Urutonde rw’imirimo igera ku icumi itera abayikora guhora banezerewe. Ibi byagezweho nyuma y’ubushakashatsi bwakozwe n’ikigo cy’ubushakashatsi cya kaminuza ya Chicago muri Leta Zunze ubumwe z’Amerika.
10) Abanjeniyeri ku mashansiye : Aba bakoresha imashini z’ubwoko butandukanye mbese nk’abana bato baba bakinisha ibikinisho, ibi bigatuma batajya binubira uyu murimo wabo.
9) Abakora mu bijyanye n’imari no kugurisha serivisi:Nkuko bitangazwa na Forbes,mu gihe bamara masaha y’akazi batanga amafaranga (...)

Sponsored Ad

Urutonde rw’imirimo igera ku icumi itera abayikora guhora banezerewe. Ibi byagezweho nyuma y’ubushakashatsi bwakozwe n’ikigo cy’ubushakashatsi cya kaminuza ya Chicago muri Leta Zunze ubumwe z’Amerika.

10) Abanjeniyeri ku mashansiye : Aba bakoresha imashini z’ubwoko butandukanye mbese nk’abana bato baba bakinisha ibikinisho, ibi bigatuma batajya binubira uyu murimo wabo.

9) Abakora mu bijyanye n’imari no kugurisha serivisi:Nkuko bitangazwa na Forbes,mu gihe bamara masaha y’akazi batanga amafaranga y’inguzanyo cyangwa kugura ibintu bitandukanye byo mu kazi,aba bantu ni nabo bahembwa amafaranga menshi mu gihe ibi byose babikoze bicaye mu ntebe zabo.

8) Abakurikirana ubuzima bwo mu mutwe :Aba baba bashinzwe kumva no gusesengura ibibazo by’abantu bahura nabyo mubuzima bwa buri munsi nibyo bibatera kumva bishimiye umurimo wabo. Forbes cyemezako abapsychologues batabasha gukemura ibibazo by’abandi ariko bo bashobora gusubiza ibibazo byabo.

7) Abasiga amarangi n’abakora ibishushanyo babibaza cyangwa se babibumbye : Aba banyabukorikori nabo batangaza ko banezezwa n’uyu murimo wo guhanga by’umwuga.

6 na 5) Abarimu n’abarezi : umunezero uva mu gutanga ubumenyi ndetse no gufasha urubyiruko mu kwinjvana mu bibazo ni umuhamagaro ushimisha abakora aka kazi, ni kenshi uzasanga abafite uyu muhamagaro nta kandi kazi wamuha ngo akemere bitewe n’uburyo kamunuzeza.

4) Abanditsi : Abanditsi nabo banezezwa n’umurimo wabo, kuko bibafasha gushyira hanze akabari ku mutima ndetse bakanavugira bamwe batagira kivugira, ibi bikabatera kunezezwa n’uyu murimo.

3) Abashinzwe kugira inama abagize ihungabana : Gufasha uwahungabanye, gufasha umuntu kugarura icyizere mu gihe yagitaye cyangwa yihebye bitera kumva unezewe dore ko burya iyo witariye icyizere cyangwa wihebye ntakindi ubushigaje uretse kuva ku isi, niyo mpamvu hariho abiyahura. Kugarurira umuntu icyizere ni nko kumuzura, ibi bigatera kwishima ubikora.

2) Abashinzwe kuzimya umuriro : Ubushakashatsi bwerekanye ko 80% by ‘abashinzwe kuzimya umuriro mu gihe habaye impanuka iyo ariyo yose bavuga ko bishimiye uyu murimo wabo kuko babasha gutabara no gukura abantu mukaga, ibi bikabatera kunezezwa n’umurimo wabo.

1)Abihayimana : Urukundo rw’Imana niyo soko y’ibyishimo n’umunezero udashira. Ukwemera kwabo, gufasha no kwigisha ijambo ry’Imana nibyo bituma bahora mu buzima bw’umunezero.

Tubabwire ko Forbes yatangaje urundi rutonde rw’imirimo idatera kunezerwa abayikora. Imyinshi muriyo ni imirimo ikorerwa mu biro kandi rwose itanga umushahara ushimishije pe !
Nyamara imwe mu mirimo itera abayikora kuyishimira ntabwo ari imirimo itanga imishahara ishimishije cyane : kuba mwarimu, kwiha Imana, gukoresha imashini ku ishansiye, gusiga irangi, kubumba no kubaza amashusho,…uwavuze ngo "l’argent ne fait pas le bonheur" bishatse kuvuga mu kinyarwanda ko amafaranga atariyo atanga umunezero,wagirango yari yabanje gusoma uru rutonde.