karere ka Ngororero kuri uyu wa Kabiri tariki ya 30...
2 December 2021 0

Nyagatare: Inkuba yakubise inka 12 n’intama 2 z’umuturage birapfa

Kuri uyu wa Kabiri,tariki ya 30 Ugushyingo 2021,mu masaha ya mbere ya saa...
30 November 2021 0

Kicukiro: Imodoka yari itwaye abanyeshuri yafashwe n’inkongi y’umuriro

Imodoka yari itwaye abanyeshuri yafashwe n’inkongi y’umuriro ubwo yari mu...
30 November 2021 0

Rubavu: Akarere kiyemeje guhangana n’abiyise abuzukuru ba shitani bazwiho...

Abasore n’abana bazwi ku izina ry’abuzukuru ba shitani bamaze imyaka myinshi...
29 November 2021 0