skol

Ezee Darling wamenyekanye mu ndirimbo “Please Me" yishimiye ko se yarokotse impanuka yagonzemo Sofia [Amafoto]

Imyidagaduro   Yanditswe na: Rebecca UFITAMAHORO 12 January 2022

Umukobwa wamamaye mu ndirimbo “Please Me” ya Juno Kizigenza Kayugi Eunice Musabe wamenyekanye ku izina rya Ezee Darling yifashije indirimbo ya Aline Gahongayire ashimira Imana yarinze se umubyara wakoze impanuka akagonga Sofia kumunsi wejo hashize.

Iyi Manuka yabaye ku gicamunsi cy’umunsi w’ejo tariki ya 11 Mutarama 2022 , ibera mu Karere ka Kicukiro, habereye impanuka ya Toyota Land Cruiser yataye umuhanda ikagonga Camera yo ku muhanda izwi nka Sofia, ishinzwe gukurikirana iyubahirizwa ry’amategeko y’umuhanda.

Ni impanuka yabereye ahitwa Rwandex, mu muhanda uva mu Mujyi werekeza i Remera. Amakuru avuga ko iyo modoka yari irimo umushoferi wenyine kandi ngo ntacyo yabaye.

Nyuma y’iyo mpanuka, amakuru yaje kumenyekana ko umushoferi wari uyitwaye ari papa wa Kayugi Eunice Musabe wamenyekanye nka Ezee Darling, nyuma yo kugaragara mu mashusho y’indirimbo Please Me y’umuhanzi Juno Kizigenza, agashijwa kwambara ubusa.

Uyu mukowa Ezee wakuze aririmba muri korari, yakuruye impaka nyinshi ku mbuga nkoranyambaga nyuma y’uko iyi ndirimbo isohotse mu buryo bw’amashusho, akagaragaramo yambaye ubusa ibintu bitari bimenyerwe mu mashusho y’indirimbo mu Rwanda.

Imodoka ya papa wa Ezee uko yari imeze agikora impanuka

Abinyujije kuri konti ye ya Instagram, uyu mukobwa yifashishije indirimbo y’umuhanzikazi Aline Gahongayire yitwa Ndanyuzwe n’indi ya Pentatonix maze ashyiraho amafoto y’imodoka ya se hari aho yacuramye muri iyo mpanuka ikomeye.

Muri ayo mafoto uyu mukobwa yayaherekeresheje amagambo agira ati: “Urakoze Mana kuba warokoye papa, uri Imana ikora’’ arongera ati: “Urakoze Mana kuba warokoye papa, izina ryawe rihabwe ishimwe n’icyubahiro.’’

Umuvugizi w’Ishami rya Polisi rishinzwe Umutekano wo mu muhanda, SSP Irere René avuga ko iyo modoka yakoze impanuka ahagana saa cyenda z’igicamunsi kuri uyu wa Kabiri, ikaba yari itwawe n’uwitwa Nsengiyumva Jean Marie Vianney.

Uyu mukobwa aherutse kwifashishwa na Juno mu mashusho y’indirimbo ye

SSP Irere yatangaje ko umushoferi yisobanuye avuga ko yikanze ikamyo yarimo kubisikana na we akurira inkike (bordures) z’umuhanda na ’camera’ bakunda kwita ’Sophia’, agarutse mu muhanda imodoka ihita icuranguka iragarama mu muhanda.

SSP Irere akomeza agira ati "Uwo mushoferi urebye uko yari ameze, wabonaga ntacyo yabaye, usibye ko yagiye kwa muganga, yatubwiraga ko yumva ababara mu gatuza gusa, ariko imodoka ni yo yangiritse, yari ayirimo ari umwe".

Umuvugizi wa Polisi, Ishami rishinzwe Umutekano wo mu muhanda, avuga ko na Camera ya Polisi yangiritse bikomeye itarimo gukora, ariko ko uwayangije atari abigambiriye ahubwo ari impanuka nk’izindi, ziba zigomba kwishyurirwa n’ubwishingizi imodoka iba yarafatiwe

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amakuru mashya:Imyanzuro y’urukiko yemeje ko Miss Elsa arekurwa

Urukiko rw’ibanze rwa Kicukiro rwemeje ko Iradukunda Elsa wabaye Miss Rwanda...
25 May 2022 0

Umuhanzikazi Annet Murava yambitswe impeta n’umukunzi we bitegura...

Umuhanzikazi mu ndirimbo zo kuramya no guhimbaza Imana wamenyekanye nka...
25 May 2022 0

Urutonde rw’abahanzi bakanyujijeho mu bihe byashize ubu bakaba baraburiwe...

Urutonde rw’abahanzi bakanyujijeho mu ruhando rwa Muzika Nyarwanda...
25 May 2022 0

Ku musore niba wifuza urukundo rufatika menya ingeso ukwiye...

Abantu benshi bakunze kujya mu rukundo ariko ugasanga ntirumara kabiri...
24 May 2022 0

Menya Impamvu ikomeye yatumye urubanza rwa Miss Elsa rushyirwa mu...

Mu gitondo cyo kuri uyu wa Kabiri tariki ya 24 Gicurasi nibwo Ahagana saa...
24 May 2022 1

Knneth Gasana ukinira Patriots BBC yahawe ubwenegihugu bw’u Rwanda...

Wilson Kenneth Gasana ukinira ikipe y’Igihugu ya Basketball na REG BBC...
24 May 2022 0