skol

U Rwanda rwaje ku mwanya wa 6 ku isi mu bihugu bitekanye ku bagenzi bagenda bonyine

Amakuru   Yanditswe na: Dusingizimana Remy 21 January 2022

Ubushakashatsi bwakozwe n’ikigo Bounce (usebounce.com) bwashyize u Rwanda ku mwanya wa gatandatu mu bihugu bitekanye ku Isi by’umwihariko ku bagenzi bagenda ari bonyine (solo travellers).

U Rwanda rukaba ari na cyo gihugu cyonyine muri Afurika kigaragara ku rutonde rw’ibihugu 10 bya mbere ku isi.

Icyo kigo cyakoze ubwo bushakashatsi mu mwaka ushize, gitangaza ko cyagendeye ku ngingo ebyiri gishyira ibibhugu ku rutonde, ari zo ikigereranyo cy’ibyaha n’ikigereranyo cy’umutekano, cyane ko ku muntu wese ugiye gufata urugendo rwo mu mahanga ari wenyine ibyo abanza kwibazaho cyane ari umutekano usesuye w’igihugu agiye gusura.

Urwo rutonde rugaragaraho ibihugu byinshi byo ku mugabane w’u Burayi, mu gihe u Rwanda n’u Buyapani ari byo bihugu byo ku mugabane w’Afurika n’uw’Asia biri mu bihugu 10 bya mbere.

U Busuwisi (Switzerland) ni bwo buza ku mwanya wa mbere aho bufite amanota 21.7 mu kigereranyo cy’ibyaha, n’amanota 78.3 ku kigereranyo cy’umutekano.

Bukurikiwe na Slovenia ifite amanota 22.3 mu kigereranyi cy’ibyaha na 77.7 ku kigereanyo cy’umutekano.

U Buyapani ni bwo buza ku mwanya wa 3 bukaba n’ubwa mbere muri Asia, aho bufite amanota 22.4 mu kigereranyo cy’ibyaha na 77.7 mu kigereranyo cy’umutekano.

Georgia, Iceland, u Rwanda, Croatia, Czech Republic, Austria na Denmark ni byo bihugu byuzuriza urutonde rw’ibihugu 10 bihiga ibindi ku Isi mu mutekano w’abatembera uw’umwe.

U Rwanda rwashyize imbaraga nyinshi mu guharanira ko umutekano w’abari mu gihugu n’umutungo wabo uba ntamakemwa, izo mbaraga zikaba zigaragarira mu kubaka inzego z’umutekano zihamye kandi zikorana ku rwego rwo hejuru.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyagatare: Yafashwe yarahimbye uruhushya rwo gutwara ibinyabiziga...

Kuri uyu wa Kane tariki ya 19 Gicurasi Polisi y’u Rwanda Ishami rishinzwe...
21 May 2022 0

Umusirikare wafashwe asambanya umwana w’imyaka 15 yahawe igifungo...

Urukiko rwa Gisirikare rukorera i Kigali, rwakatiye Umusirikare wo ku rwego...
20 May 2022 0

"Abana 13,646 basambanyijwe mu myaka 3 ishize"-RIB

Urwego rw’Igihugu rw’Ubugenzacyaha (RIB), kuva mu mwaka wa 2019-2021,rwatangaj ko
19 May 2022 0

Nyanza: Umugabo yitemeye umwana n’umugore we abaziza imitungo

Umugabo wo mu Murenge wa Kigoma mu Karere ka Nyanza akurikiranyweho gutema...
17 May 2022 0

Gasabo: Inzego zishinzwe umutekano zarashe abacyekwaho ubujura bari bitwaje...

Inzego zishinzwe umutekano mu Rwanda zarashe abasore bakekwaho ubujura...
17 May 2022 1

Sergeant Robert uherutse gutoroka u Rwanda yafatiwe muri Uganda

Ikinyamakuru Chimpreports cyatangaje ko uwahoze ari umusirikare w’u Rwanda...
16 May 2022 0