skol

Ibyo wamenya kuri Ep Nshya y’itsinda Charly&Nina ryamaze kugaruka mu muziki

Imyidagaduro   Yanditswe na: Rebecca UFITAMAHORO 28 January 2022

Itsinda rya Charly&Nina ryashyize akadomo ku ndirimbo eshanu zigize Extended Play (EP) yabo ya mbere bagiye guheraho bagaruka mu muziki mu buryo bweruye nyuma y’imyaka irenga ibiri bahagaritse gukorana nk’itsinda


Amakuru yizewe agera kuri UMURYANGO aravuga ko Charly na Nina bamaze gukora indirimbo eshanu ziri kuri Extended Play (EP) yabo ya mbere.

Izi ndirimbo bazishyuye miliyoni 2.5 Frw zikozwe na Producer Element muri Country Records. Mu minsi iri imbere barafata amashusho y’imwe mu ndirimbo ziri kuri iyi EP baririmbye mu rurimi rw’Igifaransa.

Kuva mu mpera z’icyumweru gishize nibwo ku mbuga nkoranyambaga hatangiye gusakara amakuru avuga ko Charly na Nina bagiye kugaruka mu muziki.

Kuva aba bakobwa bahagarika imikoranire, Nina ni we wagaragaye mu bikorwa by’umuziki aho muri Nyakanga 2021 yaririmbye wenyine mu ruhererekane rw’ibitaramo byari byateguwe n’Urwego rw’Umuvunyi mu bukangurambaga bwo kurwanya ruswa n’akarengane.

Icyo gihe Nina yahawe akazi wenyine nyuma y’uko Charly avuze ko atiteguye kugaruka mu muziki vuba.

Yaba Charly cyangwa Nina ntawigeze na rimwe avuga ku itandukana ryabo. Gusa, gucika intege nyuma y’uko batandukanye na Muyoboke Alex biri muri bimwe abantu bavuga ko byatumye aba bakobwa batandukana.

Iri niryo tsinda ry’abakobwa ryabayeho mu Rwanda rikagira igikundiro cyihariye. Bari kumwe na Muyoboke bakoze indirimbo zabaguriye ubwamamare nka ‘Indoro’ bakoranye na Big Fizzo, ‘I Do’ na Bebe Cool wo muri Uganda, ‘Owooma’ na Geosteady n’izindi.

Mu Ukwakira 2020, Muyoboke Alex yabwiye Kiss Fm adaciye ku ruhande ko mu bahanzi bose yarebereye inyungu uwo yakwishimira cyane kongera gukorana nawe ari Charly na Nina.

Ati “…Mvugishije ukuri urabizi ko ntajya mbeshya, nakorana na Charly na Nina. Kuko ibitekerezo nari mfite hari urwego bagezeho abandi bahanzi twakoranye batagezeho, nari mfite umushinga utari imyaka ibiri, itatu cyangwa itanu. Twari twararenze urwego rw’igihugu tugeze mu Karere n’ahandi batangiye kutumenya,”


Bidasubirwaho, Charly na Nina bagiye kugaruka mu muziki nyuma y’imyaka irenga 2 batuje

Author : Rebecca UFITAMAHORO

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bugesera:Umupfumu yubatse umuhanda mu rwego rwo kwitura Igihugu(AMAFOTO)

Umupfumu umaze kumenyekana nka Salongo yubatse umuhanda mwiza mu Karere ka...
22 May 2022 0

Dore inama zishobora kugufasha nyuma yo gutandukana nuwo mwakundanaga

Abantu benshi usanga bagorwa no gukomeza ubuzima bishimye nyuma yuko...
22 May 2022 0

Ihere ijisho uburanga bw’Abanyarwandakazi bavugisha benshi kubera ikimero...

Mu mafoto atandukanye reba ubwiza bw’Abanyarwandakazi bavugisha benshi ku...
22 May 2022 0

Agatoki ku kandi! Amafoto ya Miss Naomie n’umukunzi we akomeje kuvugisha...

Amafoto ya Nyampinga w’u Rwanda 2020 Nishimwe Naomie ari kumwe n’umukunzi we...
21 May 2022 0

Reba uburanga bw’umukobwa wegukanye ikamba rya Miss Tanzania...

Mu mafoto atandukanye ihere ijisho uburanga bwa Halima Kopwe w’imyaka 23...
21 May 2022 0

Miss Ruzindana Kelia yagaragaje uruhare rwe mu gufasha Urubyiruko kwiga...

Mu gikorwa cyo gutaha ingoro y’amateka yo kwigira kw’Abanyarwanda i Nyanza,...
21 May 2022 0