skol

Bruce Melody, Eric Senderi, na Jules Sentore ntabwo bemerewe kwitabira PGGSS ya 2017

Imyidagaduro   Yanditswe na: 7 March 2017

East African Promoters (EAP) bategura irushanwa rya rya Primus Guma Guma Super Star bagaragaje ingingo zizagenderwaho hatoranywa abazitabira irya 2017. Hagendewe kuri izo ngingo abahanzi barimo Eric Senderi, Bruce Melody na Jules Sentore ni bamwe mu batemerewe kuryitabira.

Nk’ uko bimaze kumenyerwa abanyamakuru nibo batora abahanzi bazitabira iryo rushanwa. Mu ngingo bazagenderaho batora harimo ko abahanzi bemerewe kuryitabira bagomba kuba bafite imyaka itari munsi ya 18 itari no hejuru ya 35.

Ibyo bivuze ko umuhanzi Eric Senderi International Hit atemerewe kuryitabira kuko yavutse mu 1977 akaba afite imyaka 40 y’ amavuko.

Indi ngingo ivuga ko umuhanzi witabiriye iryo rushanwa inshuro zirenze imwe atemerewe kongera kuryitabira. Bisobanuye ko Bruce Melody na Jules Sentore batemere kuryitabira.

Harimo kandi n’abegukanye umwanya wa mbere mu marushanwa yabanje ari bo Tom Close (mu 2011), King James (mu 2012), Riderman (mu 2013), Jay Polly (mu 2014), Butera Knowless (mu 2015) na Urban Boyz (mu 2016).

Umuhanzi ugomba kwitabira iri rushanwa kandi agomba kuba ari umunyarwanda, yarasohoye indirimbo z’amajwi nibura eshatu (3) hagati y’imyaka ya 2015 na 2017.

Uyu muhanzi agomba kuba yarasohoye kandi indirimbo nibura ebyiri z’amashusho, hagati y’iyo myaka, imwe muri zo ikaba yarashyizwe ku rubuga rwa Youtube.

Babiri mu bahanzi bazatorwa mu 10 bagomba kuba ari abakobwa.

Buri gitangazamakuru cyasabwe gutora abahanzi 25 bari mu byiciro 5 ari byo; HIP HOP (male), RNB (male), AFROBEAT (male), GROUP(male) na FEMALE (solo/group).

Gutangaza abahanzi 10 batowe muri iri rushanwa bizakorwa kuri uyu wa Gatatu tariki 8 Werurwe 2017, ku cyicaro cya Bralirwa ishami rishinzwe ibucuruzi, ku Kicukiro saa munani z’amanywa (2:00PM).

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amakuru mashya:Imyanzuro y’urukiko yemeje ko Miss Elsa arekurwa

Urukiko rw’ibanze rwa Kicukiro rwemeje ko Iradukunda Elsa wabaye Miss Rwanda...
25 May 2022 0

Umuhanzikazi Annet Murava yambitswe impeta n’umukunzi we bitegura...

Umuhanzikazi mu ndirimbo zo kuramya no guhimbaza Imana wamenyekanye nka...
25 May 2022 0

Urutonde rw’abahanzi bakanyujijeho mu bihe byashize ubu bakaba baraburiwe...

Urutonde rw’abahanzi bakanyujijeho mu ruhando rwa Muzika Nyarwanda...
25 May 2022 0

Ku musore niba wifuza urukundo rufatika menya ingeso ukwiye...

Abantu benshi bakunze kujya mu rukundo ariko ugasanga ntirumara kabiri...
24 May 2022 0

Menya Impamvu ikomeye yatumye urubanza rwa Miss Elsa rushyirwa mu...

Mu gitondo cyo kuri uyu wa Kabiri tariki ya 24 Gicurasi nibwo Ahagana saa...
24 May 2022 1

Knneth Gasana ukinira Patriots BBC yahawe ubwenegihugu bw’u Rwanda...

Wilson Kenneth Gasana ukinira ikipe y’Igihugu ya Basketball na REG BBC...
24 May 2022 0