skol

Menya ibintu 10 Meddy ari kugenderaho mu guhitamo uwo bazarushinga

Imyidagaduro   Yanditswe na: Iyamuremye Janvier 26 August 2017

Meddy wamaze kugera mu Rwanda aho yitabiriye igitaramo cya ‘Beer Fest’ yamaze gutangaza ko nta mukunzi afite ahubwo ko akiri ‘Gutereta’, ngo akunda umukobwa udashyira ubuzima bwe ku mbuga nkoranyambaga.

Mu kiganiro yagiranye na Radio Rwanda ku mugoroba wo kuri uyu wa gatandatu tariki ya 26 kanama 2017, uyu musore yagarutse ku buzima yabayemo kuva ageze muri Amerika ndetse n’uburyo yagiye agerageza gukora muzika ahageze, yanakomeje kandi ku rukundo rwe ndetse n’ibyo ari kugenderaho mu guhitamo uwo bazarushinga.

Uyu muhanzi utarakunze kuvugwa cyane mu itangazamkuru mu rukundo n’umukobwa runaka, yavuze ko nta mukunzi afite kuri ubu ahubwo ko akiri gutereta kuburyo mu minsi ya vuba azaba yamutangaje.

Meddy avuga ko adakunda umukobwa w’icyamamare.

Ngo mu byo ashingiraho bikomeye akundira umukobwa nta kunda umukobwa wirirwa ashyira ubuzima bwe ku mbuga nkoranyambaga, ngo ntavangura y’aba igikara cyangwa inzobe ngo ntakibazo uwo bakundana.

Aseka cyane ati “ […] ntabwo, icyo kibazo abantu benshi bakunze kucyimbaza, ntabwo mfite umukunzi ubu ariko hari ukuntu nshaka kubishyira mu nzira zo kuba yaba umukunzi wanjye ni muri urwo rwego numva nasubizamo icyo kibazo….Uba uri mu nzira yo gutereta, yego kbs ndi mu nzira yo guterata.”

Meddy yavuze ko ijambo ‘Gutereta’ ryamusekeje cyane ariko ko ari ryo nawe yumva akwiye gukoresha muri iki gihe.Abajijwe ibyo agenderaho kugirango ahitemo uwo bazarushinga, yagize ati “ Umukobwa nkunda ni umukobwa wiyubashye, umukobwa wiha agaciro, umukobwa ukunda abantu cyane, umukobwa witondera ibintu.”

Kuri iyi ngingo y’umukobwa witondera ibintu, uyu muhanzi w’imyaka 28 y’amavuko yavuze ko ‘ ari ikintu yabonye nyuma y’uko bamwe mu bakobwa bakoresha imbuga nkoranyambaga mu gushyira hanze ubuzima bwabo.”
Ngo yabonye buri wese aba ashaka gushyira hanze ubuzima bwe ari nayo mpamvu yahisemo kubyitondera mu guhitamo uwo mukobwa.

Yungamo ati “Nkunda kandi umukobwa wiyubashye, abakobwa bakunda ibyabo badashyira hanze ibyabo bagamije kumenyekana cyangwa se bashaka kumenyakanisha ibyabo…Nkunda abakobwa bafite ikinyabupfura…Ntabwo noranya akenshi ngendera ku myitwarire y’uwo mukobwa, yaba inzobe cyangwa se igikara.”
Meddy yanahishuye ko adakeneye umukobwa uzwi cyane mu ruganda rw’imyidagaduro, umunyamakuru cyangwa umuhanzi.Yavuze ko ‘atibona mu ishusho y’umuhanzi wakundanye n’umukobwa uzwi cyangwa w’umuhanzikazi.”

Meddy yageze mu Rwanda ku mugoroba wo ku wa gatandatu tariki ya 26 Kanama 2017, yakirwa n’abantu amagana bari bafite amatsiko yo kumubona nyuma y’imyaka irindwi yari amaze aba muri Amerika.

Author : Iyamuremye Janvier

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rusizi: Umugore yaje guhagarika ubukwe bw’umugabo babyaranye ubuyobozi...

Mu Karere ka Rusizi mu Murenge wa Kamembe umugore yaje guhagarika ubukwe...
30 June 2022 0

Justin Bieber yagaragaye yishimanye n’umugore we nyuma yo gutangaza ko...

Umuhanzi ukomeye muri Leta zunze ubumwe z’America wamamaye nka Justin Bieber...
30 June 2022 0

Danny Vumbi yahishuye ibihangano yabujijwe na Nyina ubwo bamushyinguraga

Umuhanzi Danny Vumbi yahishuye ko umubyeyi we yari yaramusaye guhagarika...
30 June 2022 0

Kevin Kade avuze imbogamizi ahura nazo aterwa no kuba ari icyamamare

Umuhanzi uri mu bagezweho hano mu Rwanda umaze kubaka izina nka Kevin Kade...
30 June 2022 0

Shaddyboo yahumurije Dj Dizzo urembejwe na Canseri

Umunyamideli Mbabazi Shadia wamamaye nka Shaddyboo yafashe umwanya...
30 June 2022 0

Ihere ijisho uburanga bwa Tunzi wabaye Miss Universe 2019 uri kubarizwa i...

Mu mafoto atandukanye ihere ijisho uburanga bwa Zozibini Tunzi uturuka...
29 June 2022 0