skol

Yatawe muri yombi agerageza guha ruswa abapolisi bakoreshaga ibizamini byo gutwara imodoka

Amakuru   Yanditswe na: Dusingizimana Remy 19 March 2022

Polisi y’u Rwanda, ishami rishinzwe ibizamini no gutanga impushya zo gutwara ibinyabiziga, ku wa Gatanu tariki ya 18 Werurwe2022, yafashe uwitwa Nzabonimpa Athanase w’imyaka 35, agerageza kubaha mu ntoki amafaranga ibihumbi 50 avuga ko andi ibihumbi 150 ayabaha kuri telefone, bakamuha uruhushya rwo gutwara imodoka icyiciro cya C.

Byabereye ahakoresherezwaga ibizamini mu Kagari ka Gahogo, Umurenge wa Nyamabuye mu Karere ka Muhanga, nk’uko byatangajwe ku rubuga rwa Internet rwa Polisi y’u Rwanda.

Umuvugizi wa Polisi mu Ntara y’Amajyepfo, SP Theobard Kanamugire, yavuze ko uwo Nzabonimpa yafashwe ubwo yari amaze gutsindwa ikizamini cyo kuzenguruka.

Yagize ati “Uyu Nzabonimpa yinjiye mu modoka ari kumwe n’abapolisi babiri bagombaga kumukoresha ikizamini cyo gutwara imodoka icyiciro cya C. Ubwo yari amaze gutsindwa ikizamini cyo kuzenguruka (Circulation) yabwiye abapolisi ko n’ubwo atsinzwe ariko afite amafaranga ibihumbi 200 akaba yaba abahaye ibihumbi 50 ayandi akaza kuyabaha kuri telefone, nibwo yakoraga mu mufuka abahereza ibihumbi 50 bahita bamushyiraho amapingu”.

SP Kanamugire yagiriye inama abantu bose bashaka kubona impushya zo gutwara ibinyabiziga kwirinda gutanga ruswa.

Yagize ati “Kubona uruhushya rwo gutwara ibinyabiziga ni uburenganzira bw’umuntu wese wujuje ibisabwa, kandi birashoboka ariko hari inzira binyuramo zirimo kuba wize neza, ukiyandikisha usaba gukora, no kujya mu kizamini ugakora kandi ugatsinda. Iyo rero utsinzwe ukajya gutanga ruswa uba wishyize mu byago birimo n’igifungo kandi cy’igihe kirekire.

Yasoje abwira abantu bose baha ruswa abapolisi ngo babahe serivisi ko bakwiye kubireka, kuko Polisi itagurisha serivisi ahubwo iyiha uyikwiriye nta kiguzi, anabibutsa ko ruswa itihanganirwa muri Polisi y’u Rwanda, haba ku mupolisi uyisaba kimwe no ku muturage ushaka kuyiha umupolisi.

Nzabonimpa yashyikirijwe urwego rw’ubugenzacyaha (RIB) rukorera kuri sitasiyo ya Polisi ya Nyamabuye ngo akurikiranwe n’amategeko.

Itegeko no 54/2018 ryo ku wa 13/08/2018 rirwanya ruswa ingingo yaryo ya 4 ivugako umuntu wese usaba, utanga cyangwa wakira mu buryo ubwo aribwo bwose, indonke iyo ariyo yose aba akoze icyaha.

Iyo abihamijwe n’urukiko, ahanishwa igifungo kuva ku myaka itanu (5) ariko kitarenze imyaka irindwi (7) n’izahabu y’Amafaranga y’u Rwanda yikubye inshuro kuva kuri eshatu (3) kugeza kuri eshanu (5) z’agaciro k’indonke yatse cyangwa yakiriye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umujyi wa Kigali ugiye gushora miliyoni 600 FRW mu kwagura Imbuga City...

Umujyi wa Kigali watangaje ko uzashora miliyoni 600 z’amafaranga y’u Rwanda...
2 July 2022 0

Rubavu: Umumotari yahaye Umupolisi ruswa ya 6000 FRW atabwa muri...

Rubavu: Polisi y’u Rwanda, kuri uyu wa Kabiri Tariki ya 28 Kamema yafashe...
30 June 2022 0

RDC: Umusirikare wa FARDC yaciye ibintu nyuma yo gutsindwa na M23...

Umwe mu basirikare bivugwa ko ari mu itsinda rishinzwe kurinda umukuru...
29 June 2022 1

Gatsibo: Yatawe muri yombi azira kwiyita umukozi wa REG akambura...

Polisi y’u Rwanda mu karere ka Gatsibo yafaahe uwitwa Nkotanyi David...
27 June 2022 0

"Uyu munsi turi gihugu cyahindutse mu mutima, mu bitekerezo no ku...

Ubwo yatangizaga ku mugaragaro inama y’abakuru b’ibihugu bigize umuryango wa...
24 June 2022 0

Abagize inama nyobozi yaguye mu Umuryango PAM bahagurukiye kwigisha...

Umuryango uharanira ubwigenge n’iterambere ry’afurika ishami ry’u Rwanda PAM...
20 June 2022 0