Ibirori byo guhemba abahanzi Nyarwanda bakoze ibikorwa by’indashyikirwa mu bihangano byabo, kuva mu mwaka wa 2015 kugeza mu mwaka 2016 byari biteganyijwe kuba tariki ya 23 Ukuboza 2016 byasubitswe byimirurwa ku itariki itaratangazwa.
Ku mugoroba wo kuri uyu wa Mbere tariki 19 Ukuboza 2016 ni bwo byatangiye guhwihwiswa ko Salax Awards y’uyu mwaka itakibaye. Mu gitondo cyo kuri uyu wa kabiri nibwo hasohotse itangazo rivuye mu Ikirezi Group ari nayo Kompanyi itegura iri rushanwa rivuga ko (...)

Sponsored Ad

Ibirori byo guhemba abahanzi Nyarwanda bakoze ibikorwa by’indashyikirwa mu bihangano byabo, kuva mu mwaka wa 2015 kugeza mu mwaka 2016 byari biteganyijwe kuba tariki ya 23 Ukuboza 2016 byasubitswe byimirurwa ku itariki itaratangazwa.

Ku mugoroba wo kuri uyu wa Mbere tariki 19 Ukuboza 2016 ni bwo byatangiye guhwihwiswa ko Salax Awards y’uyu mwaka itakibaye. Mu gitondo cyo kuri uyu wa kabiri nibwo hasohotse itangazo rivuye mu Ikirezi Group ari nayo Kompanyi itegura iri rushanwa rivuga ko ibirori byasubitswe bitewe n’uko aho byari kuzabera hatabashije kuboneka.

Ibihembo bya Salax Awards byigijwe imbere mu mwaka wa 2017

Itangazo rigira riti "Ubuyobozi bw’Ikirezi Group ltd ku bufatanye na Yes Africa Ltd, buramenyesha abahanzi bose bari ku rutonde rwa nomination muri Salax Awards Edition ya 7, ubuyobozi bw’Urugaga rwa muzika, abanyamakuru b’imyidagaduro, abafatanyabikorwa, abaterankunga hamwe n’abanyarwanda bose muri rusange, ko kubera ikibazo cy’ahazabera Salax Awards hatabonetse bitewe na gahunda nyinshi zo mu mpera y’umwaka, ibirori byo gutanga ibihembo bitazaba ku itariki 23 Ukuboza nk’uko byari byaratangajwe."

Banavuze ko kuba irushanwa ritakibaye uyu mwaka bitavuze ko amatora yarangiye ko ushobora gukomeza guha amahirwe umuhanzi wikundira.

Bati "Amatora arakomeza uko bisanzwe kuri SMS hoherezwa code y’umuhanzi wifuza guha amahirwe yo kwegukana Salax Awards Edition ya 7 ku 5000, no kuri www.salaxawards.rw. Igihe cyo gutanga ibi bihembo hamwe na gahunda zizahita zikurikiraho za Edition ya 8, muzabimenyeshwa nyuma y’iminsi mikuru. Tubifurije Umwaka mushya muhire, umwaka w’amata n’ubuki. Ikirezi Group ltd.”

Kuba bavuze ko gahunda y’itanga ry’ibi bihembo izatangazwa nyuma y’iminsi mikuru, mu yandi magambo bivuze ko ibyo bihembo bitagitanzwe uyu mwaka ahubwo bizatangwa muri 2017. "

King James, Christopher ndetse na Diana Teta basezeye muri Salax Awards, nyuma byanuganuzwe ko na Jay Polly yavuyemo gusa we avuga ko ‘atakwivana mu irushanwa atazi neza ko arimo’.

Intego ya Salax Awards ni uguteza imbere umuziki. Uyu mwaka bakuyemo icyiciro cya gakondo binjizamo ibindi byiciro bitari iby’umuziki.