Kuri uyu wa Gatanu tariki 7 Ukwakira 2022, abanyamakuru bakunzwe muri siporo y’u Rwanda aribo David Bayingana na Bagirishya Jean de Dieu wamamaye nka Jado Castar, bahawe impamyabumenyi z’icyiciro cya gatatu (Master’s) muri Johan Cruyff Institute iherereye i Barcelona muri Espagne.

Sponsored Ad

Aba bagabo barangije amasomo y’ibijyanye n’imicungire ya siporo muri iyi Kaminuza yitiriwe Hendrik Johannes Cruijff , wabaye umukinnyi rurangiranwa w’Ikipe ya FC Barcelone.

Mu minsi ishize nibwo aba bagabo baherekejwe na Muyoboke Alex berekeje muri Espagne aho bari bagiye gushyikirizwa impamyabumenyi zabo.

‘Johan Cruyff Institute’ ni kaminuza yashinzwe mu 1999, ikaba ifite umwihariko mu gutanga amasomo mu micungire ya siporo.

David Bayingana na Jado Castar bazwi mu biganiro bya Siporo kuri radiyo y’imikino B&B FM Umwezi, bakaba bamwe mu bayishinze.