Ishimwe Clement umuyobozi w’Inzu itunganyamuzika ya Kina Music akaba umutambukanyi wa Ingabire Jean d’Arc wiyeguriye muzika nka Knowless, yamwifurije isabukuru nziza y’amavuko agira n’icyo amusezeranya.
Ku itariki ya 01 Ukwakira buri mwaka, Knowless uherutse gushyira hanze indirimbo nshya ‘Uzagaruke’ yizihiza isabukuru y’amavuko.Ni umunsi uhuririnye n’ibyishimo by’ikirenga muri uyu muryango wamaze kwibaruka umwana w’imfura w’umukobwa.
Abinyujije kuri Instagram, Umugabo wa Knowless bigaragara ko (...)

Sponsored Ad

Ishimwe Clement umuyobozi w’Inzu itunganyamuzika ya Kina Music akaba umutambukanyi wa Ingabire Jean d’Arc wiyeguriye muzika nka Knowless, yamwifurije isabukuru nziza y’amavuko agira n’icyo amusezeranya.

Ku itariki ya 01 Ukwakira buri mwaka, Knowless uherutse gushyira hanze indirimbo nshya ‘Uzagaruke’ yizihiza isabukuru y’amavuko.Ni umunsi uhuririnye n’ibyishimo by’ikirenga muri uyu muryango wamaze kwibaruka umwana w’imfura w’umukobwa.

Abinyujije kuri Instagram, Umugabo wa Knowless bigaragara ko yanditse ubu butumwa mu ijoro kuko bumaze amasaha cumin na tanu bwanditswe.Yagize ati “Isabukuru Nziza nshuti yanjye,Umugore wanjye, Mama w’imfura yanjye.Or[umukobwa we] afite umugisha wo kutugira nk’Ababyeyi be.”

Clement yasezeranyije umugore we kuzamukunda kugeza ku mpera z’isi
Muri ubu butumwa Clement yasezeranyije umugore kuzamukunda kugeza ku iherezo ry’isi,aho yagize ati “Nzagukunda kugeza ku mwuka wanyuma nzahumeka…Nongere mbisubiremo isabukuru nziza.”

Platini Nemeye uba muri Kina Music ndetse n’umunyamakuru Kabendera wa RBA ni bamwe mu bantu bazwi bifurije isabukuru y’amavuko nziza uyu muhanzikazi umaze imyaka irenga itanu mu kibuga cy’umuziki agaragaza ko ariwe utwaye ibendera mu gisata cy’Abagore.

Ku wa Kane tariki 1 Nzeri 2016, Ubwo Butera Knowless yifurizaga umugabo we Ishimwe Clement isabukuru nziza, yakoresheje amagambo yuje urukundo aho yagize ati ”We promised each other that we would grow old Together. As the Years pass by, and as you turn one year older, on your Birthday I am reminded of how lovely it has been being with you. Let’s celebrate this day and wish that each and every moment of the future turns out to be as heavenly as it has been so far. Happy Birthday to you Dear #P.OR I love you. @clementishimwe #myHusband”

Tugenekereje mu Kinyarwanda ati ”Twasezeranye ko tuzasazana, uko imyaka igenda ishira, uko hagenda hiyongeraho umwaka ku buzima bwawe,ku isabukuru yawe y’amavuko nagira ngo nkwibutse uburyo ari iby’agaciro kuba hamwe nawe. Reka twizihizanye uyu munsi twifurizanya ko ibihe byose byahazaza bizatubera nka Paradizo nkuko byahoze. Isabukuru nziza mukunzi, ndagukunda.”

Jeanne d’Arc Ingabire niyo mazina asanzwe y’umuhanzi uzwi ku izina rya Knowless. Ni mwene Jean Marie Vianney Butera na Marie Claire Uyambaje. Yavukiye mu Karere ka Ruhango hahoze hitwa Gitarama, kuwa 1 Ukwakira 1990, akavuka ari ikinege.