Umukobwa witwa Umutoni Belise yari mu bakobwa 35 bahataniraga kujya mu cyiciro cy’abakobwa 20 bitabiriye ‘Boot Camp’ bizakurangira impanga ye Uwonkunda Belinda ariwe ubashishije gutambuka.
Belise yasubiye iwabo mu buzima busanzwe ariko impanga ye itangira umwiherero ku wa 09 Gashyantare,2018 cyo kimwe n’abandi bakobwa.Uyu Belinda uri muri Boot Camp I Nyamata byashoboka ko nawe yakumbuye impanga ye ariko bitewe n’uko atabasha ku muhagamara cyangwa ngo avemo ajye kumureba arihangana nyamara (…)

Umukobwa witwa Umutoni Belise yari mu bakobwa 35 bahataniraga kujya mu cyiciro cy’abakobwa 20 bitabiriye ‘Boot Camp’ bizakurangira impanga ye Uwonkunda Belinda ariwe ubashishije gutambuka.

Belise yasubiye iwabo mu buzima busanzwe ariko impanga ye itangira umwiherero ku wa 09 Gashyantare,2018 cyo kimwe n’abandi bakobwa.Uyu Belinda uri muri Boot Camp I Nyamata byashoboka ko nawe yakumbuye impanga ye ariko bitewe n’uko atabasha ku muhagamara cyangwa ngo avemo ajye kumureba arihangana nyamara uwo basa, Belise we yananiwe kwihangana ajya kumusura I Nyamata mu karere ka Bugesera aho azava ku wa 24 Gashyantare,2018.

Urugendo rwo mu irushanwa rya Nyampinga w’u Rwanda,Uwonkunda yarutangiye ari kumwe n’impanga ye Umutoni Belise batorerwa guserukira Umujyi wa Kigali.

Bahoberanye biratinda

Nyuma y’iminsi itanu abakobwa bari muri Boot Camp nibwo Umutoni Belise kubera urukumbuzi yavuye i Kigali ajya gusura impanga ye.

Binjiranye mu irushanwa umunsi umwe ndetse bagiye gutombora nomero bazatorerwaho umwe yatoye 2 undi atora 3.Byari agahinda gakomeye ubwo Uwonkunda Belinda yemererwaga guhatanira ikamba impanga ye Umutoni Belise agasigara.

Akihagera Belise yahuje amaso na Uwonkunda maze imbamutima zirazamuka barahoberana ari nako basuka amarira y’ibyishimo.