Ku nshuro ya 40 igikorwa cya ’Miss Nigeria’ gitegurwa, umukobwa witwa Chioma Anambra, yambitswe ikamba ry’uhiga abandi uburanga mu birori byabaye mu ijoro ryakeye rya tariki ya 19 Ukuboza 2016.
Mu nyubako ya Eko Convention Centre, inafite Eko Hotel & Suits, kunyengero za Victoria Island mu mujyi wa Lagos niho ibi birori byabereye byo guhitamo Nyampinga uhiga abandi mu buranga no mu bwenge nk’uko insanganyamatsiko y’iri rushanwa yabivugaga. Nyuma yo gutorwa uyu mukobwa yahawe imodoka (...)

Sponsored Ad

Ku nshuro ya 40 igikorwa cya ’Miss Nigeria’ gitegurwa, umukobwa witwa Chioma Anambra, yambitswe ikamba ry’uhiga abandi uburanga mu birori byabaye mu ijoro ryakeye rya tariki ya 19 Ukuboza 2016.

Mu nyubako ya Eko Convention Centre, inafite Eko Hotel & Suits, kunyengero za Victoria Island mu mujyi wa Lagos niho ibi birori byabereye byo guhitamo Nyampinga uhiga abandi mu buranga no mu bwenge nk’uko insanganyamatsiko y’iri rushanwa yabivugaga.

Miss Chioma wambitswe ikamba

Nyuma yo gutorwa uyu mukobwa yahawe imodoka nshya yazanywe na Studio 24 ndetse yemererwa na bimwe mu byo iyo modoka izajya ikenera birimo Essence ndetse n’umukozi wo kuyitaho. Yemerewe kandi gukora urugendoshuri mu gihugu cy’u Bufaransa, azava muri Nigeria atwawe n’indege y’u Bufaransa, Air France.

Miss Ebonyi wabaye igisonga cya Mbere

Miss Chioma yagaragiwe n’ibisonga bibiri. Miss Ebonyi yabaye igisonga cya mbere, Miss Kwara aba igisonga cya kabiri. Ni irushanwa ryari rihurije hamwe abakobwa bagera ku 38 bahagarariye zimwe mu ntara 36 zo muri Nigeria harimo nka FCT na Abuja.

Aba ni bamwe muri 38 bahataniraga kwambikwa ikamba

Miss Kwara wabaye igisonga cya kabiri

Mu kwemeza umukobwa uba Nyampinga wa Nigeria, habanje gutonywa abakobwa 10 ari nabo bavuyemo Nyampinga wa Nigeria 2016 ndetse n’ibisonga bye. Uko ari 38 bagiye batoranywa bahurijwe mu duce dutadukanye twa Nigeria nka Abuja, Port Harcourt, Enugu ndetse no mujyi wa Lagos.

Abo ni bamwe mu bakemurampaka bifashishijwe

Kuva irushanwa ryatangira hakoreshejwe abakemurampaka bagera kuri 17 ari nabo baje kwemeza umukobwa wahize abandi. Rita Dominic, Ibinabo Fiberesima, Kunle Afolayan, Debola Williams, Mai Atafo and Chioma Ude, Betty Irabor, Yemi Keri, Ezinne Akudo, Binta Sukai, Lanre da Silva, Muktar Daniyan, Biola Afolabi, Adejumoke Adenowo, Funke Egbemode, Adaobi Nwakuche, Dupe Olusola nibo bari abakemurampaka.