Mu birori by’amateka byaba byarabereye k’ubutaka bw’u Rwanda iki gitaramo cyaza mu bya mbere, ni igitaramo cyahurije hamwe abahanzi bari bafite amazina akomeye mu muziki wicyo gihe haba mu Rwanda ndetse no hanze yarwo. Ngwino dusubirane mu 2012 turebe mu mafoto uko byari byifashe.

Ni igitaramo cyabaye mu ijoro rya taliki 15 ukuboza 2012 , ni igitaramo cyabaye mu rwego rwo kwizihiza isabukuru y’imyaka 25 umuryango FPR Inkotanyi wari umaze ubayeho. Iki gitaramo cyatumiwemo abahanzi batandukanye baba abo mu Rwanda ndetse no hanze yarwo.

Mu bahanzi bari batumiwe uwo munsi harimo : Jaypolly wari ku gasongero k’umuziki nyarwanda wicyo gihe , Butera knowless, Doctor Claude , Massamba intore , Mani Martin, Mariya yohani, liliane Mbabazi wo muri Uganda , Dr. Jose chameleon wari ugezweho mu ndirimbo nka Valuvalu , ndetse n’itsinda rya Psquare ryari riyoboye umuziki wa afurika icyo gihe.

Abahanzi bakomeye bari batumiwe bo hanze y’u Rwanda barimo Psquare ndetse na Dr jose chameleon bageze mu Rwanda ku I taliki 14 ukuboza mbere ya masaaha 24 ko igitaramo cyiba. Ku munsi nyirizina w’igitaramo amarembo ya stade amahoro yafunguwe saakumi z’igicamunsi.

Abashyushyarugamba b’igitaramo bari Mc Tino ndetse na Anita pendo, kwinjira muri iki gitaramo byari Ubuntu ndetse cyatambutse live kuri television Rwanda. Itsinda rya psquare ryari ritegerejwe na benshi ryatanze ubunani bwuzuye mu ndirimbo zabo zari zigezweho mwiyo minsi zirimo; Beautiful Onyinye bakoranye na Rickross, Chop my money bakoranye na AKON ,Alingo ,temptations ,nizindi nyinshi.

Iki gitaramo cyitabiriwe na bantu benshi bikaba bivugwako abantu barenga ibihumbi 55 bari muri stade amahoro iryo joro bihera ijisho ndetse banyuka umuziki w’imboneka rimwe . mu banyacyubahiro bari bitabiriye iki gitaramo harimo nyakubahwa perezida wa Repubulika Paul Kagame ndetse na Madamu Jeannette Kagame.

Mu mafoto arenga 20 ihere ijisho uko byari byifashe muri iki gitaramo cy’amateka itsinda rya psquare ryakoreye mu Rwanda.

Umusozo!
Umwanditsi : GLADIATOR OG