Umuhanzikazi Clarisse karasira yasohoye amashusho y’indirimbo yakoranye n’umutware we Dejoie Sylvain , baherutse gukora ubukwe , iyo ndirimbo ifite imizi kunkuru y’urukundo rwabo rumaze imyaka 3 ari uburyohe.

Ku munsi w’ejo tariki ya 11 Gicurasi nibwo Clarisse yanditse ku mbuga nkoranyambaga ze ateguza abakunzi b’umuziki we indirimbo yakoranye n’umugabo we.

Yagize ati” Mbabwire agakuru🤩📢: Mu minsi ishize nari muri studio ntegura indirimbo nshya yo gutungura umutware wanjye ku munsi w’ubukwe bwacu, atugwa gitumo na producer #Clement the Guitarist ibyari kuba surprise aba arabivangavanze. Yegera micro, nti "ririmba ho numve uko ijwi ryawe ubundi rimera🤩 Rutayihaana, abaganizi baganira, ati ndi Ingeruzabaganizi nawe cyono nguhige!
Si bwo yikirije ibitero arabyigabiza, indirimbo arayimanuka ihinduka iy’amateka, producer arayirahira,tuyiha umugisha ngo niyogera amajuru menshi,ikogoga ikirere cya Kamonyi bazajye bibuka urwo rukundo muri iyo ndirimbo nshya yitwa #Ndagukunda

Ngaho yemwe,mbateguje iyo ndirimbo y’ikinyagihumbi, muzumvamo ijwi rya Rudasumbwa,Umutware w’Umuryango n’umukobwa w’Imana n’igihugu.

Murarike imisozi yombi, aba kure mubatumeho utwana turi amaguru muti " Mube hafi,kwa Rudasumbwa w’u Rwanda hahora impundu, hagiye kuvugira ikoobe!"

Clarisse kandi avuga ko yifashije ijambo ryo muri Bibilya usanga mu rwandiko rwa 1 Abakorinto 13:4-8” avuga ko urukundo rwihanagana kandi rugira neza, urukundo ntirwirarira ,ntirwihimbaza , ntirukora ibiteye isoni, ntirushaka ibyarwo, ntiruhutiraho, ntirutekereza iki ku bantu , ntirwishimira gukoranirwa kw’abandi ahubwo rwishimira ukuri , rubabarira byose , rwizera byose, rwiringira byose, Urukundo ntabwo ruzashira”.

Ngayo magambo ari mu ndirimbo ya Clarisse Karasira , uvuga ko yaryohewe n’intango y’urukundo rwe na Dejoie.

Yumve hano