Miss Nishimwe Naoimie n’umukunzi we Michael Tesfay bakomeje kuryoherwa n’ubuzima muri Gabon aho Miss Naomie yari yaherekeje umukunzi we muri gahunda z’akazi.

Sponsored Ad

Aba bombi bamaze iminsi uri Gabon aho bari bahiye kugirana ibiganiro n’abantu batandukanye mu nzego zitandukanye mu kunoza imikoranire hagati ya Company Bizcotap Michael abereye umuyobozi n’ibikorwa bitandukanye muri Gabon.

Michael yagaragaje ko yanyuzwe n’uburyo bakiriwe ndetse yiteguye gukorana nabo neza.

Mu butumwa yasangije abamukurikira yagize ati"Mwarakoze kutwakira bayobozi ba Guverinoma ya Gabon hamwe n’itsinda ryanjye,mu mpera z’icyumweru gishize".

Ati" Byari ibya agaciro ku buryo ikoranabuhanga ryanozwa mu buhinzi,ubukerarugendo, ubuzima n’ubushabitsi".

Akomeza agira ati"Twiteguye gukorana na Guverinoma ya Gabon mu guteza imbere uburyo bwarushaho kuzamura imibereho y’abaturage bayo".