Umunyamakuru, umushyushyarugamba, DJ Anita Pendo yavuze ko umuhanzikazi Butera Knowles ari umuntu wicasha bugufi akaba n’inshuti y’akadasohoka kuva mu bwana bwe.
Mu butumwa yacishije ku rukuta rwe rwa Instagram, Anita yavuze ko Knowles ari umukobwa utekereza mbere y’uko akora, ngo akora uko ashoboye kugeza icyo yifuje akigezeho mbese ngo kuri we ikirere niryo herezo.
Anita yanditse ati “Ikirere niryo herezo komeza utere imbere mukobwa mwiza....Imana yarabikoze…Ni umuntu wicisha bugifi akaba (...)

Sponsored Ad

Umunyamakuru, umushyushyarugamba, DJ Anita Pendo yavuze ko umuhanzikazi Butera Knowles ari umuntu wicasha bugufi akaba n’inshuti y’akadasohoka kuva mu bwana bwe.

Mu butumwa yacishije ku rukuta rwe rwa Instagram, Anita yavuze ko Knowles ari umukobwa utekereza mbere y’uko akora, ngo akora uko ashoboye kugeza icyo yifuje akigezeho mbese ngo kuri we ikirere niryo herezo.

Anita yanditse ati “Ikirere niryo herezo komeza utere imbere mukobwa mwiza....Imana yarabikoze…Ni umuntu wicisha bugifi akaba inshuti magara yanjye, ariyoroshya…Abanza gutekereza mbere y’uko akora, igihe kirekire nshuti.”

Anita witegura kwibaruka muri nzeri uyu mwaka yanavuze ko Knowless ari umuntu ushakisha cyane kugeza ageze kucyo yifuza. Ati “Arahibibikna[Arashakisha] akaba umwamikazi wihagije, twiteje imbere [Anita na Knowless] agira ibitekerezo bidasanzwe atandukanye kure n’ikinyoma…Mvuge iki ndeke iki.”

Nyuma yo kwandika ubu butumwa, Knowless yahise amwandikira amushimira uburyo akomeje kumuzirikana. Butera ati “Awwwwwww! Urukundo rwanuye kuva ku munsi wa mbere.Pendo urabizi ko nkunda…Komeza utere imbere…Ikirere ntabwo kikiri iherezo kuri twe.”

Knowless yamaze kurushinga na Ishimwe Clement banafitanye umwana umwe

Mu minsi ishize nabwo Anita Pendo yanditse agaragaza Knowless nk’umuntu wamuhinduriye ubuzima, anaboneraho gutangaza ko nta muntu uzi Knowless kumurusha. Ati “ Murumuna wanjye, uwo tuvugana byose, uwo umubano wacu uturi mu maraso, umugore ukomeye kurusha abandi bose nabonye, ushobora kumbwira ko ntameze neza nubwo nabamubeshye ko nta kibazo mfite, uwo dushobora kuvugana ijoro n’amanywa tutarambirwa, umugore ukora cyane mu bariho bose, untera ingabo mu bitugu nubwo naba mfite ikibazo kinkomereye cyane, mwiza, uca bugufi, ushimishije kandi w’umunyabwenge (mama Or)”

Anita we aritegura kwibaruka imfura muri Nzeri 2017 y’umukunzi we Ndanda Alphonse

Aba bombi babaye inshuti cyane bigaragarira rubanda dore ko banabanaga mu nzu ndetse banafite abakunzi baririmba mu itsinda rimwe rya Urban Boys, aho Knowless yakundanagana Safi naho Pendo akundana na Nizzo bityo ikigare cyabo kikagaragarira rubanda nyamwinshi.