skol
Fortebet

Canada:The Ben yatunguwe ku rubyiniro n’inkumi bakoranye mu mashusho y’indirimbo ‘Habibi’-AMAFOTO

Imyidagaduro   Yanditswe na: Iyamuremye Janvier 10 July 2017

The Ben yasazwe n’ibyishimo ubwo yatungurwa n’umukobwa yakoresheje mu mashusho y’indirimbo ‘Habibi’ yaherukaga mu ifatwa ryaryo mashusho, ngo uyu mukobwa yatumiwe n’abari bateguye iki gitaramo.

Ni igitaramo cyahurije hamwe abantu bagera ku 1200, ubusanzwe Salle bakoreyemo yakiria abantu 1000 ariko ubwinshi bw’abantu bwatumbagiye bugera ku 1200. The Ben yabwiye Isango Star ko yatunguwe n’uburyo abantu bamwakiriye anashima bikomeye ‘Diaspora’yagize uruhare rukomeye kugirango iki gitaramo cyigende neza.

Umukobwa yageze ku rubyiniro abonye The Ben aratungurwa abora uko yifata

Yagize ati :”Nishimira ko muzika Nyarwanda igeze kurundi rwego, abantu bishimye mbese twataramye biratinda..Ndashima cyane Diaspora yateguye iki gitaramo.”

Umunyamakuru yamubajije ku amashusho yari amaze gushyira ku rukuta rwe rwa Instagram, aho agaragara abyinana n’umukobwa.The Ben aseka cyane yavuze ko yagize ibihe byiza muri Canada, ngo yageze ku ndirimbo ‘Habibi’ abateguye ibirori bamubwira ko muri Canada bahinduye uburyo iririmbwamo.

Aho yagize ati :”Nakomeje gukora indirimbo zanjye zitandukanye, ngeze ku ndirimbo ‘Habibi’ umwe mu bateguye igitaramo yaje ku rubyiniro anyaka indangururamajwi ambwira ko muri Canada bahinduye uburyo ‘Habibi’ bayiririmba.”

Yungamo ati :”Nagiye kubona mbona ‘ Lissette’ twakoranye mu mashusho ya ‘Habibi’ aje ansanga byandenze mbura uko nifata.”

Ngo uyu mukobwa abateguye igitaramo baramushakishe bamuha ubutumire bw’uko azaza muri iki gitaramo.The Ben avuga ko atigeze amenya ayo makuru ngo yaherukaga uyu mukobwa ubwo bakoranga iyi ndirimbo.

Nk’uko amashusho abigaragaza The Ben yashyize ku rukuta rwe rwa Instagrm mu ijoro ryo kuri iki cyumweru dusoje yabonwe n’umunyamakuru wa Umuryango.rw, agaragaza iyi nkumi yambaye ikanzu y’umweru n’inkweto ndende.

Yasanze The Ben ku rubyiniro wari wambaye ipantalo y’Ijinisi n’umupira umufashe cyane.The Ben yahise atangira kuririmba ‘Habibi’, ati :”Habibi Come Close’maze uyu mukobwa wari wasazwe n’ibyishimo atangira kubyinana nawe barahoberana biratinda.

Iyi ndirimbo ‘Habibi’yagiye hanze kuwa 21 Ugushyingo 2016, mu minsi icyenda yari imaze kuri YouTube yarebwa inshuro zisaga ibihumbi magana abiri. Habibi ni imwe mu ndirimbo zishimiwe ku rwego rukomeye zikijya hanze, ndetse mu bitekerezo bigaragaza ibyishimo no kunyurwa kw’abakunda umuziki wa The Ben.

Lissette DeJesus wakoranye na The Ben ni umu- métisse ufite inkomoko muri Colombia[ahitwa Caucasia] no muri Puerto Rico ubu akaba atuye mu Mujyi wa New York.

Ni umunyamideli wigenga, ni umunyabugeni w’umushushanyi unayobora abahanzi b’ubugeni mu ngeri zinyuranye[creative director].

Lissette yasubiye inyuma, yumva bashyizemo ’Habibi’ agaruka abyina
...Bahoberanye biratinda


The Ben yishimiwe bidasanzwe



Author : Iyamuremye Janvier

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    The ben my role model

    March 2018
  • chat_bubble emmy real tuyishime

    Turamwera twese

    July 2017
  • chat_bubble emmy real tuyishime

    Turamwera twese

    July 2017
  • chat_bubble emmy real tuyishime

    Turamwera twese

    July 2017
  • chat_bubble lengi

    uyu mukobwa uwo yakubita ivi ni hatari

    July 2017
  • chat_bubble Bosco

    Birashimishije turamwera erega nuwacu

    July 2017

Inzindi nkuru

Ally Soudy yasabye ko hakubakwa ahantu hihariye hazajya habikwa amateka...

Umunyamakuru Ally Soudy yasabye ko hashyirwaho urukuta cyangwa ahantu...
18 August 2022 0

Bruce warebereraga inyungu za Yvan Buravan ahishuye ijambo rya nyuma...

Bruce Intore warebereraga inyungu z’umuhanzi Yvan Buravan witabye Imana...
18 August 2022 0

Ariel Wayz yibutse anaha icyubahiro Yvan Buravan yifashishije indirimbo ye...

UmuhanzikaziAriel Wayz uri mu baagezweho hano mu Rwanda yabimburiye abandi...
18 August 2022 0

Guverineri w’Intara y’Amajyepfo yahishuye byinshi k’ubuzima bwe,avuga ko yari...

Guverineri w’Amajyepfo, Alice Kayitesi yahishuye byinshi byihariye k’ubuzima...
18 August 2022 0

AMAFOTO:Hamissa Mobetto wabyaranye na Diamond yageze i Kigali kuri Diamond...

Umunyamideli ufite izina rikomeye muri Tanzania akaba numwe mu bagore...
18 August 2022 0

Dore ibintu bishobora kugufasha gukomeza kwizerwa n’umukunzi...

Dore bimwe mu bintu bishobora kugufasha gukomeza kwizerwa n’umukunzi wawe...
17 August 2022 1