Igitego rukumbi cyatsinzwe na Sibomana Patrick mu gice cya mbere cy’umukino, cyafashije ikipe ya APR FC gutsinda Kiyovu SC igitego 1-0 mu mukino w’umunsi wa 9 wa shampiyona, banganya amanota na Rayon Sports ya mbere.
Sibomana Patrick yatsinze iki gitego ku munota wa 34 w’umukino, bifasha APR FC gushimangira imyaka 11 idatsindwa n’ikipe ya Kiyovu SC muri shampiyona.
APR FC yasoje ari abakinnyi 10 mu kibuga nyuma y’ikarita itukura yahawe Yannick Mukunzi ku ikosa yakoreye kuri Djuma Nizeyimana mu (...)

Sponsored Ad

Igitego rukumbi cyatsinzwe na Sibomana Patrick mu gice cya mbere cy’umukino, cyafashije ikipe ya APR FC gutsinda Kiyovu SC igitego 1-0 mu mukino w’umunsi wa 9 wa shampiyona, banganya amanota na Rayon Sports ya mbere.

Sibomana Patrick yatsinze iki gitego ku munota wa 34 w’umukino, bifasha APR FC gushimangira imyaka 11 idatsindwa n’ikipe ya Kiyovu SC muri shampiyona.

APR FC yasoje ari abakinnyi 10 mu kibuga nyuma y’ikarita itukura yahawe Yannick Mukunzi ku ikosa yakoreye kuri Djuma Nizeyimana mu minota y’inyongera, ikaba igize amanota 23 ku mwanya wa kabiri. Aya, irayanganya na Rayon Sports ya mbere, ariko bagatandukanywa n’ibitego 15 n’9 bazigamye.

Mu yindi mikino yabaye kuri iki Cyumweru, Musanze FC ifashijwe na Peter Otema, yatsinze Marines 1-0 mu gihe Sunrise FC yanganyije n’Amagaju FC 0-0.

Kiyovu SC : Hakizimana Bonheur, Mukamba , Ngirimasna Alex, Niyitegeka Idrissa, Ahoyikuye Jean Paul, Mutyimana Djuma, Mustafa François, Nizeyima Jean Claude, Bigirimana Blaise, na Iracyadukunda Eric.

APR FC: Ntaribi Steven, Usengimana Faustin, Rugwiro Herve, Rusheshangoga Michel, Imanishimwe Emmanuel, Yannick Mukunzi, Djihad Bizimana, Buteera Andrew, Sibomana Patrick, Issa Bigirima, na Nshuti Innocent.
Umunsi wa 9 wa shampiyona

Kuwa Gatanu

Mukura VS 1-1 Rayon Sports

Kuwa Gatandatu

AS Kigali 4-2 Kirehe Fc
Espoir Fc 3-0 Pepiniere FC
Police Fc 2-0 Etincelles
Gicumbi Fc 1-2 Bugesera Fc

Ku Cyumweru

SC Kiyovu 0-1 APR Fc
Musanze Fc 1-0 Marines Fc
Sunrise Fc 0-0 Amagaju Fc